எனது 24 நூல்கள்

எனது 24 நூல்கள்
எனது இருபத்து நான்கு நூல்கள்

வியாழன், 14 மார்ச், 2024

19.பாகற்காய் ஸ்வீட் பச்சடி

19.பாகற்காய் ஸ்வீட் பச்சடி


 

தேவையானவை - பாகற்காய் – கால் கிலோ, வெல்லம் – 1 அச்சு, தக்காளி – 1, புளி – 2 சுளை, உப்பு – அரை டீஸ்பூன், மிளகாய்த்தூள் – அரை டீஸ்பூன், எண்ணெய் – 2 டீஸ்பூன், கடுகு – அரை டீஸ்பூன், அரிசி மாவு – ஒரு டீஸ்பூன்.

 

செய்முறை:- பாகற்காயை விதை நீக்கிப் பொடியாக நறுக்கவும். தக்காளியைத் தோலுரித்துப் பொடியாக நறுக்கவும். ஒரு டீஸ்பூன் எண்ணெயில் பாகற்காயை வதக்கித் தக்காளியைப் போட்டு உப்புப் புளியை அரை கப் நீரில் கரைத்து ஊற்றி மிளகாய்ப்பொடியைப் போட்டு வேகவிடவும். நன்கு வெந்ததும் வெல்லத்தைத் தூள் செய்து போட்டுக் கரைந்ததும் கடுகு தாளித்து இறக்கவும். பச்சடி நீர்த்து இருந்தால் ஒரு டீஸ்பூன் அரிசி மாவைக் கரைத்து ஊற்றவும்.  

திங்கள், 11 மார்ச், 2024

18.செவ்வாழை புட்டிங்

18.செவ்வாழை புட்டிங்

 

தேவையானவை:- செவ்வாழை – 2, தேங்காய்த்துருவல்- 2 டேபிள் ஸ்பூன், தேன் – 1 டேபிள் ஸ்பூன், ஏலப்போடி -1 சிட்டிகை.

 

செய்முறை:- செவ்வாழையைத் தோலுரித்து ஸ்லைசுகளாக நறுக்கி வட்டமாக அடுக்கவும். இதில் தேங்காய்த் துருவலைத் தூவித் தேன் ஊற்றி ஏலப்பொடியையும் தூவிப் பரிமாறவும்.

வெள்ளி, 8 மார்ச், 2024

17.புதினா சர்பத்

17.புதினா சர்பத்


 

தேவையானவை:- புதினா இலைகள் – ஒரு கப், ஜீனி அல்லது வெல்லம் – கால் கப், பச்சை எலுமிச்சங்காய் தோலுடன் – கால் பாகம், கறுப்பு உப்பு – 1 சிட்டிகை, இஞ்சி – சிறு துண்டு, பச்சை மிளகாய் – சிறு துண்டு, வறுத்த சீரகப் பொடி – கால் டீஸ்பூன், ஐஸ் துண்டுகள் – 10

 

செய்முறை:- ஐந்து ஐஸ் துண்டங்களோடுஇவை அனைத்தையும் ப்ளெண்டரில் போட்டு நன்கு அடித்து வடிகட்டி தேவையான நீர் சேர்த்து மிச்ச ஐஸ் துண்டுகளைப் போட்டுப் பரிமாறவும்.

புதன், 6 மார்ச், 2024

16.மேங்கோ பன்னா

16.மேங்கோ பன்னா



 

தேவையானவை:- மாங்காய் – 2, ஜீனி – மாங்காயின் சதைப்பகுதி அளவில் இரண்டு மடங்கு, ஏலப்பொடி – கால் டீஸ்பூன் , வறுத்த சீரகப் பொடி – அரை டீஸ்பூன், மிளகுப்பொடி – கால் சிட்டிகை, கறுப்பு உப்பு அல்லது சாதாரண உப்பு – 2 டீஸ்பூன்.

 

செய்முறை:- மாங்காய்களைக் கழுவி ஒரு பிரஷர் குக்கரில் இரண்டு கப் நீரூற்றி முழுதாக வேகவிடவும். வெந்தநீரை வடித்து வைத்துக் கொள்ளவும். இது ஜூஸ் தயாரிக்கும்போது உதவும். மாங்காயின் சதைப்பகுதியைத் தோலுரித்து, கொட்டை எடுத்து நன்குவழித்து எடுத்து மசிக்கவும். வழித்து எடுத்த சதைப் பகுதியைப் போல இரண்டு மடங்கு ஜீனி, ஏலப்பொடி, வறுத்த சீரகப் பொடி, மிளகுப்பொடி, கறுப்பு உப்பு சேர்த்து நன்கு கரைத்து ஒரு பாட்டிலில் எடுத்து வைக்கவும். ஜூஸ் தயாரிக்கும்போது  இதில் இரண்டு அல்லது மூன்று டீஸ்பூனை ஒரு க்ளாஸில் போட்டு மாங்காய் வேகவைத்த தண்ணீரைக் கலந்து பரிமாறவும். 

சனி, 2 மார்ச், 2024

15.நாட்டு வாழைக்காய் ஸ்வீட் போண்டா

15.நாட்டு வாழைக்காய் ஸ்வீட் போண்டா




 தேவையானவை:- நன்கு பழுத்த நாட்டு வாழைக்காய் – 2, கோதுமைமாவு – 1 டேபிள் ஸ்பூன், மைதா – ஒரு டேபிள் ஸ்பூன், ரவா – 1 டேபிள் ஸ்பூன், வெல்லம் – 1 டேபிள் ஸ்பூன், உப்பு – 1 சிட்டிகை, ஏலப்பொடி – 1 சிட்டிகை. எண்ணெய் – பொரிக்கத் தேவையான அளவு.

 

செய்முறை:- நன்கு பழுத்த நாட்டு வாழைக்காய்களைத்தோலுரித்து உப்பு, வெல்லத்தோடு போட்டு நன்கு பிசையவும். மிக்ஸியில் போட்டுக் கூழாக்கவும் செய்யலாம். இதில் ஏலப்பொடி, ரவா, மைதா, கோதுமை மாவைச் சேர்த்துக் கட்டிகள் இல்லாமல் பிசைந்து சில நிமிடம் ஊற வைக்கவும். இறுக்கமாக இருந்தால் சிறிது பால் தெளித்துப் பிசையலாம். எண்ணெயைக் காயவைத்துப் போண்டாக்களாக உருட்டிப் போட்டுப் பொரித்தெடுத்துப் பேரீட்சை ஜாமுடன் பரிமாறவும்.  

Related Posts Plugin for WordPress, Blogger...