ஃபலாஃபல்:- ( காபூலி சன்னா - கொண்டைக்கடலை வடை ).FALAFEL.

ஃபலாஃபல்:- ( காபூலி சன்னா - கொண்டைக்கடலை வடை )

தேவையானவை :-

கொண்டைக்கடலை – 2 கப், மைதா – 2 டேபிள் ஸ்பூன், பெரிய வெங்காயம் – 1 பொடியாக அரியவும். கொத்துமல்லித்தழை – கால் கப், வெள்ளை எள் – 1 டேபிள் ஸ்பூன் , சீரகம், 1 டீஸ்பூன், மிளகு – அரை டீஸ்பூன், மிளகாய்த்தூள் – கால் டீஸ்பூன், பூண்டு – 5 பல், ஏலப்பொடி – 1 சிட்டிகை, உப்பு – அரை டீஸ்பூன், எண்ணெய் – பொரிக்கத் தேவையான அளவு.

செய்முறை:-

வெள்ளைக் கொண்டைக் கடலையைக் கழுவி 12 மணி நேரம் ஊறவைக்கவும். நீரை வடித்து மிக்ஸியில் கொண்டைக் கடலை, மைதா, பெரிய வெங்காயம், கொத்துமல்லித் தழை, சீரகம், மிளகு, பூண்டு, மிளகாய்த்தூள், ஏலப்பொடி, உப்பு சேர்த்துக் கொரகொரப்பாக அரைக்கவும். வடைகளாகத் தட்டி வெள்ளை எள்ளில் புரட்டி வைத்து எண்ணெயைக் காயவைத்துப் பொன்னிறமாகப் பொரிக்கவும். மயோனிஸுடன் பரிமாறவும்.

விநாயகர் ரெசிப்பீஸ் - VINAYAGAR RECIPES.

விநாயகர் ரெசிப்பீஸ் :-

1.எருக்கலங்கொழுக்கட்டை – தேங்காய் வெல்லப்பூரணம்

2.எருக்கலங்கொழுக்கட்டை – எள்ளு கருப்பட்டிப் பூரணம்

3.எருக்கலங்கொழுக்கட்டை – பருப்பு சர்க்கரைப் பூரணம்.

4 எருக்கலங்கொழுக்கட்டை – உளுந்துப் பூரணம்

5. எருக்கலங்கொழுக்கட்டை – காய்கறிப் பூரணம்.

6. அரிசி பருப்பு உருண்டைக் கொழுக்கட்டை.

7. ரவை சுகியன்.

8.கருப்பட்டி மோதகம்

9.கோதுமை அப்பம்.

10.சோள வடை

11.ஃப்ரூட் வெர்மிசெல்லி கீர்.

1.எருக்கலங்கொழுக்கட்டை – தேங்காய் வெல்லப் பூரணம்.

தேவையானவை :- பச்சரிசி – 2 கப், தேங்காய் – 1, வெல்லம் – அரை கப், ஏலக்காய் – 1சிட்டிகை. நல்லெண்ணெய் – 2 டீஸ்பூன். உப்பு – 1 சிட்டிகை. நெய்- 2 டீஸ்பூன், ஒடித்த முந்திரி – 10.

செய்முறை:- மேல்மாவு தயாரிக்க:- பச்சரிசியைக் களைந்து இரண்டு மணி நேரம் ஊறவைத்து உப்பு சேர்த்து நைஸாக சிறிது தளர அரைக்கவும். பானில் நல்லெண்ணெயைக் காயவைத்து இந்த மாவைக் கொட்டி ஒட்டாத பதம் வரும் வரை சுருளக் கிளறவும். இறக்கி ஆறவிடவும். பூரணம் செய்ய :- தேங்காயைத் துருவி வெல்லம் சேர்த்து சுருளக் கிளறி இறக்கவும் நெய்யில் முந்திரியைப் பொரித்துப் பூரணத்தில் போட்டு அதை நன்கு பிசைந்து நெல்லிக்காய் அளவு உருண்டைகள் செய்யவும். மேல்மாவில் எலுமிச்சை அளவில் உருண்டைகள் எடுத்து சொப்பு செய்து இந்தப் பூரணத்தை உள்ளே வைத்து மூடி இட்லி பாத்திரத்திலோ அல்லது குக்கரில் வெயிட் போடாமலோ 20 நிமிடம் வேகவைத்து இறக்கவும். நிவேதிக்கவும்.

2.எருக்கலங்கொழுக்கட்டை – எள்ளு கருப்பட்டிப் பூரணம்.

தேவையானவை. :- பச்சரிசி – 2 கப், கறுப்பு எள்ளு – 1 கப், கருப்பட்டி – கால் கப், வெல்லம் – கால் கப், ஏலப்பொடி – 1 சிட்டிகை. நல்லெண்ணெய்- 2 டீஸ்பூன். உப்பு – 1 சிட்டிகை.

கிருஷ்ண ஜெயந்தி ரெசிப்பீஸ் KRISHNA JEYANTHI RECIPES.

கிருஷ்ண ஜெயந்தி ரெசிப்பீஸ்

1.அரிசி முறுக்கு

2.மைதா சீடை

3.ராகி ஓட்ஸ் மினி தட்டை

4.வரகு வெல்லச்சீடை

5.சாமை பருப்புக் கொழுக்கட்டை

6.கம்பு இனிப்பு உருண்டை

7.அவல் கார உருண்டை

8.கோதுமைப் புட்டு

9.தினை பால்சாதம்

10.ஸ்வீட்கார்ன் பாயாசம்

1.அரிசி முறுக்கு

தேவையானவை:-

இட்லி அரிசி – 4 கப், பொட்டுக்கடலை – ஒரு கப், பெருங்காயத்தூள் – சிறிது. உப்பு – ஒரு டீஸ்பூன், வெண்ணெய் – 20 கி, மிளகாய்ப் பொடி – அரை டீஸ்பூன், எள் – 1 டீஸ்பூன், சீரகம் – 1 டீஸ்பூன், எண்ணெய் – பொறிக்கத்தேவையான அளவு.

