வெண்டைக்காய் சூப்

வெண்டைக்காய் சூப்:-

தேவையானவை:-

வெண்டைக்காய் முற்றியது  - 10 

வேகவைத்த துவரம்பருப்பு - 1 டேபிள் ஸ்பூன்

பெரிய வெங்காயம் - 1 நீளமாக நறுக்கவும்

தக்காளி - 1 துண்டுகளாக்கவும்.

பச்சை மிளகாய் - 1 இரண்டாக வகிரவும்.

மஞ்சள் தூள் - 1 சிட்டிகை

எண்ணெய் /நெய் - 2 டீஸ்பூன்

உளுந்து - 1/2 டீஸ்பூன்

சோம்பு - 1/3 டீஸ்பூன்

சீரகம் - 1/2 டீஸ்பூன்

மிளகு - 1 டீஸ்பூன்

பட்டை - 1 இன்ச்

இலை - இன்ச்

கல்பாசிப்பூ - 1 இன்ச்

ஏலக்காய் - 1

கருவேப்பிலை - 1 இணுக்கு.

கொத்துமல்லி தழை - 1 டீஸ்பூன்.

உப்பு - 1 டீஸ்பூன்

பால் - 1 டேபிள் ஸ்பூன்.

செய்முறை:-

வெண்டைக்காய்களை  இரண்டு இன்ச் துண்டுகளாக வெட்டவும். ஒரு பானில் எண்ணெய்/ நெய் ஊற்றி உளுந்து, சோம்பு, சீரகம்., மிளகு, கல்பாசிப்பூ., பட்டை., இலை., ஏலக்காய் போட்டு தாளிக்கவும். அதில் வெங்காயம், தக்காளி., கருவேப்பிலை., பச்சை மிளகாய், வெண்டைக்காய் போட்டு நன்கு வதக்கவும். துவரம்பருப்பை நன்கு மசித்து 3 கப் தண்ணீர் ஊற்றி உப்பு, மஞ்சள் தூள் சேர்த்து பானில் ஊற்றவும். கொதி வந்ததும் சிம்மில் மூடி போட்டு 7 நிமிடம் வேக விடவும். பால் ஊற்றி கொத்துமல்லித்தழை சேர்த்து வறுத்த அரிசி வத்தல்களுடன் பரிமாறவும்.