27. விஜயதசமி – பால் பணியாரம்
தேவையானவை :- பச்சரிசி – 1 கப், உளுந்து – 1 கப், பால் அல்லது தேங்காய்ப் பால் – 3 கப் ( அ ) மில்க் மெய் – அரை டப்பா, சீனி – முக்கால் கப், எண்ணெய் – பொரிக்கத் தேவையான அளவு.
செய்முறை :- பச்சரிசியையும் உளுந்தையும் களைந்து இரண்டு மணி நேரம் ஊறவைத்து வெண்ணெய் போல் அரைத்தெடுக்கவும் ( குருணை , திப்பி இருந்தால் வெடிக்கும். எனவே நைஸாக அரைப்பது முக்கியம் ) . பால் அல்லது தேங்காய்ப்பாலில் சீனியைச் சேர்த்து நன்கு கரைத்து வைக்கவும். மில்க் மெயிட் என்றால் இரண்டு கப் வெந்நீர் ஊற்றிக் கலந்து வைக்கவும். எண்ணெயைக் காயவைத்து அரைத்த மாவைச் சீடைக்காய் அளவு உருண்டைகள் செய்து வேகவைக்கவும். சூட்டோடு பாலில் போட்டு ஊறவைத்து நிவேதிக்கவும்.
கருத்துகள் இல்லை:
கருத்துரையிடுக