8.க்ரஞ்சி கார்ன் சாலட்

8.க்ரஞ்சி கார்ன் சாலட்

தேவையானவை:- ரஸ்க் – 2 , வேகவைத்த சோளம் – அரை கப், சிறிய கேரட் – 1, வெள்ளரிக்காய் – 1, வெங்காயம்  நறுக்கியது – ஒரு டேபிள் ஸ்பூன், சாட் மசாலா – அரை டீஸ்பூன், காலா நமக் – கால் டீஸ்பூன், எலுமிச்சை சாறு – அரை டீஸ்பூன், கொத்துமல்லித்தழை – சிறிது, மிளகாய்ப் பொடி – கால் டீஸ்பூன்.

செய்முறை:- ஒரு பௌலில் வேகவைத்த சோளம், நறுக்கிய வெங்காயம், கொத்துமல்லித்தழையைப் போடவும். கேரட்டையும், வெள்ளரிக்காயையும் சிறிய கட்டங்களாக நறுக்கிப் போடவும். ரஸ்கை மீடியமாக உடைத்துப் போட்டு, காலா நமக், சாட் மசாலா, மிளகாய்ப் பொடி தூவி எலுமிச்சைச் சாறை ஸ்ப்ரே செய்து வேகமாகக் குலுக்கி உடனே பரிமாறவும்

7.மில்க் டோஸ்ட்

7.மில்க் டோஸ்ட்

தேவையானவை:- ரஸ்க் – 10 ஸ்லைஸ் அல்லது ஊட்டி வர்க்கி – 10. பால் - 2 கப், பனங்கல்கண்டு – 1 டேபிள் ஸ்பூன்.

செய்முறை:- பாலில் பனங்கல்கண்டைப் போட்டுக் காய்ச்சி ஆறவைக்கவும். ஒரு ப்ளேட்டில் ரஸ்கைப் பரப்பி அதன் மேல் வெதுவெதுப்பான இந்தப் பாலை ஊற்றிப் பரிமாறவும்.

6.க்ரூட்டன்

6.க்ரூட்டன்

தேவையானவை:- மினி ரஸ்க் அல்லது துண்டாக உடைக்கப்பட்ட ரஸ்குகள் – ஒரு கப், ஆலிவ் எண்ணெய் – 1 டீஸ்பூன், கருவேப்பிலை, கொத்துமல்லி – தூளாக்கியது – 1 டீஸ்பூன், பொடித்த மிளகு – அரை டீஸ்பூன், உப்பு – கால் டீஸ்பூன், லேசாக வதக்கிய முட்டைக்கோஸ் – கால்கப், மயோனிஸ் – 1 டேபிள் ஸ்பூன்.

செய்முறை:- மினி ரஸ்கின் மேல் ஆலிவ் எண்ணெய், கருவேப்பிலை கொத்துமல்லிப் பொடி, பொடித்த மிளகு, உப்பு சேர்த்து நன்கு கலக்கி வெறும் பானில் இரண்டு நிமிடம் மிதமான தீயில் புரட்டி எடுக்கவும். ஒரு பௌலில் லேசாக வதக்கிய முட்டைக்கோஸைப் போட்டு அதன் மேல் க்ரூட்டன் ரஸ்கைக் கொட்டி மயோனிஸ் ஸ்ப்ரே செய்து பரிமாறவும்

5.மெல்பா டோஸ்ட்

5.மெல்பா டோஸ்ட்

தேவையானவை:- மெலிதான ரஸ்குகள் – 6, அமுல் பட்டர் – 6 டீஸ்பூன், தக்காளி ஜாம் – 6 டீஸ்பூன்.

செய்முறை:- ரஸ்குகளை லேசாக தவாவில் விட்டு சூடாக்கவும். ஆறியதும் ஒவ்வொரு ரஸ்கின் மேலும் அமுல் பட்டரைத் தடவி அதன் மேல் தக்காளி ஜாமைத் தடவிப் பரிமாறவும். ராஸ்பெர்ரி ஜாம், ஸ்ட்ராபெர்ரி ஜாமும் உபயோகிக்கலாம். மேலாக பீச் மெல்பா பழத்தை சிறிதாக வெட்டி அலங்கரிக்கலாம்.

3.ரஸ்க் மீல்மேக்கர் சாசேஜ்

3.ரஸ்க் மீல்மேக்கர் சாசேஜ்

தேவையானவை:- ரஸ்க் – ஒரு பாக்கெட், மீல்மேக்கர் ( சோயா சங்க்ஸ் ) – 30, சீஸ் – 50 கிராம் துருவியது, ஓமம் – ஒரு டீஸ்பூன், கடுகு – அரை டீஸ்பூன், மிளகு – ஒரு டீஸ்பூன், வெங்காயத்தாள் – அரைக்கட்டு, வெண்ணெய் – 20 கிராம், முட்டை – 2. உப்பு – அரை டீஸ்பூன், மைதா – ரோல் செய்ய, எண்ணெய் – பொரிக்கத் தேவையான அளவு.

