பாதாம் ஷோர்பா ( ஆல்மோண்ட் சூப்)
தேவையானவை:- பாதாம் – 1 கைப்பிடி, பால் – ஒன்றரை கப், தண்ணீர் – ஒன்றரை கப், வெண்ணெய் – 1 டீஸ்பூன், ஆல் பர்ப்பஸ் மாவு – அரை டீஸ்பூன், உப்பு – கால் டீஸ்பூன், சீனி – ஒரு சிட்டிகை, கரம் மசாலா – 1 சிட்டிகை, வெள்ளை மிளகுத்தூள் – கால் டீஸ்பூன்.
செய்முறை:- பாதாமை வெந்நீரில் ஒருமணி நேரம் ஊறவைத்துத் தோலுரிக்கவும். இரண்டு மூன்று பாதாமை அலங்கரிக்க எடுத்து வைத்துவிட்டு மிச்சத்தை அரைக் கப் பால் ஊற்றி நன்கு அரைக்கவும். ஒரு பானில் வெண்ணெயை உருகவைத்து ஆல் பர்ப்பஸ் மாவை சேர்த்து வாசம் வரும்படி நிறம் மாறாமல் வறுத்துப் பாலைச் சேர்த்துக் கரைத்துக் கொதிக்க விடவும். இது கொதிக்கும்போது அரைத்த பாதாமைச் சேர்த்து ஒன்றரைக் கப் நீர் ஊற்றி இன்னும் கொதிக்க வைக்கவும். இரு நிமிடம் கொதித்ததும் உப்பு, வெள்ளை மிளகுத்தூள், கரம் மசாலாத்தூள், ஒரு சிட்டிகை ஜீனி சேர்த்து நன்கு கலக்கி இறக்கி சீய்த்த பாதாமால் அலங்கரிக்கவும். வெதுவெதுப்பாக அருந்தக் கொடுக்கவும்.
கருத்துகள் இல்லை:
கருத்துரையிடுக