எனது 24 நூல்கள்

எனது 24 நூல்கள்
எனது இருபத்து நான்கு நூல்கள்

புதன், 29 நவம்பர், 2017

மாவிளக்கு.

மாவிளக்கு.

பொதுவா காரைக்குடிப்பக்கம் மாவிளக்கு இப்பிடித்தான் வைக்கப்படுது. அந்த முறையைக் கொடுக்கிறேன்.

சில இடங்களில் சலிக்காமல் மாவை இடித்து அப்படியே வெல்லம் போட்டுப் பிடித்து நான்கு ஐந்து மாவிளக்குகள் கூட தட்டுகளில் ஏந்தி வருவார்கள்.

இங்கே சட்டியில் வைக்கப்படுகிறது. தட்டில் வைப்பதில்லை. அதற்கென்று மாவிளக்குச் சட்டி என்று ஒன்று வைத்திருப்பார்கள்.

தேவையானவை :-

பச்சரிசி - 1 அல்லது 2 ஆழாக்கு, வெல்லம் - 2 முதல் 4 அச்சு, நெய் - 1 டேபிள் ஸ்பூன் , பஞ்சுத்திரி - 1

செய்முறை:- பச்சரிசியைக் கழுவி அரைமணி நேரம் நன்கு ஊறவைத்து தண்ணீரை வடிக்கவும். இதை வடிக்க இங்கே எல்லாம் சிவப்பு ஓலைக்கொட்டான்கள் என்று வைத்திருப்பார்கள். இன்று சில்வர் அல்லது ப்ளாஸ்டிக் வடிகட்டிகளில் வடிகட்டுகிறார்கள். அதன் பின் அரிசியை பேப்பரில் போட்டு சிறிது உலர விட வேண்டும்

ஈரப்பதம் ஓரளவு இருக்கும்போதே மிக்ஸியில் போட்டு பொடிக்கவும். நைஸ் சல்லடையில் சலித்து மிச்ச அரிசியோடு சலித்த கப்பிகளையும் போட்டு திரும்பத் திரும்ப அரைத்துச் சலிக்கவும்.

வெல்லத்தை நைத்து ( நச்சு ) வைத்துக் கொள்ளவும். தூளான வெல்லத்தை மிக்ஸியில் ஒரு சுற்றுச் சுற்றி மாவை சிறிது சிறிதாகத் தூவி விஸ்பரை சுற்றிச் சுற்றி நிறுத்தவும் . மாவை வெளியே எடுத்து மிச்ச மாவோடு சேர்த்து நன்கு கெட்டியாக உருட்டவும்.

வெல்லம் அச்சின் அளவைப் பொறுத்துக் கூட்டியோ குறைத்தோ உபயோகிக்கவும். இல்லாவிட்டால் மாவிளக்கு மாப் பாயாசம் ஆகி விடும்.

இதன் நடுவில் குழி செய்து பஞ்சை நெய்யில் உருட்டி நிறைய நெய் ஊற்றி திரியைப் பதிக்கவும். சாமிக்கு எதிரில் அல்லது கோவிலில் சாமி சன்னிதியின் எதிரில் இதில் விளக்கேற்றி சிறிது நேரம் வைத்திருந்து தேங்காய் உடைத்து வெற்றிலை பாக்கு வைத்து தீபம் காட்டி அதன் பின் உபயோகிக்கவும்.

மறக்காம சாமிக்கு நைவேத்தியம் செய்தபின் தீபம் எரியும்போதே இரண்டு தேங்காய் நார்களாலோ அல்லது அப்பள இடுக்கியாலோ தீபத்தை அப்படியே வெளியே எடுத்து அதற்கென வைக்கப்பட்டிருக்கும் சிமிண்ட் தட்டில் போட்டு விடவும்.

காரைக்குடியில் கார்த்திகை சோம வாரத்தில் குன்றக்குடி முருகனுக்கும், கார்த்திகை வேல் பூசையின் போதும்,  புரட்டாசி சனிக்கிழமைகளில் அரியக்குடி பெருமாளுக்கும் மாவிளக்கு வைக்கும் பழக்கம் உண்டு.

அது போக மகர் நோன்பின்போது குதிரை வாகனத்தில் புறப்படும் கொப்புடையம்மன், சிவன், பெருமாள், திருநெல்லையம்மன் ஆகியோருக்கும் மாவிளக்கு வைத்து வணங்குவார்கள். கோவிலூரிலிருந்து வரும்  திருநெல்லையம்மனுக்கு மாவிளக்கு வைக்கவென்றே மகர்நோன்பு மண்டபம் என்று ஒன்று காரைக்குடியில்  உள்ளது.