செய்முறை:- அரிசியைக் களைந்து ஊறவைத்து கிரைண்டரில் நைஸாக ஆட்டவும். பொட்டுக்கடலையை மிக்ஸியில் அரைத்துச் சலிக்கவும். இட்லி மாவில் பொட்டுக்கடலைப் பொடி, மிளகாய்ப் பொடி, எள், சீரகம், உப்பு சேர்த்து வெண்ணெயையும் போட்டுக் காய்ந்த எண்ணெயை சிறிது ஊற்றி தண்ணீர் தெளித்துப் பிசையவும். அச்சில் போட்டுக் காயும் எண்ணெயில் பொரித்தெடுக்கவும். நிவேதிக்கவும்.

ஆப்பிள் ஃப்ரிட்டர்ஸ். APPLE FRITTERS.

ஆப்பிள் ஃப்ரிட்டர்ஸ்:-

தேவையானவை :-

பச்சை ஆப்பிள் – 2, மைதா – 2 கப், கார்ன் ஃப்ளோர் – 1 டேபிள் ஸ்பூன், பொடித்த சர்க்கரை – முக்கால் கப், 2 டீஸ்பூன் பேக்கிங் பவுடர், பட்டை – ஒரு இன்ச் துண்டு  ( பொடிக்கவும் ), உப்பு - ஒரு டீஸ்பூன் , பால் – முக்கால் கப், உருகவைத்த வெண்ணெய் – 2 டேபிள் ஸ்பூன், வனிலா எசன்ஸ் – 2 டீஸ்பூன், எண்ணெய் – பொரிக்கத் தேவையான அளவு.

செய்முறை:-

மைதா, உப்பு, பேக்கிங் பவுடர், பொடித்த சர்க்கரை, பொடித்த பட்டையை ஒரு பௌலில் போட்டுக் கலக்கவும். இன்னொரு பௌலில் கார்ன் ஃப்ளோர், பால் உருகிய வெண்ணெய், வனிலா எசன்ஸ் போட்டு நன்கு அடித்துக் கலக்கவும். இந்தக் கலவையில் மைதாக் கலவையை சிறிது சிறிதாக சேர்த்து மென்மையாகக் கலக்கவும். இதில் தோல் சீவி ஸ்லைஸாகத் துண்டுகள் செய்த ஆப்பிளைத் தோய்த்து நன்கு காயும் எண்ணெயில் பொன்னிறமாக 4 நிமிடங்கள் பொரித்து பொடித்த சர்க்கரையைத் தூவிப் பரிமாறவும்.

ஆப்பிளில் விட்டமின் ஏ அதிக அளவில் இருக்கின்றது. விட்டமின் சி, ஈ, கே, ஃபோலேட், கோலைன் ஆகியனவும் இருக்கின்றன. கால்சியம், மக்னீசியம், பாஸ்பரஸ், பொட்டாசியம், ஃப்ளூரைட் ஆகியன அதிக அளவில் இருக்கின்றன. ஒமேகா 3 ஃபேட்டி அமிலம் 11.2 மிகி அளவிலும், ஒமேகா 6 ஃபேட்டி அமிலம் 53.8 மிகி அளவிலும் இருக்கின்றன.. ஃபைட்டோஸ்டிரால்ஸ் 15 மிகி இருக்கின்றது.

பச்சை ஆப்பிளில் நிறைய நார்ச்சத்து இருப்பதால் குடல் சுத்தம் செய்வதற்கும் வளர்சிதை மாற்றத்துக்கும் உதவுது. சருமத்தைப் பாதுகாக்குது. தைராய்டு சுரப்பியை சரிவர வைப்பதால் வாதநோய் தவிர்க்கப்படுது. அல்ஸைமர் என்னும் நினைவாற்றல் தடுப்பு நோய்க்கு பச்சை ஆப்பிள் உண்பது சிறந்த மருந்து. ஆஸ்துமா, நீரிழிவு, முதுமை நோயைத் தடுக்கும் எலும்பு வளர்ச்சிக்கு உதவுது. முடி வளர்ச்சியை அதிகரிக்குது

தைராய்டு சுரப்பியைச் சீராக வைப்பதாலும் இதயத்தின் செயல்பாடுகளை அதிகரிப்பதாலும் எலும்பு வளர்ச்சிக்கு உதவுவதாலும் தினம் ஒரு பச்சை ஆப்பிளை உணவுல சேர்க்கலாம். AN APPLE IN A DAY KEEPS THE DOCTORS AWAY என்ற பழமொழியை உண்மையாக்கலாம். 


ஆப்பிளே வா ! ஆரோக்கியத்தைத் தா !

டிஸ்கி:- இந்த ரெசிபி 2016 ஆகஸ்ட் மாத கோகுலத்தில் வெளியானது. இதில் சேம்பு வடை ரெசிபியைப் பாராட்டிய ஜே ஆர் கே ஹரிராஜா & ஆர்.ஜி. காயத்ரி , திசையன்விளை ஆகியோருக்கு மனம் நிறைந்த நன்றி. !