செய்முறை:- ரஸ்கை நொறுக்கி வைக்கவும். ஒரு டேபிள் ஸ்பூன் ரஸ்க் தூளைத் தனியாக எடுத்து வைக்கவும். மீல்மேக்கரை வெந்நீரில் 3 நிமிடம் போட்டு நன்கு அலசிப் பிழிந்தெடுத்து மிக்ஸியில் பொடித்து வைக்கவும். ஒரு பானில் வெண்ணெயை உருகவைத்துப் பொடியாக அரிந்த வெங்காயத்தாளைப் போட்டு வதக்கவும். பானை இறக்கி வைத்து இதில் பொடித்த ரஸ்க், மீல்மேக்கர், துருவிய சீஸ், உப்பு, ஓமம், கடுகு, பொடித்த மிளகு இவற்றுடன் முட்டையின் மஞ்சள் கருவை மட்டும் எடுத்துச் சேர்த்து நன்கு பிசையவும். முட்டை வெண்கருவை நன்கு அடித்து வைக்கவும். மாவை நீள சாசேஜ்களாக உருட்டி முட்டை வெண்கருவில் புரட்டி மைதாவையும் ரஸ்கையும் தூவித் தனித்தனியாக ட்ரேயில் அடுக்கி சிறிது நேரம் ஃப்ரிட்ஜில் வைக்கவும். அரை மணி நேரம் கழித்துத் தட்டையான பானில் எண்ணெய் ஊற்றி எல்லாப் பக்கமும் மொறுமொறுவென வரும்வரை பொரித்து இறக்கி சாஸ்களுடன் பரிமாறவும்.

2.ரஸ்க் மஷ்ரூம் கட்லெட்

2.ரஸ்க் மஷ்ரூம் கட்லெட்

தேவையானவை:- ரஸ்க் – 8 ஸ்லைஸ், காளான் – 10,  பீட்ரூட், கேரட் – தலா ஒன்று, பெரிய வெங்காயம் சின்னது – 1 பொடியாக அரியவும். இஞ்சி – சிறு துண்டு, பச்சை மிளகாய் – 2, மிளகாய்த்தூள், கரம் மசாலாத்தூள், உப்பு – தலா அரை டீஸ்பூன், சோளமாவு, மைதாமாவு – தலா இரண்டு டீஸ்பூன். வெண்ணெய் – 2 டீஸ்பூன், கொத்துமல்லித்தழை – 1 கைப்பிடி பொடியாக அரியவும். எண்ணெய் – பொரிக்கத் தேவையான அளவு.

செய்முறை:- காளானைக் கொதிக்கும் வெந்நீரில் 3 நிமிடம் போட்டு வடிகட்டவும். கேரட் பீட்ரூட்டைப் பொடியாகத் துருவவும். ரஸ்கைப்பொடிக்கவும். கட்லெட்டைப் புரட்டிப் போடுவதற்குச் சிறிது ரஸ்கைத் தனியாக எடுத்து வைக்கவும்.  இரண்டு டீஸ்பூன் எண்ணெயில் பொடியாக அரிந்த வெங்காயம், பச்சை மிளகாய், இஞ்சி, பீட்ரூட், கேரட்டைப் போட்டு நன்கு வதக்கவும். பச்சை வாடை போனபின்பு, இதில் கரம் மசாலாத்தூள், மிளகாய்த்தூள், உப்பு சேர்த்துக் கலக்கவும். அத்துடன் வெண்ணெய், ரஸ்க் தூள், சிறிது சோளமாவு, மைதாமாவு போட்டுப் பிசையவும். இதை எலுமிச்சை அளவு எடுத்து உருண்டைகளாக்கி உள்ளே காளானை வைத்து மூடி நீள்வட்டமாகத் தட்டவும். சோளமாவு, மைதாமாவில் சிறிது மிளகாய்ப்பொடி, உப்புப் போட்டுக் கரைத்து அதில் கட்லெட்களை நனைத்து ரஸ்க் தூளில் பிரட்டி தவாவில் போட்டு சுற்றிலும் எண்ணெய் விட்டுப் பொரித்தெடுக்கவும்

1.ரஸ்க் ஆலு டிக்கி

1.ரஸ்க் ஆலு டிக்கி

தேவையானவை:- ரஸ்க் – 4 ஸ்லைஸ், அவித்த உருளைக்கிழங்கு – 1, பொடியாக நறுக்கிய வெங்காயம் – ஒரு டேபிள் ஸ்பூன், உப்பு, மிளகாய்த்தூள், கரம்மசாலாத்தூள் – தலா கால் டீஸ்பூன். எண்ணெய் – பொரிக்கத் தேவையான அளவு.

