வெஜ் பெப்பர் பாஸ்தா

வெஜ் பெப்பர் பாஸ்தா:-

தேவையானவை:- மிக்ஸ்ட் பாஸ்தா ( ஸ்பிரிங்க்,ஸ்பைரல், போவ்) - 1 கப்

காய்கறிக் கலவை ( காரட், பீன்ஸ்,காலிஃப்ளவர்,பட்டாணி, குடை மிளகாய் ) பொடியாக அரிந்தது - 2 டேபிள் ஸ்பூன், பெரிய வெங்காயம் பொடியாக அரிந்தது - 2 டேபிள் ஸ்பூன், மாகி ஹாட் & ஸ்வீட் டொமாட்டோ சில்லி சாஸ் - 2 டீஸ்பூன், அஜினோமோட்டோ - 1 சிட்டிகை அல்லது உப்பு - 1/2 டீஸ்பூன், சீனி - 1/4 டீஸ்பூன், வெள்ளை மிளகுப் பொடி - 1/2 டீஸ்பூன், வெண்ணெய்/சீஸ்/ஆலிவ் ஆயில் - 2 டீஸ்பூன்

செய்முறை:-பாஸ்தாக்களை தேவையான தண்ணீரில் நன்கு மென்மையாக வேகவைத்து வடிகட்டி வைக்கவும். ஒரு பானில் வெண்ணெய்/சீஸ்/ஆலிவ் ஆயில் போட்டு அதில் வெங்காயம் போட்டு நன்கு வதக்கவும். அதில் காய்கறிக் கலவை, வெள்ளை மிளகுப் பொடி, அஜினோமோட்டோ அல்லது உப்பு போட்டு ஒரு நிமிடம் உச்சபட்ச தீயில் வதக்கவும். அதில் வேகவைத்த பாஸ்தாக்களைப் போட்டுக் கிளறவும். தீயிலிருந்து இறக்கி மேகி ஹாட் அண்ட் ஸ்வீட் டொமாட்டோ சில்லி சாஸைத் தெளித்துப் பரிமாறவும்.