லேசாக ஓரங்களில் செந்நிறமான நெய் வாசனையுடன் கூடிய மாவிளக்கு ரொம்ப டேஸ்டா இருக்கும்.  அதற்கு பலத்த போட்டி இடுவோம். தேங்காயைக் கீறி அதில் மாவிளக்கை கேக் போலத் துண்டாக வெட்டி வைத்துக் கொடுப்பார்கள். பயங்கர ருசியாயிருக்கும் போங்க :)

புதன், 22 நவம்பர், 2017

சிவப்பு பட்டர்பீன்ஸ் மசாலா. RED BUTTERBEANS MASALA.

சிவப்பு பட்டர்பீன்ஸ் மசாலா. RED BUTTERBEANS MASALA.

தேவையானவை :- சிவப்பு பட்டர் பீன்ஸ் –  1 கப் உரித்தது. பெரிய வெங்காயம் – 1, தக்காளி – 1, சோம்பு மிளகாய்த்தூள் – அரை தேக்கரண்டி, உப்பு – கால் தேக்கரண்டி, இஞ்சி பூண்டு பேஸ்ட் – கால் டீஸ்பூன் ( தேவைப்பட்டால் ), எண்ணெய் – 3 டீஸ்பூன், பட்டை, கிராம்பு, இலை – சிறிது.


செய்முறை:- சிவப்பு பட்டர்பீன்ஸை உரித்து குக்கரில் போட்டு ஒரு விசில் வரும்வரை வேகவிடவும். எண்ணெயில் பட்டை, இலை, கிராம்பு தாளித்து பொடியாக நறுக்கிய வெங்காயத்தைப் போட்டு வதக்கவும். இதில் இஞ்சி பூண்டு பேஸ்டைப் போட்டு வதக்கி அதில் சோம்பு மிளகாய்த்தூளும் உப்பும் சேர்த்து திறக்கவும். இதில் தக்காளியையும் போட்டு வதக்கி வேகவைத்த பட்டர்பீன்ஸை தண்ணீருடன் ஊற்றவும்.  நன்கு கலக்கி மூடி வைக்கவும். எல்லாம் சேர்ந்து நன்கு வெந்ததும் இறக்கி தயிர்சாதத்துடன் பரிமாறவும். சப்பாத்திக்கும் தொட்டுக்கொள்ள ஏற்றது. 

செவ்வாய், 21 நவம்பர், 2017

கொத்தவரங்காய்ப் பச்சடி. CLUSTER BEANS PACHADI.

கொத்தவரங்காய்ப் பச்சடி :-


தேவையானவை :- கொத்தவரங்காய் - 150 கி, பதமாக வேகவைத்த துவரம்பருப்பு - 1/2 கப், பெரிய வெங்காயம் - 1, தக்காளி - 1, புளி -  சிறிய நெல்லிக்காய் அளவு, உப்பு - 1/2 டீஸ்பூன், மஞ்சள்தூள் - 1 சிட்டிகை, சாம்பார் பொடி - 1 1/2 டீஸ்பூன், பெருங்காயம் - சிறு துண்டு. எண்ணெய் - 3 டீஸ்பூன், கடுகு, உளுந்து, சீரகம் தலா - அரை டீஸ்பூன், கருவேப்பிலை - 1 இணுக்கு.

செய்முறை:- கொத்தவரங்காயை சிறு சதுரங்களாக வெட்டவும். வெங்காயம் தக்காளியையும் பொடியாக அரிந்து வைக்கவும். கடாயில் எண்ணெய் ஊற்றி  கடுகு, உளுந்து, சீரகம் , கருவேப்பிலை, பெருங்காயம் தாளித்து கொத்தவரங்காயை வதக்கவும். இரண்டு நிமிடம் வதக்கியதும் வெங்காயம் தக்காளியை சேர்த்து வதக்கவும் . இன்னும் இரண்டு நிமிடம் வதக்கி புளியை அரை கப் தண்ணீரில் கரைத்து ஊற்றவும். சாம்பார் பொடி , உப்பைச் சேர்ந்து மூடி போட்டு வேகவிடவும். வெந்ததும் பருப்பை சேர்த்து இன்னும் ஒரு கொதி வந்ததும் இறக்கி சாதத்துடன் பரிமாறவும். தயிர்சாதத்துக்கும் தொட்டுக் கொள்ளலாம். தோசை இட்லி போன்றவற்றுக்கும் தொட்டுக்கொள்ளலாம்.