செய்முறை:- அவித்த உருளைக்கிழங்கில் பொடியாக அரிந்த வெங்காயம், உப்பு, மிளகாய்த்தூள், கரம் மசாலாத்தூள் போட்டு ரஸ்கைப் பொடித்துப் போடவும். தண்ணீர் லேசாகத் தெளித்து அனைத்தையும் நன்கு பிசைந்து நெல்லி அளவு உருண்டைகளாக்கவும். எண்ணெயைக் காயவைத்துப் பொரித்தெடுக்கவும். பள்ளி விட்டு வரும் குழந்தைகளுக்கு நன்கு கரகரப்பான மாலை நேரத்து ஸ்நாக்ஸாகக் கொடுக்கலாம்.

புத்தாண்டு ரெசிப்பீஸ் - சர்வதேச இனிப்புகள்

 ////”இனிப்பைச் சாப்பிட்டு இனிப்பாகப் பேசுங்கள்” என்பது ஒரு துருக்கியப் பழமொழி . கடந்த ஐந்தாண்டுகளாக ஜெர்மனியின் கொலோன் நகரத்தில் வசிக்கும் நான் குமுதம் சிநேகிதிக்காக ஜெர்மனி, ஃப்ரான்ஸ், பல்கேரிய, எகிப்து, ஒட்டாமான், ஐரிஷ், டர்க்கிஷ் இனிப்பு வகைகளை (சிலவற்றை டெஸர்ட் என்றும் சொல்லலாம்) அனுப்பி உள்ளேன். கேக் வகையறாக்கள் ஜெர்மனியில் பிரசித்தம், ப்ளாக் ஃபாரஸ்ட் என்பது ஜெர்மனியில் இருக்கும் ஒரு இடம். துருக்கிய இனிப்புக்களில் பாதாம், பிஸ்தா, முந்திரி, சீனிப்பாகு அதிகம். ஆரோக்கியத்துக்கும் ஏற்றவை. எனவே இந்த இனிப்புகளைச் செய்து சாப்பிட்டு இனிமையாக வாழுங்கள். இனிய புத்தாண்டு நல்வாழ்த்துக்கள் அனைவருக்கும்.

நன்றி

அன்னபூரணி சபாரெத்தினம்

ஜெர்மனி.////

 

1.பஹ்க்லாவாஹ்
2.குனாஃபா
3.பாலக் லசான்யா
4.பிசி பிசி
5.ஃப்ரெஞ்ச் மக்ரூன்
6.ஆப்பிள்குக்
7.ஜெர்மன் பெர்லினர் டோநட்ஸ்
8.பேகட் ரஸ்க் சாக்லேட் & நட்ஸ்
9.துலும்பா
10.கசாந்திபி
11.பிஸ்மானியி
12.லோகும்
13.ப்ளாக் ஃபாரஸ்ட் கேக்
14.மார்ஸிபான்
15.டெமிர் டாட்லிஸி
16.ஹனிம் கோபெகி
17.கோஸ்மெரிம்
18.பபெக்யுரா
19.ஸெர்டி
20.ப்ளம் கேலேட்

டிஸ்கி:- இந்த இனிப்புகள் 16.12.2023 குமுதம் பக்தி ஸ்பெஷலில் வெளியானவை. 

25.ஸ்வீட் கார்ன் மிக்ஸ்

25.ஸ்வீட் கார்ன்  மிக்ஸ்

 

தேவையானவை:- வேகவைத்த ஸ்வீட் கார்ன் – 2 கப், வெங்காயம் பொடியாக அரிந்தது – 1 டேபிள் ஸ்பூன், தக்காளி பொடியாக அரிந்தது – 1 டேபிள்ஸ்பூன், கேரட் பொடியாக அரிந்தது - 1 டேபிள்ஸ்பூன், மிளகாய்த்தூள் – கால் டீஸ்பூன், கருப்பட்டிப் பாகு – 2 டீஸ்பூன், பேரீச்சை ஜாம் – 2 டீஸ்பூன். தக்காளி சாஸ் – 2 டீஸ்பூன் பொடியாக அரிந்த கொத்துமல்லித்தழை – சிறிது. உப்பு – கால் டீஸ்பூன்.  

