13.பழம்பொரி
தேவையானவை:- நேந்திரன் வாழைப்பழம் – 2 , மைதா – அரை கப், பச்சரிசி மாவு – 1 டேபிள் ஸ்பூன், ஜீனி – ஒரு டேபிள் ஸ்பூன், உப்பு – 1 சிட்டிகை, பேக்கிங் சோடா – 1 சிட்டிகை, எண்ணெய் – பொரிக்கத் தேவையான அளவு.
செய்முறை:- நேந்திரன் வாழைப்பழத்தைத் தோல் சீவி ஸ்லைஸுகளாக்கவும். மைதா, பச்சரிசி மாவு, பேக்கிங் சோடா, ஜீனி சேர்த்துப் பஜ்ஜி மாவு போல் கரைக்கவும். எண்ணெயைக் காயவைத்து நேந்திரன் ஸ்லைசுகளை மாவில் தோய்த்துப் பொரித்தெடுக்கவும்.
12.கேரட் ஸ்டஃப்ட் குல்ச்சா
தேவையானவை:- கேரட் – கால் கிலோ, மைதா – 2 கப், ஜீனி – கால் கப், உப்பு – அரை டீஸ்பூன், ஈஸ்ட் – சிறிது. நெய் – 2 டேபிள் ஸ்பூன்.
செய்முறை:- கேரட்டைத் தோல்சீவித் துருவி ஒரு பானில் போட்டு நன்கு வதக்கிப் பச்சை வாடை போனதும் ஜீனி சேர்த்து வேகவைத்துப் பூரணம் போல் கிளறி எடுக்கவும். சிறிது வெதுவெதுப்பான நீரில் ஈஸ்டை ஊறவைத்து மைதா மாவு உப்புக் கலவையில் ஊற்றி மென்மையாகப் பிசைந்து ஒருமணிநேரம் ஊறவைக்கவும். மூடி போட்டு வெய்யிலிலும் வைக்கலாம். இதில் எலுமிச்சை அளவு உருண்டை எடுத்து கேரட் பூரணத்தை வைத்து மூடி கனமான சப்பாத்திகளாகத் திரட்டி நெய் போட்டுச் சுட்டு எடுக்கவும்.
தேவையானவை:- பீட்ரூட் – சின்னம் 1, வெள்ளை ரவை - ஒரு கப், ஜீனிப் பவுடர் – 1 கப், பால் – 1கப், தயிர் – அரை கப், பேக்கிங் பவுடர் – அரை டீஸ்பூன், பேக்கிங் சோடா – கால் டீஸ்பூன், நெய் – 3 டேபிள் ஸ்பூன்.
செய்முறை:- பீட்ரூட்டைத் தோல்சீவி தூளாகத் திருகி வெறும் வாணலியில் பச்சை வாசம் போக வதக்கி ஆறவிடவும். தயிரை நன்கு அடித்துக் கொள்ளவும். இதில் பீட்ரூட், ஜீனிப் பவுடர், ரவை, பால், பேக்கிங் பவுடர், பேக்கிங் சோடாவைச் சேர்க்கவும். நன்கு கலக்கி சிறிது நேரம் வைக்கவும். குக்கரில் கீழே ஒரு ஸ்டாண்ட் வைத்து ஐந்து நிமிடம் சூடாக்கவும். ஒரு பேக்கிங் ட்ரேயில் நெய் தடவி ரவை பீட்ரூட் கலவையை ஊற்றி குக்கரில் வைத்து கேஸ்கட், வெயிட் போடாமல் முக்கால் மணி நேரம் மீடியம் நெருப்பில் வேகவைத்து எடுக்கவும். Read more: http://www.mylivesignature.com/mls_wizard2_1.php?sid=54488-89-72B745B7DCD91A6D51CF5145CF29EE5F#ixzz0gZnBC9oU
10.பூசணி பேடா/ஆக்ரா பேடா/அங்கூரி பேடா
தேவையானவை:- பூசணி – 2 கீற்று, சுண்ணாம்பு – ½ டீஸ்பூன், ஜீனி – 1 1/2 கப், ஏலக்காய் – 3, தாழம்பூ எசன்ஸ் – சில துளிகள், குங்குமப்பூ – 1சிட்டிகை, கேசரி கலர் – ஒரு சிட்டிகை.
செய்முறை:- பூசணியைத் தோல்சீவி ஒரு இஞ்ச் சதுரத் துண்டுகளாக்கவும். 3 கப் தண்ணீரில் சுண்ணாம்பைக் கரைத்து அதில் பூசணித்துண்டுகளை 24 மணி நேரம் ஊறவைக்கவும். அதன் பின் நன்கு அலசிக் கழுவி எடுத்து நீரில் 1 நிமிடம் வேகவைத்து வடித்து வைக்கவும். ஜீனியுடன் ஏலக்காய்த்தூள்,குங்குமப்பூர், கேசரி கலர் சேர்த்து கால் கப் நீரூற்றி அடுப்பில் வைக்கவும். ஜீனி கரைந்ததும் பூசணித்துண்டுகளைச் சேர்த்து நீர் வற்றியதும் இறக்கி தாழம்பூ எசன்ஸை ஸ்பிரே செய்து ஆறவிடவும்.
