பைங்கன் பர்த்தா
தேவையானவை:- பெரிய கத்திரிக்காய் – 1, பெரிய வெங்காயம் – 2, தக்காளி – 2, பூண்டு - 6 பல், பச்சை மிளகாய் – 2, மிளகாய்த்தூள் – 1 டீஸ்பூன், மல்லித்தூள் – அரை டீஸ்பூன், மஞ்சள் தூள் – 1 சிட்டிகை, கரம் மசாலா – அரை டீஸ்பூன், எண்ணெய் - 1 டேபிள் ஸ்பூன், சீரகம் - 1/2 டீஸ்பூன், உப்பு - 1 டீஸ்பூன்
செய்முறை:- கத்திரிக்காயை அங்கங்கே கீறி அதில் பூண்டு, பச்சை மிளகாய் ஆகியவற்றைச் சொருகி அடுப்பில் ஒரு ஸ்டாண்டில் வைத்து வாட்டவும். பக்கத்திலேயே பெரிய வெங்காயம், தக்காளியையும் வாட்டவும். ஆறியதும் அனைத்தையும் தோலுரித்து மசிக்கவும். பானில் எண்ணெயைக் காயவைத்து சீரகம் போட்டுப் பொரிந்ததும் மிளகாய்த்தூள், மல்லித்தூள், மஞ்சள் தூள், கரம் மசாலா, உப்புப் போட்டு மசித்த கத்திரிக்காயைச் சேர்த்துக் கிளறவும். நன்கு சேர்ந்து வெந்து எண்ணெய் பிரிந்ததும் இறக்கி சப்பாத்தி ஃபுல்காவோடு பரிமாறவும்.
கருத்துகள் இல்லை:
கருத்துரையிடுக