 

செய்முறை :- இவை அனைத்தையும் கலந்து பரிமாறவும். தேவைப்பட்டால் ஓமப்பொடி, பொரி சேர்த்துக் கொள்ளலாம்.

24.நெல்லிக்காய் ஸ்வீட் தொக்கு

24.நெல்லிக்காய் ஸ்வீட் தொக்கு

 

தேவையானவை:- முழு நெல்லிக்காய் – 30, வெல்லம் – 2 அச்சு, தேன் – கால் கப், உப்பு – 1 சிட்டிகை.

 

செய்முறை:- நெல்லிக்காய்களை ஆவியில் வேகவைத்து எடுத்துக் கொட்டை நீக்கி மிக்ஸியில் போட்டு அரைத்து மசித்து வைக்கவும். இதில் துருவிய வெல்லம் சேர்த்து அடுப்பில் வைத்துக் கிளறவும். நன்கு இறுகி வரும்போது இறக்கி நன்கு ஆறவிட்டுத் தேன் சேர்க்கவும்.

23.இனிப்பு உருளை ஃபிங்கர் சிப்ஸ்

23.இனிப்பு உருளை ஃபிங்கர் சிப்ஸ்

 

தேவையானவை:- இனிப்பு உருளை – கால் கிலோ, ஜீனி – 1 கப், ஏலப்பொடி – 1 சிட்டிகை, எண்ணெய் – பொரிக்கத் தேவையான அளவு, முந்திரி, கிஸ்மிஸ் – தலா 2. நெய் – 2 டீஸ்பூன்.

 

செய்முறை:- இனிப்பு உருளையைத் தோல் சீவி குச்சிகளாகச் சீய்த்து எண்ணெயில் பொரித்து எடுக்கவும். முந்திரி கிஸ்மிசை நெய்யில் பொன்னிறமாக வறுத்து பொரித்த உருளையில் சேர்க்கவும். ஜீனியை முத்துப் பாகு வைத்து அதில் உருளைச் சிப்ஸைப் போட்டு நன்கு புரட்டி வைக்கவும். ஜீனிக்குப் பதில் வெல்லமும் பயன்படுத்தலாம்.

21.சர்க்கரை வள்ளிக்கிழங்கு பாயாசம்

21.சர்க்கரை வள்ளிக்கிழங்கு பாயாசம்

 

தேவையானவை:- சர்க்கரை வள்ளிக்கிழங்கு – 200 கிராம், பச்சரிசி பாசிப்பருப்பு – தலா இரண்டு டீஸ்பூன், தேங்காய்த் துருவல் – 1 டேபிள் ஸ்பூன், வெல்லம் – 1 அச்சு, நெய் – 2 டீஸ்பூன், ஏலப்பொடி – 1 சிட்டிகை, முந்திரி, கிஸ்மிஸ் – தலா 8.

 

செய்முறை:- சர்க்கரை வள்ளிக்கிழங்கை அவித்துத் தோலுரித்து மசித்து வைக்கவும். பச்சரிசி பாசிப்பருப்பை லேசாக வெதுப்பித் தூளாக அரைத்து இரண்டு கப் தண்ணீரில் கரைத்து வேக விடவும். நன்கு வெந்ததும் மசித்த சர்க்கரை வள்ளிக்கிழங்கு, வெல்லத்தூளைச் சேர்த்துக் கொதிக்க விடவும். தேங்காயை அரைத்து ஊற்றி இறக்கி நெய்யில் முந்திரி கிஸ்மிஸ் பொரித்து ஏலப்பொடியுடன் சேர்த்துப் பரிமாறவும்.

20.பலாக்கொட்டை சுகியன்

20.பலாக்கொட்டை சுகியன்

 

தேவையானவை :- பலாவிதை – 30, தேங்காய்த்துருவல் – 2 டேபிள் ஸ்பூன், வெல்லம் – 2 அச்சு, புதிதாக அரைத்த இட்லிமாவு – 1 கப், ஏலப்பொடி- 1 சிட்டிகை, எண்ணெய் – பொரிக்கத் தேவையான அளவு.

 

செய்முறை:- பலாவிதைகளைத் தோலுரித்து ப்ரவுன் தோலையும் சீவி நன்கு கழுவி வேகவைத்து நீரை வடிக்கவும். இதை மிக்ஸியில் அரைத்து இத்துடன் தேங்காய்த்துருவல், வெல்லம்சேர்த்துக் கிளறி ஏலப்பொடி போட்டு வைக்கவும். இதில் எலுமிச்சை அளவு உருண்டைகள் எடுத்து கெட்டியான இட்லி மாவில் தோய்த்து எண்ணெயில் பொரித்தெடுக்கவும்.