திங்கள், 20 நவம்பர், 2017

வெந்தய வர தோசை. METHI DOSAI.

வெந்தய வர தோசை.
தேவையானவை :- பச்சரிசி - 1 கப், புழுங்கல் அரிசி - 1 கப், உளுந்து -  1/8 கப், வெந்தயம் - 2 டீஸ்பூன். உப்பு - அரை டீஸ்பூன்.

செய்முறை:- பச்சரிசி புழுங்கல் அரிசி உளுந்து வெந்தயம் ஆகியவற்றை ஒன்றாகக் களைந்து இரண்டுமணி நேரம் ஊறவைக்கவும். நைஸாக ஆட்டி உப்பு சேர்த்துக் கரைத்து 8 மணி நேரம் ஊறவிடவும்.

தோசைக்கல்லில் எண்ணெய் தடவி ஒரு கரண்டி மாவை ஊற்றி மூடி வைத்து வெந்ததும் எடுக்கவும். மிச்ச மாவையும்  தோசைகளாக சுட்டெடுக்கவும். தக்காளி அல்லது வரமிளகாய் சட்னியுடன் பரிமாறவும். இந்த தோசைக்கு எண்ணெய் ஊற்ற வேண்டாம். தோசைக்கல்லில் ஒட்டாமல் இருக்க எண்ணெயை லேசாகத் தடவினால் போதும்.




டிஸ்கி :- இது நீரிழிவுக்காரர்களும், கொழுப்புச்சத்து குறைக்க எண்ணுபவர்களுக்கும் ஏற்ற தோசை.

செவ்வாய், 20 ஜூன், 2017

34. க்ரீன் ஆப்பிள் ஃப்ரிட்டர்ஸ். GREEN APPLE FRITTERS.

34. க்ரீன் ஆப்பிள் ஃப்ரிட்டர்ஸ்.


தேவையானவை :- பச்சை ஆப்பிள் – 1, கடலை மாவு – 1 டேபிள் ஸ்பூன், மைதா – 1 டீஸ்பூன், சோள மாவு – 1 டீஸ்பூன், மிளகாய்த்தூள் – கால் டீஸ்பூன், உப்பு – கால் டீஸ்பூன், எண்ணெய் – பொரிக்கத்தேவையான அளவு,

செய்முறை:- பச்சை ஆப்பிளை ஸ்லைசுகளாக நறுக்கி நடுவில் இருக்கும் விதைகளை வட்டமாக வெட்டி நீக்கவும். கடலைமாவு, மைதா, சோளமாவு, உப்பு, மிளகாய்த்தூள் சேர்த்து கால் கப் தண்ணீர் ஊற்றிக் கட்டிகள் இல்லாமல் கரைக்கவும். எண்ணெயைக் காயவைத்து க்ரீன் ஆப்பிள் வளையங்களை மாவில் தோய்த்துப் பொரித்தெடுக்கவும்.

33. கிவி ப்ரெட் சாண்ட்விச்;- KIWI BREAD SANDWICH

33. கிவி ப்ரெட் சாண்ட்விச்;-

தேவையானவை :- கிவி – 1. ப்ரெட் ஸ்லைசஸ் – 3. நெய் அல்லது வெண்ணெய் – 1 டீஸ்பூன். சீனி – 1 டீஸ்பூன்.

செய்முறை:- கிவியைத் தோலுரித்து ஸ்லைஸ் செய்து வைக்கவும். ப்ரெட்டில் நெய் அல்லது வெண்ணெய் தடவி தோசைக்கல்லில் டோஸ்ட் செய்யவும். கிவி ஸ்லைஸுகளில் பொடித்த சீனியைத் தூவிப் பிரட்டி வைக்கவும். ஒரு ப்ரெட்டை வைத்து அதன் மேல் மூன்று கிவி ஸ்லைஸ் வைத்து அதன் மேல் இன்னொரு ப்ரெட் இன்னும் மூன்று கிவி ஸ்லைஸ் அதன் மேல் இன்னொரு ப்ரெட் இன்னும் மூன்று கிவி ஸ்லைஸ் வைத்துப் பரிமாறவும்.

