பேபிகார்ன்/ஸ்வீட்கார்ன் சூப்
தேவையானவை:- பேபிகார்ன் என்றால் 2, ஸ்வீட் கார்ன் என்றால் – உதிர்த்தது அரை கப், பெரிய வெங்காயம் – 1, தக்காளி – 1, பச்சை மிளகாய் – 1, கருவேப்பிலை – 1 இணுக்கு, மஞ்சள் தூள் – 1 சிட்டிகை, பருப்பு வேகவைத்த தண்ணீர் – 2 கப், எண்ணெய் – 1 டீஸ்பூன், சோம்பு – ½ டீஸ்பூன், சீரகம் – ½ டீஸ்பூன், மிளகு – ½ டீஸ்பூன், கருவேப்பிலை – 1 இணுக்கு, கிராம்பு, ஏலக்காய் – தலா 1 உப்பு – ½ டீஸ்பூன், பால் – 1டேபிள் ஸ்பூன்.
செய்முறை:- பேபி கார்ன் என்றால் வட்ட வட்டமாக நறுக்கவும். பெரிய வெங்காயம் தக்காளியை நீளவாக்கில் நறுக்கவும். பச்சை மிளகாயைக் கீறி வைக்கவும். ப்ரஷர் பானில் எண்ணெயைக் காயவைத்து சோம்பு சீரகம் மிளகு போடவும், இதில் கிராம்பு ஏலக்காய் போட்டு அனைத்தும் பொரிந்ததும் கருவேப்பிலை, பச்சை மிளகாய் பேபி கார்ன் அல்லது ஸ்வீட்கார்ன் போட்டு வதக்கவும் . இரண்டு நிமிடம் வதக்கியபின் வெங்காயம் தக்காளியைச் சேர்த்து வதக்கவும். இதில் மஞ்சள் பொடியைப்போட்டு பருப்பு கரைத்த தண்ணீரை ஊற்றி உப்புப் போட்டு ஒரு விசில் வைத்து இறக்கவும். ஒரு டேபிள் ஸ்பூன் பால் கலந்து பரிமாறவும்.
கருத்துகள் இல்லை:
கருத்துரையிடுக