19.பாகற்காய் ஸ்வீட் பச்சடி

19.பாகற்காய் ஸ்வீட் பச்சடி

 

தேவையானவை - பாகற்காய் – கால் கிலோ, வெல்லம் – 1 அச்சு, தக்காளி – 1, புளி – 2 சுளை, உப்பு – அரை டீஸ்பூன், மிளகாய்த்தூள் – அரை டீஸ்பூன், எண்ணெய் – 2 டீஸ்பூன், கடுகு – அரை டீஸ்பூன், அரிசி மாவு – ஒரு டீஸ்பூன்.

 

செய்முறை:- பாகற்காயை விதை நீக்கிப் பொடியாக நறுக்கவும். தக்காளியைத் தோலுரித்துப் பொடியாக நறுக்கவும். ஒரு டீஸ்பூன் எண்ணெயில் பாகற்காயை வதக்கித் தக்காளியைப் போட்டு உப்புப் புளியை அரை கப் நீரில் கரைத்து ஊற்றி மிளகாய்ப்பொடியைப் போட்டு வேகவிடவும். நன்கு வெந்ததும் வெல்லத்தைத் தூள் செய்து போட்டுக் கரைந்ததும் கடுகு தாளித்து இறக்கவும். பச்சடி நீர்த்து இருந்தால் ஒரு டீஸ்பூன் அரிசி மாவைக் கரைத்து ஊற்றவும்.  

18.செவ்வாழை புட்டிங்

18.செவ்வாழை புட்டிங்

 

தேவையானவை:- செவ்வாழை – 2, தேங்காய்த்துருவல்- 2 டேபிள் ஸ்பூன், தேன் – 1 டேபிள் ஸ்பூன், ஏலப்போடி -1 சிட்டிகை.

 

செய்முறை:- செவ்வாழையைத் தோலுரித்து ஸ்லைசுகளாக நறுக்கி வட்டமாக அடுக்கவும். இதில் தேங்காய்த் துருவலைத் தூவித் தேன் ஊற்றி ஏலப்பொடியையும் தூவிப் பரிமாறவும்.

17.புதினா சர்பத்

17.புதினா சர்பத்

 

தேவையானவை:- புதினா இலைகள் – ஒரு கப், ஜீனி அல்லது வெல்லம் – கால் கப், பச்சை எலுமிச்சங்காய் தோலுடன் – கால் பாகம், கறுப்பு உப்பு – 1 சிட்டிகை, இஞ்சி – சிறு துண்டு, பச்சை மிளகாய் – சிறு துண்டு, வறுத்த சீரகப் பொடி – கால் டீஸ்பூன், ஐஸ் துண்டுகள் – 10

 

செய்முறை:- ஐந்து ஐஸ் துண்டங்களோடுஇவை அனைத்தையும் ப்ளெண்டரில் போட்டு நன்கு அடித்து வடிகட்டி தேவையான நீர் சேர்த்து மிச்ச ஐஸ் துண்டுகளைப் போட்டுப் பரிமாறவும்.

16.மேங்கோ பன்னா

16.மேங்கோ பன்னா

 

தேவையானவை:- மாங்காய் – 2, ஜீனி – மாங்காயின் சதைப்பகுதி அளவில் இரண்டு மடங்கு, ஏலப்பொடி – கால் டீஸ்பூன் , வறுத்த சீரகப் பொடி – அரை டீஸ்பூன், மிளகுப்பொடி – கால் சிட்டிகை, கறுப்பு உப்பு அல்லது சாதாரண உப்பு – 2 டீஸ்பூன்.

 

செய்முறை:- மாங்காய்களைக் கழுவி ஒரு பிரஷர் குக்கரில் இரண்டு கப் நீரூற்றி முழுதாக வேகவிடவும். வெந்தநீரை வடித்து வைத்துக் கொள்ளவும். இது ஜூஸ் தயாரிக்கும்போது உதவும். மாங்காயின் சதைப்பகுதியைத் தோலுரித்து, கொட்டை எடுத்து நன்குவழித்து எடுத்து மசிக்கவும். வழித்து எடுத்த சதைப் பகுதியைப் போல இரண்டு மடங்கு ஜீனி, ஏலப்பொடி, வறுத்த சீரகப் பொடி, மிளகுப்பொடி, கறுப்பு உப்பு சேர்த்து நன்கு கரைத்து ஒரு பாட்டிலில் எடுத்து வைக்கவும். ஜூஸ் தயாரிக்கும்போது  இதில் இரண்டு அல்லது மூன்று டீஸ்பூனை ஒரு க்ளாஸில் போட்டு மாங்காய் வேகவைத்த தண்ணீரைக் கலந்து பரிமாறவும். 

