தவலை வடை
தேவையானவை:- பச்சரிசி - 50 கிராம், புழுங்கரிசி - 50 கிராம், உளுந்து - 50 கிராம், துவரம் பருப்பு - 50 கிராம், கடலைப் பருப்பு - 50 கிராம், பாசிப்பருப்பு - 50 கிராம், ஜவ்வரிசி - 50 கிராம், வர மிளகாய் – 4, சோம்பு ( பெருஞ்சீரகம்) - 1 டீஸ்பூன், துருவிய தேங்காய் - 1 கப், பெரிய வெங்காயம் - 1 பொடியாக அரியவும்., உப்பு - 1 1/2 டீஸ்பூன், கடுகு - 1 டீஸ்பூன், எண்ணெய் - பொரிக்கத் தேவையான அளவு.
செய்முறை:- அரிசி பருப்புக்களை நன்கு கழுவி ஊறவைக்கவும். மிளகாய் , சோம்பு, உப்பை பொடியாக்கவும். அத்துடன் அரிசி பருப்பு ஜவ்வரிசி சேர்த்து அரைக்கவும். ஒரு பானில் ஒரு டீஸ்பூன் எண்ணெயைக் காயவைத்து கடுகு தாளித்து அதில் வெங்காயத்தை நன்கு வதக்கவும். அதில் துருவிய தேங்காயைப் போட்டுப் பிரட்டி அரைத்த மாவில் கொட்டி நன்கு கலக்கவும். எண்ணெயைக் காயவைத்து ஒரு சின்ன குழிவான கரண்டியில் மாவை எடுத்து ஊற்றவும். இருபுறமும் பொன்னிறமாக வெந்ததும் எடுத்து தேங்காய்ச் சட்னி அல்லது கதம்பச் சட்னியுடன் சுடச் சுடப் பரிமாறவும்.
கருத்துகள் இல்லை:
கருத்துரையிடுக