திங்கள், 19 ஜூன், 2017

32. ட்ரை ஃப்ரூட்ஸ் & நட்ஸ் பர்ஃபி. :- DRY FRUITS & NUTS BURFI.

32. ட்ரை ஃப்ரூட்ஸ் & நட்ஸ் பர்ஃபி. :-

தேவையானவை:- பேரீச்சம்பழம் - 100 கி, அத்திப்பழம் - 1, கிஸ்மிஸ் - ஒரு கைப்பிடி, பாதாம், முந்திரி, பிஸ்தா, அக்ரூட் - தலா ஒரு கைப்பிடி, நெய் - 1 டீஸ்பூன், ஏலத்தூள் - 1 சிட்டிகை.
செய்முறை:- மிக்ஸியில் பாதாம், முந்திரி, பிஸ்தா , அக்ரூட்டை கொரகொரப்பாகப் பொடித்து ஒரு பௌலில் போடவும். இதில் அத்திப்பழம் பேரீச்சை, கிஸ்மிஸ் ஆகியவற்றை சுத்தம் செய்து மிக்ஸியில் மசித்துப் போடவும். ஏலத்தூளும் நெய்யும் கலந்து நன்கு உருட்டி பர்ஃபிகளாகத் தட்டிப் பரிமாறவும்.

வெள்ளி, 16 ஜூன், 2017

31. தேன் நெல்லிக்கனி பாயாசம்:- HONEY AMLA GHEER,

31. தேன் நெல்லிக்கனி பாயாசம்

தேவையானவை :-

தேனில் ஊறிய நெல்லிக்காய் – 6
பால் – 4 கப்
முந்திரி – 6
பாதாம் – 10
சீனி – ¼ கப்
வெனிலா எசன்ஸ் – சில துளி

செய்முறை:-

பாதாம்முந்திரியை வெந்நீரில் ஊறவைத்து பாதாமின் தோல் நீக்கி சிறிது பால் சேர்த்து கொரகொரப்பாக அரைக்கவும். மிச்ச பாலை நான்கில் மூன்று பாகமாக சுண்டும்படி காய்ச்சவும். பாதாம் முந்திரி விழுதையும் சீனியையும் சேர்க்கவும். நன்கு கரைந்து வாசனை வரும் பக்குவத்தில் இறக்கி வைக்கவும். வெதுவெதுப்பாக இருக்கும்போது வெனிலா எசன்ஸ் சேர்க்கவும். தேனில் ஊறிய நெல்லிக்காயின் கொட்டைகளை நீக்கி டூட்டி ஃப்ரூட்டி போல் துண்டுகள் செய்து பாயாசத்தில் போடவும். மிகவும் ருசியான பாயாசம் இது.

வியாழன், 15 ஜூன், 2017

30. அத்திப்பழ அல்வா :- FIGS HALWA

30. அத்திப்பழ அல்வா :-

தேவையானவை:- காய்ந்த அத்திப்பழம் – பதினைந்து , நெய் – கால் கப்,, பாதாம் + முந்திரி  – ஊறவைத்து தோலுரித்து பொடித்தது – அரை கப், சர்க்கரை – முக்கால் கப் , பால்பவுடர் – முக்கால் கப் , ஏலப்பொடி – கால் டீஸ்பூன், அலங்கரிக்க குச்சியாக நறுக்கப்பட்ட பாதாம் – 1 டேபிள் ஸ்பூன்.வறுத்த முந்திரி கிஸ்மிஸ் - தலா 12.

செய்முறை:- இரண்டு கப் தண்ணீரைக் கொதிக்கவைத்து காய்ந்த அத்திப்பழங்களைச் சேர்த்து 2 நிமிடங்கள் வேகவிடவும். மென்மையானவுடன் தண்ணீரை வடிகட்டவும். மிக்ஸியில் வேகவைத்த அத்திப்பழங்களை மட்டும் போட்டு சிறிது நீர் ஊற்றி அரைத்து வைக்கவும். நெய்யை அடி கனமான பாத்திரத்தில் போட்டு பொடித்த பாதாமை சேர்த்து இரண்டு நிமிடம் கிளறவும். இதில் அரைத்த அத்திப்பழ பேஸ்ட்., பால்பவுடர், சர்க்கரை போட்டு அரை கப் தண்ணீர் ஊற்றவும். 5 நிமிடம் விடாமல் கிளறவும். இறுகியதும் ஏலப்பொடி தூவி இறக்கி பாதாம் துருவல் தூவிப் பரிமாறவும்.