15.நாட்டு வாழைக்காய் ஸ்வீட் போண்டா

15.நாட்டு வாழைக்காய் ஸ்வீட் போண்டா

 தேவையானவை:- நன்கு பழுத்த நாட்டு வாழைக்காய் – 2, கோதுமைமாவு – 1 டேபிள் ஸ்பூன், மைதா – ஒரு டேபிள் ஸ்பூன், ரவா – 1 டேபிள் ஸ்பூன், வெல்லம் – 1 டேபிள் ஸ்பூன், உப்பு – 1 சிட்டிகை, ஏலப்பொடி – 1 சிட்டிகை. எண்ணெய் – பொரிக்கத் தேவையான அளவு.

 

செய்முறை:- நன்கு பழுத்த நாட்டு வாழைக்காய்களைத்தோலுரித்து உப்பு, வெல்லத்தோடு போட்டு நன்கு பிசையவும். மிக்ஸியில் போட்டுக் கூழாக்கவும் செய்யலாம். இதில் ஏலப்பொடி, ரவா, மைதா, கோதுமை மாவைச் சேர்த்துக் கட்டிகள் இல்லாமல் பிசைந்து சில நிமிடம் ஊற வைக்கவும். இறுக்கமாக இருந்தால் சிறிது பால் தெளித்துப் பிசையலாம். எண்ணெயைக் காயவைத்துப் போண்டாக்களாக உருட்டிப் போட்டுப் பொரித்தெடுத்துப் பேரீட்சை ஜாமுடன் பரிமாறவும்.  

14.பலாக்காய் சுக்குவரட்டி

14.பலாக்காய் சுக்குவரட்டி

 

தேவையானவை:- லேசாகப் பழுக்க ஆரம்பிக்கும் பலாச்சுளைகள் – 15, வெல்லம் – 1 கப், ஏலப்பொடி, சுக்குப் பொடி – தலா 1 சிட்டிகை, தேங்காய் எண்ணெய் – பொரிக்கத்தேவையான அளவு.

 

செய்முறை:- பலாச்சுளைகளைக் கொட்டை நீக்கி நான்காகப் பிரித்து வைக்கவும். வெல்லத்தில் சிறிது நீர் தெளித்து முத்துப் பாகு வைத்து ஏலப்பொடி, சுக்குப்பொடி போட்டுக் கலந்து வைக்கவும். எண்ணெயில் பலாச்சுளைகளைப் பொரித்தெடுத்து வெல்லப்பாகில் போட்டு உடனே புரட்டி ஒரு தட்டில் எடுத்து ஆறவிடவும்.

13.பழம்பொரி

13.பழம்பொரி

 

தேவையானவை:- நேந்திரன் வாழைப்பழம் – 2 , மைதா – அரை கப், பச்சரிசி மாவு – 1 டேபிள் ஸ்பூன், ஜீனி – ஒரு டேபிள் ஸ்பூன், உப்பு – 1 சிட்டிகை, பேக்கிங் சோடா – 1 சிட்டிகை, எண்ணெய் – பொரிக்கத் தேவையான அளவு.  

 

செய்முறை:- நேந்திரன் வாழைப்பழத்தைத் தோல் சீவி ஸ்லைஸுகளாக்கவும். மைதா, பச்சரிசி மாவு, பேக்கிங் சோடா, ஜீனி சேர்த்துப் பஜ்ஜி மாவு போல் கரைக்கவும். எண்ணெயைக் காயவைத்து நேந்திரன் ஸ்லைசுகளை மாவில் தோய்த்துப் பொரித்தெடுக்கவும்.

12.கேரட் ஸ்டஃப்ட் குல்ச்சா

12.கேரட் ஸ்டஃப்ட் குல்ச்சா

 

தேவையானவை:- கேரட் – கால் கிலோ, மைதா – 2 கப், ஜீனி – கால் கப், உப்பு – அரை டீஸ்பூன், ஈஸ்ட் – சிறிது. நெய் – 2 டேபிள் ஸ்பூன்.

 

செய்முறை:- கேரட்டைத் தோல்சீவித் துருவி ஒரு பானில் போட்டு நன்கு வதக்கிப் பச்சை வாடை போனதும் ஜீனி சேர்த்து வேகவைத்துப் பூரணம் போல் கிளறி எடுக்கவும். சிறிது வெதுவெதுப்பான நீரில் ஈஸ்டை ஊறவைத்து மைதா மாவு உப்புக் கலவையில் ஊற்றி மென்மையாகப் பிசைந்து ஒருமணிநேரம் ஊறவைக்கவும். மூடி போட்டு வெய்யிலிலும் வைக்கலாம். இதில் எலுமிச்சை அளவு உருண்டை எடுத்து கேரட் பூரணத்தை வைத்து மூடி கனமான சப்பாத்திகளாகத் திரட்டி நெய் போட்டுச் சுட்டு எடுக்கவும்.

