ராஜ்மா சப்ஜி
தேவையானவை :- ராஜ்மா பீன்ஸ் – முக்கால் கப், பெரிய வெங்காயம் – 2, இஞ்சி – ஒரு இஞ்ச் துண்டு, பூண்டு – 4 பல், தக்காளி – 2, மஞ்சள் தூள் கரம் மசாலா தூள் – தலா கால் டீஸ்பூன், மிளகாய்த்தூள் , மல்லித்தூள் – தலா ஒரு டீஸ்பூன், உப்பு – அரை டீஸ்பூன், தேங்காய் விழுது – 1 டேபிள் ஸ்பூன். எண்ணெய் – 2 டீஸ்பூன்.
செய்முறை:- ராஜ்மா பீன்ஸை முதல்நாளே ஊறவைக்கவும். மறுநாள் குக்கரில் 5, 6 விசில் வரும்வரை நன்குவேகவைத்துக் கொள்ளவும். மஞ்சள்தூள் மிளகாய்த்தூள், மல்லித்தூள், கரம் மசாலாத்தூளை அரை கப் தண்ணீரில் போட்டு நன்கு கரைத்து வைக்கவும். வெங்காயம் தக்காளி இஞ்சி பூண்டை கரகரப்பாக அரைக்கவும். ஒரு பானில் எண்ணெய் ஊற்றி அரைத்த விழுதை வதக்கவும் இதில் மிளகாய்த்தூள் கலவையை ஊற்றிக் கொதிக்க விடவும் உப்பு சேர்த்து வெந்த ராஜ்மாவையும் சேர்க்கவும். நன்கு கொதித்துக் கலந்ததும் அரைத்த தேங்காய் விழுதைச் சேர்த்து இறக்கி அரிசி ரொட்டியுடன் பரிமாறவும்.
கருத்துகள் இல்லை:
கருத்துரையிடுக