உருளை பொரியல்.

லஞ்ச் பாக்ஸுக்கு ஏற்றபடி ஐந்தே நிமிடத்தில் செய்யக்கூடிய ஈஸி உருளை பொரியல் இதோ.

தேவையானவை :-

உருளைக்கிழங்கு - 2, உப்பு - அரை டீஸ்பூன், வரமிளகாய்த்தூள் - அரை டீஸ்பூன், எண்ணெய் - 3 டீஸ்பூன், தாளிக்க - கடுகு, உளுந்து தலா அரை டீஸ்பூன், சோம்பு - கால் டீஸ்பூன்.

செய்முறை :- உருளைக்கிழங்கைத் தோல் சீவிக் கட்டம் கட்டமாக நறுக்கிக் கொள்ளவும். கடாயில் எண்ணெயைக் காயவைத்து கடுகு உளுந்து சோம்பு தாளித்து உருளையை இரு நிமிடம் வதக்கவும். இதில் உப்பும் , மிளகாய்த்தூளும் சேர்த்து வதக்கி ரோஸ்டாக எண்ணெயிலேயே நன்கு வெந்ததும் இறக்கவும். இது தயிர்சாதம் & கலவை சாதங்களுக்குத் தொட்டுக்கொள்ள ஏற்றது..