11.பீட்ரூட் ரவா கேக்

11.பீட்ரூட் ரவா கேக்

 

தேவையானவை:- பீட்ரூட் – சின்னம் 1, வெள்ளை ரவை - ஒரு கப், ஜீனிப் பவுடர் – 1 கப், பால் – 1கப், தயிர் – அரை கப், பேக்கிங் பவுடர் – அரை டீஸ்பூன், பேக்கிங் சோடா – கால் டீஸ்பூன், நெய் – 3 டேபிள் ஸ்பூன்.

 

செய்முறை:- பீட்ரூட்டைத் தோல்சீவி தூளாகத் திருகி வெறும் வாணலியில் பச்சை வாசம் போக வதக்கி ஆறவிடவும். தயிரை நன்கு அடித்துக் கொள்ளவும். இதில் பீட்ரூட், ஜீனிப் பவுடர், ரவை, பால், பேக்கிங் பவுடர், பேக்கிங் சோடாவைச் சேர்க்கவும். நன்கு கலக்கி சிறிது நேரம் வைக்கவும். குக்கரில் கீழே ஒரு ஸ்டாண்ட் வைத்து ஐந்து நிமிடம் சூடாக்கவும். ஒரு பேக்கிங் ட்ரேயில் நெய் தடவி ரவை பீட்ரூட் கலவையை ஊற்றி குக்கரில் வைத்து கேஸ்கட், வெயிட் போடாமல் முக்கால் மணி நேரம் மீடியம் நெருப்பில் வேகவைத்து எடுக்கவும். Read more: http://www.mylivesignature.com/mls_wizard2_1.php?sid=54488-89-72B745B7DCD91A6D51CF5145CF29EE5F#ixzz0gZnBC9oU

10.பூசணி பேடா/ஆக்ரா பேடா/அங்கூரி பேடா

10.பூசணி பேடா/ஆக்ரா பேடா/அங்கூரி பேடா

 

தேவையானவை:- பூசணி – 2 கீற்று, சுண்ணாம்பு – ½ டீஸ்பூன், ஜீனி – 1 1/2 கப், ஏலக்காய் – 3, தாழம்பூ எசன்ஸ் – சில துளிகள், குங்குமப்பூ – 1சிட்டிகை, கேசரி கலர் – ஒரு சிட்டிகை.

 

செய்முறை:- பூசணியைத் தோல்சீவி ஒரு இஞ்ச் சதுரத் துண்டுகளாக்கவும். 3 கப் தண்ணீரில் சுண்ணாம்பைக் கரைத்து அதில் பூசணித்துண்டுகளை 24 மணி நேரம் ஊறவைக்கவும். அதன் பின் நன்கு அலசிக் கழுவி எடுத்து நீரில் 1 நிமிடம் வேகவைத்து வடித்து வைக்கவும். ஜீனியுடன் ஏலக்காய்த்தூள்,குங்குமப்பூர், கேசரி கலர் சேர்த்து கால் கப் நீரூற்றி அடுப்பில் வைக்கவும். ஜீனி கரைந்ததும் பூசணித்துண்டுகளைச் சேர்த்து நீர் வற்றியதும் இறக்கி தாழம்பூ எசன்ஸை ஸ்பிரே செய்து ஆறவிடவும்.

9.பரங்கிக்காய் அல்வா

 9.பரங்கிக்காய் அல்வா

 

தேவையானவை:- பரங்கிக்காய் – 2 கீற்று, ஜீனி – 1 கப், நெய் – 2 டேபிள் ஸ்பூன், கெட்டிப் பால் – 1 கப், முந்திரி, கிஸ்மிஸ் – தலா 8, ஏலப்பொடி – கால் டீஸ்பூன்.

 

செய்முறை:- பரங்கிக்காயைத் தோல்சீவி மென்மையாகத் துருவவும். பாதி நெய்யில் முந்திரி கிஸ்மிஸை வறுத்து எடுத்து வைத்துவிட்டு மீதி நெய்யில் பரங்கிக்காய் துருவலைப் போட்டுப் பச்சை வாசம் போகும்வரை வதக்கவும். இதில் பாலை ஊற்றி வேகவிடவும். வெந்ததும் ஜீனி சேர்த்துக் கிளறி இறுகியதும் வறுத்த முந்திரி, கிஸ்மிஸ் ஏலப்பொடியைச் சேர்த்துக் கிளறிப் பரிமாறவும்.