திங்கள், 12 ஜூன், 2017

29. சப்போட்டா கீர். :- SUPPOTTA GHEER

29. சப்போட்டா கீர். :-

தேவையானவை:- சப்போட்டா – 2, பால் – அரை லிட்டர், சர்க்கரை – 1 டேபிள் ஸ்பூன், முந்திரி கிஸ்மிஸ் – தலா 4. நெய் – 1டீஸ்பூன்.

செய்முறை:- பாலைக் குறுகக் காய்ச்சி சர்க்கரை சேர்த்து ஆறவிடவும். சப்போட்டவைத் தோலுரித்து மிக்ஸியில் அரைத்துப் பாலில் சேர்த்து நன்கு கலக்கவும். நெய்யில் முந்திரி கிஸ்மிஸைப் பொரித்துப் போடவும்.

28. ஃப்ரூட் மிக்ஸ். :- FRUIT MIX

28. ஃப்ரூட் மிக்ஸ். :-


தேவையானவை:- பலாச்சுளை – 1, மாம்பழம் – 1 துண்டு, சப்போட்டா – 1, வாழைப்பழம் – 1 துண்டு, ஆப்பிள் – 1 துண்டு,பப்பாளி – 1 துண்டு. செர்ரி – 1

செய்முறை:- பலாச்சுளையையும் ஆப்பிளையும் பொடியாக அரியவும். பப்பாளி, மாம்பழம் ஆகியவற்றைப் பெரிய துண்டுகள் செய்யவும். சப்போட்டாவையும் வாழைப்பழத்தையும் தோல் நீக்கி கையால் பிசையவும். இவற்றை ஒரு பவுலில் போட்டு நன்கு கையால் கலக்கி க்ளாஸ் டம்ளரில் ஊற்றி செர்ரியை அதன் மேல் வைத்துக் குளிரவைத்துப் பரிமாறவும்.

ஞாயிறு, 11 ஜூன், 2017

27. செர்ரிப்பழ ஜாம் :- CHERRY JAM

27. செர்ரிப்பழ ஜாம் :-

தேவையானவை:- செர்ரிப்பழம் – 100 கி, சர்க்கரை – கால் கப், தண்ணீர் அரை கப்., எலுமிச்சை – 1 மூடி.

செய்முறை:- செர்ரிப்பழங்களைப் பொடியாக அரியவும். ஒரு கடாயில் தண்ணீர் ஊற்றிக் கொதித்ததும் எலுமிச்சைச் சாறு பிழிந்து செர்ரிப்பழங்களைச் சேர்க்கவும். 20 நிமிடங்கள் மென்மையாக வெந்ததும் சர்க்கரை சேர்த்து மசித்துக் கிண்டவும். சர்க்கரை கரைந்ததும் நன்கு கொதிக்க விடவும். ஜாமை ஒரு தட்டில் போட்டு விரலால் வழித்தால் ஒட்டாமல் உருண்டு வந்தால் ஜாம் தயாராகி விட்டது. அடுப்பை அணைத்து உடனே ஒரு பாட்டிலில் மாற்றவும்.

வெள்ளி, 9 ஜூன், 2017

26. பச்சை திராட்சை சட்னி :- GREEN GRAPES CHUTNEY

26. பச்சை திராட்சை சட்னி :-

தேவையானவை:- பச்சை திராட்சை – அரை கப், சர்க்கரை- கால் கப், எண்ணெய் – 1 டீஸ்பூன், கடுகு – அரை டீஸ்பூன், இஞ்சி – துருவியது அரை டீஸ்பூன், உப்பு – ஒரு சிட்டிகை, மிளகாய்த்தூள், சீரகத்தூள் தலா கால் டீஸ்பூன், தண்ணீர் – அரை கப், எலுமிச்சை சாறு – சில துளிகள்.

செய்முறை:- கடாயில் எண்ணெய் ஊற்றி கடுகைப் போடவும். வெடித்தவுடன் துருவிய இஞ்சி போட்டு வதக்கி அரை கப் தண்ணீர் ஊற்றவும். சர்க்கரையைப் போடவும். அது கொதி வரும்போது பச்சை திராட்சையைப் போட்டு வேக விடவும். வெந்து சுண்டும்போது உப்பு, மிளகாய்த்தூள், சீரகத்தூள் போட்டு இறக்கி எலுமிச்சை சாறு சேர்த்து பரிமாறவும்.

