30 பண்டிகைகள் 30 வித நிவேதனங்கள்.(30 PRASADHAMS ) குமுதம் பக்தி ஸ்பெஷலில் தனி இணைப்பு.

ஆண்டு முழுவதும் வரும்30 விதமான பண்டிகைகளுக்கு கடவுளுக்கு நிவேதிக்க 30 விதமான நிவேதனங்கள் குறிப்பு குமுதம் பக்தி ஸ்பெஷலில் தனி இணைப்பாக வந்துள்ளது. முன்பே தீபாவளி, மகான்கள், நவராத்திரி ஆகிய இணைப்புப் புத்தகங்கள் வந்துள்ளன. இது நான்காவது புத்தகம்.

கீரைகளும் கிழங்குகளும் மருத்துவ உணவும்.

1.முருங்கைக்கீரை வாழைப்பூ துவட்டல்

2.முள்ளுமுருங்கை தினை அடை

3.பீட்ரூட் கட்லெட்

4.கருணைக்கிழங்கு கோளா

5.பிரண்டைப் பச்சடி

6.வல்லாரை வத்தக்குழம்பு

7.எள்ளு சம்மந்தி

8.மணத்தக்காளிக்கீரை கழனிச்சாறு.

9.முளைக்கீரை தயிர்க்கூட்டு

10.மேத்தி பரோட்டா ( வெந்தயக்கீரை )

11.முடக்கத்தான் தோசை

12.தூதுவளை ரசம்

13.வேப்பம்பூ வெல்லப் பச்சடி

14.கருவேப்பிலை கொத்துமல்லி புதினா துவையல்

15.வாழைத்தண்டு சாம்பார்

16.பசலைக்கீரை மசியல்

17.வேங்கரிசி மாவு

18.ஆடிக் கூழ்

19.கவுனரிசி ( இனிப்பு )

20.பாகற்காய் பகோடா

21.மாவடு இஞ்சி கொண்டக்கடலை மண்டி

22.சின்ன வெங்காயம் வெள்ளைப்பூண்டு தொக்கு

23.கறுப்பு உளுந்து சப்ஜி

24.காரட் சூப்

25.ஆட்டிக்கிண்டும் கொழுக்கட்டை

26.சிவப்பரிசிப் புட்டு

27.கார் அரிசி வெல்லப்புட்டு

28.பப்பாளி பால் கூட்டு

29.மொளகுபொடி சாதம்

30.ஆப்பிள் ரிங் பஜ்ஜி

  

கொத்துமல்லி பச்சைமிளகாய் சட்னி.

கொத்துமல்லி பச்சைமிளகாய் சட்னி. :-

தேவையானவை :-

கொத்துமல்லி - 1 கட்டு, பச்சைமிளகாய் - 4, சின்ன வெங்காயம் - 6, பூண்டு -1பல். உப்பு - அரை டீஸ்பூன், புளி - ஒரு சுளை., பெருங்காயம் - சிறு துண்டு.  தாளிக்க - எண்ணெய், கடுகு, உளுந்து தலா ஒரு டீஸ்பூன்.

செய்முறை :- கொத்துமல்லியை சுத்தம் செய்து கழுவி பொடியாக நறுக்கவும். இத்துடன் பச்சைமிளகாய், வெங்காயம், பூண்டு உப்பு புளி பெருங்காயம் சேர்த்து மிக்ஸியில் அரைக்கவும். எண்ணெயில் கடுகு உளுந்து தாளித்து உபயோகிக்கவும்.
  

தக்காளி உருளை திறக்கல்.

தக்காளி உருளை திறக்கல்.

தேவையானவை :-  பெ. வெங்காயம் - 2, தக்காளி - 2, அவித்த உருளைக்கிழங்கு -1, பச்சை மிளகாய் - 2, மிளகாய்ப் பொடி - 1 டீஸ்பூன், உப்பு -அரைடீஸ்பூன், எண்ணெய் - 2 டீஸ்பூன், கடுகு, உளுந்து - தலா அரை டீஸ்பூன், கருவேப்பிலை -1இணுக்கு.

செய்முறை :-  பெரிய வெங்காயம் தக்காளியைப் பொடிப்பொடியாக நறுக்கவும். உருளையை லேசாக உதிர்த்து வைக்கவும். பச்சை மிளகாயை இரண்டாகக் கிள்ளிவைக்கவும். எண்ணெயைக் காயவைத்துக் கடுகு உளுந்துபோட்டு கருவேப்பிலை பச்சைமிளகாய் வெங்காயம் தக்காளி போட்டு நன்கு வதக்கவும். வதங்கி வரும்போது உதிர்த்த உருளையைப் போட்டு உப்பு மிளகாய்ப்பொடி சேர்த்துக் கிளறி ஒரு கப் தண்ணீர் ஊற்றிக் கொதிக்க வைக்கவும். இரண்டு நிமிடம் கொதித்ததும் இறக்கி இட்லி தோசையுடன் பரிமாறவும்.
  

பூண்டுப் பொடி.

பூண்டுப்பொடி. :-

தேவையானவை :- துவரம்பருப்பு, கடலைப்பருப்பு - தலா 1 டேபிள் ஸ்பூன், வரமிளகாய் - 4, பூண்டு - 4 பல், புளி - 1 சுளை, உப்பு - கால்டீஸ்பூன், கருவேப்பிலை சிறிது. எண்ணெய் - 1 டீஸ்பூன்.

செய்முறை:- வெறும் வாணலியில் துவரம்பருப்பையும் கடலைப்பருப்பையும் சிவப்பாக வறுத்து இறக்கவும். எண்ணெய் விட்டு வரமிளகாயை வறுத்து புளியைப் போட்டு அடுப்பை அணைக்கவும். சூடாக இருக்கும்போது பூண்டையும் கருவேப்பிலையையும் போட்டுப் புரட்டவும்.

மிக்ஸியில் மிளகாய், உப்பு, புளியைப் போட்டு நன்கு சுற்றி அதன் பின் பருப்புகளைப் போட்டு நைஸாக அரைக்கவும். கடைசியில் பூண்டைப் போட்டுச் சுற்றி இறக்கவும். கருவேப்பிலையைக் கிள்ளிப் போட்டுக் கலக்கவும். இதை சூடான சாதத்தில் நல்லெண்ணெய் அல்லது நெய்யுடன் போட்டுப் பிசைந்து உண்ணலாம்.