9.பரங்கிக்காய் அல்வா
தேவையானவை:- பரங்கிக்காய் – 2 கீற்று, ஜீனி – 1 கப், நெய் – 2 டேபிள் ஸ்பூன், கெட்டிப் பால் – 1 கப், முந்திரி, கிஸ்மிஸ் – தலா 8, ஏலப்பொடி – கால் டீஸ்பூன்.
செய்முறை:- பரங்கிக்காயைத் தோல்சீவி மென்மையாகத் துருவவும். பாதி நெய்யில் முந்திரி கிஸ்மிஸை வறுத்து எடுத்து வைத்துவிட்டு மீதி நெய்யில் பரங்கிக்காய் துருவலைப் போட்டுப் பச்சை வாசம் போகும்வரை வதக்கவும். இதில் பாலை ஊற்றி வேகவிடவும். வெந்ததும் ஜீனி சேர்த்துக் கிளறி இறுகியதும் வறுத்த முந்திரி, கிஸ்மிஸ் ஏலப்பொடியைச் சேர்த்துக் கிளறிப் பரிமாறவும்.
8.காலிஃப்ளவர் லாலிபாப்
தேவையானவை:- காலிஃப்ளவர் – 15 பூக்கள், மைதா – கால் கப், சோளமாவு – கால் கப், பனீர் துருவியது – 1 டேபிள் ஸ்பூன், ஜீனி – 1 டேபிள் ஸ்பூன், எண்ணெய் – பொரிக்கத் தேவையான அளவு.
செய்முறை:- காலிஃப்ளவர் பூக்களை வெந்நீரில் போட்டு மூன்று நிமிடம் வேகவைத்து வடிகட்டி வைக்கவும். நைஸாகத் துருவிய பனீருடன் சோளமாவு, மைதாமாவு, ஜீனி சேர்த்துக் கெட்டியாகக் கரைக்கவும். காலிஃப்ளவர் பூக்களை இதில் தோய்த்துக் காயும் எண்ணெயில் பொரித்துப் பரிமாறவும்.
7.தக்காளி ஜாம்
தேவையானவை:- தக்காளி – அரை கிலோ, ஜீனி – 35 கி, எலுமிச்சை சாறு – அரை டேபிள் ஸ்பூன், பட்டை, கிராம்பு – தலா மூன்று.
செய்முறை:- தக்காளிகளைக் கீறிக் கொதிக்கும் வெந்நீரில் போட்டுப் பத்து நிமிடங்கள் மூடி வைக்கவும். ஆறியதும் தோலை உரித்து விதை இல்லாமல் சதைப்பகுதியை மட்டும் எடுத்து அரைத்து வைக்கவும். ஒரு பானில் இதைப் போட்டு நீர் சுண்டும்வரை கிளறவும். இதில் ஜீனி சேர்த்து மேலும் கிளறவும். ஓரளவு தளதளவெனக் கொதித்துக் கெட்டிப் பாகு ஆகும்போது எலுமிச்சைச் சாறைச் சேர்த்துப் பட்டை கிராம்பைப் பொடித்துப் போட்டு நன்கு கிளறி இறக்கவும். வெதுவெதுப்பாக இருக்கும்போதே கண்ணாடி பாட்டில்களில் மாற்றவும். இந்த ஜாம் ப்ரெட், சப்பாத்திக்குத் தொட்டுக்கொள்ள ஏற்றது.
6.இஞ்சி முரப்பா
தேவையானவை:- இஞ்சி தோல் நீக்கித் துருவியது – 1 கப், பால் – 1 கப், ஜீனி – 1 கப்
செய்முறை:- இஞ்சியுடன் பால் சேர்த்து மைய அரைக்கவும். இதில் சர்க்கரை சேர்த்து அடுப்பில் வைத்துப் பாத்திரத்தில் ஒட்டாமல் வரும்வரை கிளறி நெய் தடவிய ட்ரேயில் கொட்டித் துண்டுகள் போடவும்.
5.மரவள்ளிக்கிழங்கு போளி
தேவையானவை:- மரவள்ளிக்கிழங்கு – 250 கிராம், மைதா – 2 கப், வெல்லம் – ஒன்றரை கப், தேங்காய்த்துருவல் – அரை கப், நெய் – 2 டேபிள் ஸ்பூன், எண்ணெய் – 200 கி, மஞ்சள்தூள் – 1 சிட்டிகை.