வியாழன், 8 ஜூன், 2017

25. மாங்கோ கப் :- MANGO CUP.

25. மாங்கோ கப் :-

தேவையானவை:- சிறிதாக நறுக்கிய மாம்பழத்துண்டுகள் – ஒரு கப், தயிர் ஒரு டேபிள் ஸ்பூன் , பால் – ஒரு கப், சர்க்கரை – 2 டீஸ்பூன்.

செய்முறை:- பாலில் சர்க்கரை சேர்த்துக் கரைந்ததும் தயிர் சேர்த்து நன்கு அடிக்கவும். இதில் சிறிதாக நறுக்கிய மாம்பழத் துண்டுகள் சேர்த்துக் குளிரவைத்துப் பரிமாறவும். ஜில்லென்று இனிப்பும் புளிப்புமான சுவையில் அருமையாக இருக்கும். 

புதன், 7 ஜூன், 2017

24. செம்மாதுளை தயிர்ப்பச்சடி :- POMEGRANATE THAYIRPACHADI.

24. செம்மாதுளை தயிர்ப்பச்சடி :-

தேவையானவை :- செம்மாதுளை முத்துக்கள் – அரை கப், தயிர் – அரை கப், சீரகப் பொடி -1 சிட்டிகை, உப்பு – ஒரு சிட்டிகை.

செய்முறை:- உப்புப் போட்டுத் தயிரைக் கடைந்து மாதுளை முத்துக்களைச் சேர்த்து நன்கு கலக்கவும். சீரகத்தூள் தூவி பரிமாறவும். மாதுளையின் துவர்ப்பும், தயிரின் லேசான புளிப்பும் சேர்ந்து அசத்தலான சுவையில் இருக்கும். 

செவ்வாய், 6 ஜூன், 2017

23. ஆரஞ்சு இனிப்பு சப்பாத்தி :- ORANGE SWEET CHAPATHI

23. ஆரஞ்சு இனிப்பு சப்பாத்தி :-

தேவையானவை:- ஆட்டா – ஒரு கப், ஆரஞ்சு சாறு – அரை கப், உப்பு, சீனி – தலா கால் டீஸ்பூன், சீரகப் பொடி – கால் டீஸ்பூன், நெய் – ஒரு டேபிள்ஸ்பூன்.

செய்முறை:- ஆட்டாவில் உப்பு, சீனி, சீரகப் பொடி சேர்த்து ஆரஞ்சு சாறை சிறிது சிறிதாக விட்டு கெட்டியாகப் பிசையவும்.  பத்து நிமிடம் ஊறியதும் சப்பாத்திகளாகத் திரட்டி சுற்றிலும் நெய் விட்டு சுட்டு எடுக்கவும்.

திங்கள், 5 ஜூன், 2017

22. ஃப்ரூட் பாப்சிக்கில்:- FRUIT POPSICLE

22. ஃப்ரூட் பாப்சிக்கில்


தேவையானவை :- மாம்பழம் – 1, கிவி – 1 , செர்ரி – 6, ஆப்பிள் – பாதி, பப்பாளி – 6 துண்டு, எலுமிச்சை ஜூஸ் – ஒரு கப், தேன் – 2 டீஸ்பூன். பாப்சிக்கில் மோல்ட் இரண்டு அல்லது இரண்டு டம்ளர்கள் , நடுவில் சொருக இரண்டு ஐஸ்க்ரீம் ஸ்டிக்குகள் அல்லது ஸ்பூன்கள். 

செய்முறை:- எலுமிச்சை ஜூஸில் தேனைக் கலந்து வைக்கவும். பாப்சிக்கில் மோல்டில் தோல் சீவி பெரிய துண்டுகளாக நறுக்கிய கிவி, மாம்பழம் ஆப்பிள், பப்பாளி, செர்ரி இந்த வரிசையில் போட்டு எலுமிச்சை ஜூஸை ஊற்றவும். இதை ஃப்ரீஸரில் எட்டுமணி நேரம் குளிரவைக்கவும். மோல்டை பைப் தண்ணீரில் காட்டினால் ஃப்ரூட் பாப்சிக்கில் பிரிந்து வரும். வெய்யிலுக்கு இதமாக ஜில்லென்று சர்வ் செய்யவும்,