8.காலிஃப்ளவர் லாலிபாப்

8.காலிஃப்ளவர் லாலிபாப்

 

தேவையானவை:- காலிஃப்ளவர் – 15 பூக்கள், மைதா – கால் கப், சோளமாவு – கால் கப், பனீர் துருவியது – 1 டேபிள் ஸ்பூன், ஜீனி – 1 டேபிள் ஸ்பூன், எண்ணெய் – பொரிக்கத் தேவையான அளவு.

 

செய்முறை:- காலிஃப்ளவர் பூக்களை வெந்நீரில் போட்டு மூன்று நிமிடம் வேகவைத்து வடிகட்டி வைக்கவும். நைஸாகத் துருவிய பனீருடன் சோளமாவு, மைதாமாவு, ஜீனி சேர்த்துக் கெட்டியாகக் கரைக்கவும். காலிஃப்ளவர் பூக்களை இதில் தோய்த்துக் காயும் எண்ணெயில் பொரித்துப் பரிமாறவும்.

7.தக்காளி ஜாம்

7.தக்காளி ஜாம்

 

தேவையானவை:- தக்காளி – அரை கிலோ, ஜீனி – 35 கி, எலுமிச்சை சாறு – அரை டேபிள் ஸ்பூன், பட்டை, கிராம்பு – தலா மூன்று.

 

செய்முறை:- தக்காளிகளைக் கீறிக் கொதிக்கும் வெந்நீரில் போட்டுப் பத்து நிமிடங்கள் மூடி வைக்கவும். ஆறியதும் தோலை உரித்து விதை இல்லாமல் சதைப்பகுதியை மட்டும் எடுத்து அரைத்து வைக்கவும். ஒரு பானில் இதைப் போட்டு நீர் சுண்டும்வரை கிளறவும். இதில் ஜீனி சேர்த்து மேலும் கிளறவும். ஓரளவு தளதளவெனக் கொதித்துக் கெட்டிப் பாகு ஆகும்போது எலுமிச்சைச் சாறைச் சேர்த்துப் பட்டை கிராம்பைப் பொடித்துப் போட்டு நன்கு கிளறி இறக்கவும். வெதுவெதுப்பாக இருக்கும்போதே கண்ணாடி பாட்டில்களில் மாற்றவும். இந்த ஜாம் ப்ரெட், சப்பாத்திக்குத் தொட்டுக்கொள்ள ஏற்றது.

6.இஞ்சி முரப்பா

6.இஞ்சி முரப்பா

 

தேவையானவை:- இஞ்சி தோல் நீக்கித் துருவியது – 1 கப், பால் – 1 கப், ஜீனி – 1 கப்

 

செய்முறை:- இஞ்சியுடன் பால் சேர்த்து மைய அரைக்கவும். இதில் சர்க்கரை சேர்த்து அடுப்பில் வைத்துப் பாத்திரத்தில் ஒட்டாமல் வரும்வரை கிளறி நெய் தடவிய ட்ரேயில் கொட்டித் துண்டுகள் போடவும்.

5.மரவள்ளிக்கிழங்கு போளி

5.மரவள்ளிக்கிழங்கு போளி

 

தேவையானவை:- மரவள்ளிக்கிழங்கு – 250 கிராம், மைதா – 2 கப், வெல்லம் – ஒன்றரை கப், தேங்காய்த்துருவல் – அரை கப், நெய் – 2 டேபிள் ஸ்பூன், எண்ணெய் – 200 கி, மஞ்சள்தூள் – 1 சிட்டிகை.

 

செய்முறை:- மரவள்ளிக்கிழங்கை அவித்து உதிர்த்து வைக்கவும். வெல்லம், தேங்காய்த்துருவல், மரவள்ளிக்கிழங்கை ஒரு பானில் போட்டுக் கெட்டியாகும் வரை கிளறி சிறிது நெய் சேர்த்து இறக்கிவைக்கவும். மைதாவில் மஞ்சள்தூள், ஒரு சிட்டிகை உப்பு, ஒரு சிட்டிகை ஜீனி சேர்த்து நீர் தெளித்துப் பிசைந்து எண்ணெய் ஊற்றி ஊறவைக்கவும். இரண்டு மணி நேரம் கழித்து மைதாவில் உருண்டைகள் செய்து அதன் நடுவில் மரவள்ளிக்கிழங்கு பூரணத்தை வைத்துக் கனமான சப்பாத்திகள் போலத் தட்டி நெய் விட்டுச் சுட்டு எடுக்கவும்.