செய்முறை:- மரவள்ளிக்கிழங்கை அவித்து உதிர்த்து வைக்கவும். வெல்லம், தேங்காய்த்துருவல், மரவள்ளிக்கிழங்கை ஒரு பானில் போட்டுக் கெட்டியாகும் வரை கிளறி சிறிது நெய் சேர்த்து இறக்கிவைக்கவும். மைதாவில் மஞ்சள்தூள், ஒரு சிட்டிகை உப்பு, ஒரு சிட்டிகை ஜீனி சேர்த்து நீர் தெளித்துப் பிசைந்து எண்ணெய் ஊற்றி ஊறவைக்கவும். இரண்டு மணி நேரம் கழித்து மைதாவில் உருண்டைகள் செய்து அதன் நடுவில் மரவள்ளிக்கிழங்கு பூரணத்தை வைத்துக் கனமான சப்பாத்திகள் போலத் தட்டி நெய் விட்டுச் சுட்டு எடுக்கவும்.
4.உருளை பான்கேக்
தேவையானவை:- உருளைக்கிழங்கு – 2, ஆல் பர்ப்பஸ் மாவு/மைதா – 1 கப், பால் -1 கப், சீனி - கால் கப், வெண்ணெய் - 1 டேபிள் ஸ்பூன், பேக்கிங் பவுடர் – 1 சிட்டிகை, ஆலிவ் ஆயில் – சிறிது.
செய்முறை:- உருளைக்கிழங்கைத் தோல்சீவி நைஸாகத் துருவவும். வெண்ணெய், பேக்கிங் பவுடர், ஜீனியைச் சேர்த்து நன்கு அடித்துக் கலக்கவும். இதில் துருவிய உருளை, மைதா, பாலை சிறிது சிறிதாகச் சேர்த்துக் கலக்கவும். அதிகம் அடிக்க வேண்டாம். ஒரு நான்ஸ்டிக் தவாவில் ஆலிவ் ஆயிலை ஸ்ப்ரே செய்து ஒரு பெரிய கரண்டி மாவை ஊற்றி லேசாக ஊத்தப்பம்போல் தடவவும்.இருநிமிடங்கள் கழித்து திருப்பிப் போட்டு வேகவைத்து எடுத்துத் தேன், ஜாம், வெண்ணையுடன் பரிமாறவும்.
13. ப்ளாக் ஃபாரஸ்ட் கேக்
தேவையானவை:-மைதா – 1 கப் + 1 டேபிள் ஸ்பூன், கோகோ பவுடர் – அரைகப், பேகிங் பவுடர் – 2 டீஸ்பூன், முட்டை – 6 , சீனி – 1 கப், உப்பு – அரை டீஸ்பூன், வனிலா எஸன்ஸ் – 1 டீஸ்பூன், சிரப் செய்ய :- சீனி – அரை கப், தண்ணீர் – அரை கப், செர்ரிப் பழங்கள் – 1 டப்பா, சீனி – கால் கப், கார்ன் ஸ்டார்ச் – 1/3 கப், ஹெவி க்ரீம் – 2 1/2 கப், பொடித்த சீனி – அரை கப்,
செய்முறை:- ஒரு பௌலில் மைதா ஒரு கப், கோகோ பவுடர், பேக்கிங் பவுடர் போட்டு நன்கு கலக்கவும். இன்னொரு பௌலில் ஆறு முட்டைகளை உடைத்து ஊற்றிச் சீனியையும் உப்பையும் சேர்த்து பீட்டரால் இருமடங்காகும் வரை நன்கு அடிக்கவும். இதில் கோகோ மைதா மிக்ஸர், வனிலா எசன்ஸ், கால் கப் வெண்ணெயை உருகவைத்து ஊற்றி நன்கு கலக்கவும். ஒரு 9 இஞ்ச் கேக் ட்ரேயில் கோகோ பவுடரைத் தூவி டஸ்ட் செய்யவும். அதில் கேக் கலவையை ஊற்றவும். 350 டிகிரி முற்சூடு செய்த அவனில் 180 டிகிரி செண்டிகிரேடில் 30 – 35 நிமிடம் பேக் செய்யவும். வெளியே எடுத்துக் குளிர விடவும். அரைக் கப் தண்ணீர், சீனி சேர்த்து சிரப் செய்யவும். செர்ரிப் பழங்களை வடிகட்டி அந்த ஜூஸை சாஸ்பேனில் ஊற்றி கால் கப் சீனி, கார்ன் ஸ்டார்ச் சேர்த்துக் கெட்டியாகும் வரை காய்ச்சி செர்ரிப் பழங்களை சேர்க்கவும். ஹெவி க்ரீமில் பொடித்த சீனி சேர்த்துக் கூம்பாக எழும்பும்வரை அடித்து பைபிங் பேக்கில் போடவும். கேக் கட்டரால் நான்கு சம துண்டுகளாக படுக்கை வசத்தில் வெட்டவும். இதில் ஒவ்வொரு லேயரிலும் சிரப் தடவி நடுவில் செர்ரி கலவை வைத்துச் சுற்றிலும் க்ரீம் கலவையை பைபிங் செய்யவும். இதேபோல் நான்கு லேயர்களையும் அடுக்கி மேலே ஹெவி க்ரீம் தடவி, டார்க் சாக்லேட்டைச் சீய்த்துத் தூவி க்ரீம் பூக்கள் பைபிங் செய்து செர்ரியால் அலங்கரிக்கவும்.