வெள்ளி, 2 ஜூன், 2017

21. பைனாப்பிள் ரசம் :- PINEAPPLE RASAM

21. பைனாப்பிள் ரசம் :-

தேவையானவை:- பைனாப்பிள் – ஒரு துண்டு, பருப்பு வேகவைத்த தண்ணீர் – 2 கப், புளி – ஒரு சுளை, உப்பு – அரை டீஸ்பூன், ரசப்பொடி அல்லது மிளகாய் – 1 மல்லி – சிறிது , சீரகம், மிளகு தலா அரை டீஸ்பூன், வறுத்துப் பொடிக்கவும். நெய் – அரை டீஸ்பூன், கடுகு – அரை டீஸ்பூன், கருவேப்பிலை.

செய்முறை:- ஒரு கப் பருப்புத் தண்ணீரில் பைனாப்பிளை வேகவைத்து ஒன்றிரண்டாக மசித்து வைக்கவும். மீதி பருப்புத் தண்ணீரில் ஒரு சுளை புளியைக் கரைத்து உப்பைப் போடவும். இதில் ரசப்பொடியைப் போட்டு நன்கு கரைத்து வைக்கவும். நெய்யைக் காயவைத்துக் கடுகு, கருவேப்பிலை தாளித்துப் புளி கரைத்த தண்ணீரை ஊற்றிக் கொதி வரும்போது பைனாப்பிள் கரைத்த தண்ணீரை ஊற்றி நுரைத்ததும் இறக்கவும்.

வியாழன், 1 ஜூன், 2017

20. பேரீச்சைக் கொழுக்கட்டை :- DATES KOZHUKKATTAI.

20. பேரீச்சைக் கொழுக்கட்டை :-

தேவையானவை:- அரிசி மாவு – அரை கப், மைதா – 1 டேபிள் ஸ்பூன், பேரீச்சை – 6, வாழைப்பழம் – அரைத்துண்டு, வெல்லம் – சிறிது. உப்பு, சீனி  தலா கால் டீஸ்பூன், ஏலத்தூள் – ஒரு சிட்டிகை. நெய் – 2 டீஸ்பூன்.

செய்முறை:- அரிசிமாவில் கால் கப் வெந்நீரை ஊற்றிப் பிசையவும். இதில் மைதாவை சேர்க்கவும். மிக்ஸியில் கொட்டை நீக்கிய பேரீச்சை, வாழைப்பழம், வெல்லம், சீனி உப்பு போட்டு சிறிது சேர்த்து அடித்து அரிசி மாவில் ஊற்றி நன்கு பிசையவும். நெய்யில் மாவை வதக்கி எடுத்து ஆறியதும் ஆவியில் ஐந்து நிமிடம் வேகவைத்துப் பரிமாறவும்.  

புதன், 31 மே, 2017

19. பாதாம் பழப் பாயாசம் :- FRUITS BADAM GHEER,

19. பாதாம் பழப் பாயாசம் :-

தேவையானவை:- பாதாம் – 20, பால் – அரை லிட்டர், சர்க்கரை – 1 டேபிள் ஸ்பூன். பழக்கலவை – ஆப்பிள், பைனாப்பிள், சப்போட்டா, வாழைப்பழம் – அரை கப், நெய்- அரை டீஸ்பூன்.

செய்முறை:- பாதாமை ஊறவைத்துத் தோலுரித்து அரைத்துப் பாலில் போட்டு நன்கு கொதிக்கவிடவும். சர்க்கரை சேர்த்துக் கரைந்ததும் இறக்கி ஆறவிடவும். இதில் பழக்கலவையை நெய்யில் வதக்கிப் போட்டுக் குளிரவைத்துப் பரிமாறவும்.

திங்கள், 29 மே, 2017

18. பப்பாளி வத்தல் குழம்பு :- PAPAYA GRAVY

18. பப்பாளி வத்தல் குழம்பு :-

தேவையானவை:- பப்பாளி – 15 துண்டுகள், சின்னவெங்காயம், பூண்டு – தலா – 10.  தக்காளி – 1, புளி – எலுமிச்சை அளவு, உப்பு – 1 டீஸ்பூன், மிளகாய்த்தூள் – 2 டீஸ்பூன், மல்லித்தூள் – 4 டீஸ்பூன், மஞ்சள் தூள் – 1 சிட்டிகை,  தாளிக்க :- எண்ணெய் – 1 டேபிள் ஸ்பூன், கடுகு, உளுந்து, சீரகம், வெந்தயம் – தலா அரை டீஸ்பூன். கட்டி பெருங்காயம் – 1 துண்டு.

