கொள்ளு சுண்டல் :- HORSEGRAM SUNDAL

கொள்ளு சுண்டல் :-

தேவையானவை:- கொள்ளு – 1 கப், வரமிளகாய்- 1, தேங்காய்த்துருவல் – 1 டேபிள் ஸ்பூன், உப்பு – கால் டீஸ்பூன், எண்ணெய் கடுகு உளுந்து தலா அரை டீஸ்பூன். பெருங்காயப் பொடி – சிறிது.

செய்முறை:- கொள்ளை வறுத்து நீர் சேர்த்துக் களைந்து கல் அரித்து சிறிது நேரம் ஊறவிடவும். அதன் பின் அரை கப் தண்ணீர் ஊற்றி குக்கரில் 4 விசில் வரும்வரை வேகப்போடவும். வரமிளகாயையும் தேங்காய்த்துருவலையும் மிக்ஸியில் ஒரு சுற்று சுற்றி வைக்கவும். எண்ணெயைக் காயவைத்து கடுகு உளுந்து பெருங்காயப்பொடி தாளித்து தேங்காய்ப் பொடியைப் போட்டுக் கொள்ளைச் சேர்க்கவும். உப்பு சேர்த்துக் கிளறி இறக்கி நிவேதிக்கவும்.