கருப்பட்டிக் கொழுக்கட்டை

கருப்பட்டிக்  கொழுக்கட்டை.

தேவையானவை :- பச்சரிசி - 4 ஆழாக்கு, கருப்பட்டி - 200 கி, வெல்லம் - 200 கி, ஒரு முழுத் தேங்காய் - துருவவும்., எள்ளு - 2 டீஸ்பூன், உப்பு - 1 சிட்டிகை

செய்முறை:- பச்சரிசியைக் கழுவிக் காயவைத்து மாவாகச் சலிக்கவும். வெல்லம் கருப்பட்டியை நைத்துப் போட்டு இரண்டு டம்ளர் தண்ணீர் ஊற்றி லேசாக சுடவைத்துக் கரைத்ததும் வடிகட்டி வைத்துக் கொள்ளவும். ஒரு பெரிய பேசினில் பச்சரிசி மாவைப் பரப்பி அதில் எள், தேங்காய்த் துருவல் , உப்பைத் தூவவும். கருப்பட்டி வெல்லப் பாகை வடிகட்டி அதில் ஊற்றிக் கரண்டிக் காம்பால் கிளறவும். நன்கு சேர்ந்ததும் கையால் நன்கு மென்மையாகப் பிசைந்து பிடி கொழுக்கட்டைகளாகப் பிடித்து ஆவியில் வேகவிட்டு எடுக்கவும்.