செய்முறை:- புளியை ஊறவைத்து உப்பு, மிளகாய்த்தூள், மல்லித்தூள், மஞ்சள்தூள் போட்டு வைக்கவும். வெங்காயம் பூண்டைத் தோலுரித்து நறுக்கவும். தக்காளியைத் துண்டுகளாக்கவும். எண்ணெயைக் காயவைத்துக் கடுகு, உளுந்து, சீரகம், வெந்தயம், பெருங்காயம் தாளித்து வெங்காயம் தக்காளி பூண்டைப் போட்டு வதக்கவும். நன்கு சுருள வதங்கியதும் கரைத்த புளித்தண்ணீரை ஊற்றவும். கொதித்து சுண்டி வரும்போது பப்பாளித் துண்டுகளைப் போட்டு ஒரு கொதி வந்ததும் இறக்கவும். 

ஞாயிறு, 28 மே, 2017

17. தேன்கதலி அப்பம்:- THENKATHALI APPAM

17. தேன்கதலி அப்பம்:-

தேவையானவை:- தேன்கதலிப் பழம் – 2, மைதா/கோதுமை – ஒரு கப், சர்க்கரை – கால் கப், உப்பு – 1 சிட்டிகை, பேக்கிங் பவுடர் – 1 சிட்டிகை, ஏலத்தூள் – 1 சிட்டிகை. எண்ணெய் – பொரிக்கத்தேவையான அளவு.

செய்முறை:- நன்கு கனிந்த தேன்கதலிப் பழங்களை உரித்து ஒரு பௌலில் போட்டு நன்கு மசிக்கவும். இதில் மைதா, உப்பு, பேக்கிங் பவுடர், ஏலத்தூள்,சர்க்கரை போட்டு நன்கு கலந்து தண்ணீரை சிறிது சிறிதாகத் தெளித்து நன்கு பிசையவும். பஜ்ஜி மாவு பதத்திற்கு வந்ததும் தண்ணீர் சேர்க்க வேண்டாம். இதைப் பத்து நிமிடம் ஊறவைத்து கடாயில் எண்ணெயைக் காயவைத்து ஒவ்வொன்றாக ஊற்றவும், உப்பியதும் திருப்பி வேகவைத்துப் பொன்னிறமாக எடுக்கவும்.

வெள்ளி, 26 மே, 2017

16. தக்காளிப்பழ ஊத்தப்பம் :- TOMATO OOTHAPPAM

16. தக்காளிப்பழ ஊத்தப்பம் :-

தேவையானவை:- தோசை மாவு – 2 கரண்டி, தக்காளிப்பழம் – 2, மிளகு சீரகத்தூள் – 1 டீஸ்பூன், உப்பு – கால் டீஸ்பூன், எண்ணெய் – 1 டேபிள்ஸ்பூன்.

செய்முறை:- தக்காளிப்பழத் துண்டுகளை வட்ட வட்டமாக நறுக்கவும். தோசைக்கல்லைக் காயவைத்து ஒரு கரண்டி மாவை ஊத்தப்பமாக ஊற்றி தக்காளிப்பழத் துண்டுகளைப் பரப்பவும். இதில் உப்பு, மிளகு சீரகத்தூள் தூவி சுற்றிலும் எண்ணெய் விட்டு மூடி போட்டு வேகவிடவும். நன்கு வெந்ததும் திருப்பிப் போட்டுப் பொன்னிறமானதும் எடுத்து சட்னிகளுடன் பரிமாறவும்.

புதன், 24 மே, 2017

15. செவ்வாழைப்பழ புட்டிங் :- RED PLANTAIN PUDDING.

15. செவ்வாழைப்பழ புட்டிங் :-

தேவையானவை:- செவ்வாழைப்பழம் – 1. தேங்காய்த்துருவல் – கால் கப்,  தேன் – 2 ஸ்பூன், ஏலப்பொடி – கால் டீஸ்பூன்.

செய்முறை:- செவ்வாழைப்பழத்தைத் தோலுரித்து வட்டத் துண்டுகளாக்கவும். இதில் தேங்காய்த்துருவலை வைத்துத் தேன் ஊற்றி ஏலப்பொடி தூவிப் பரிமாறவும்.
Related Posts Plugin for WordPress, Blogger...