கருணைக்கிழங்கு சாசேஜ்
தேவையானவை:- வேகவைத்த கருணைக்கிழங்கு – 1, வேகவைத்த உருளைக்கிழங்கு – 1, ப்ரெட் – 2 ஸ்லைஸ், வறுத்த சோம்பு, சீரகம், மல்லி – தலா கால் டீஸ்பூன், மிளகு – கால் டீஸ்பூன், வெங்காயம் பொடியாக அரிந்தது – 1 டேபிள் ஸ்பூன், இஞ்சி பூண்டு துருவியது – அரைடீஸ்பூன் தலா. சீஸ் துருவியது – 1 டேபிள் ஸ்பூன். உப்பு – அரை டீஸ்பூன். தக்காளி சாஸ் – அரை டீஸ்பூன். எண்ணெய் – பொரிக்கத் தேவையான அளவு.
செய்முறை:- ஒரு டீஸ்பூன் எண்ணெயில் இஞ்சி பூண்டு, வெங்காயத்தை வதக்கி ஆறவிடவும். இதில் வேகவைத்த கருணை, உருளை, ஓரம் நீக்கிய ப்ரெட்ஸ்லைஸ் சேர்க்கவும். சோம்பு, சீரகம் மல்லி, மிளகை வறுத்துப் பொடி செய்து உப்போடு போடவும். தக்காளிசாஸ், துருவிய சீஸ் சேர்த்து சாசேஜ்களாக உருட்டவும். தட்டையான பேனில் எண்ணெய் ஊற்றிப் பிடிகருணைபோல் உருட்டி வேகவைத்துப் பொரித்தெடுக்கவும்.
கருத்துகள் இல்லை:
கருத்துரையிடுக