19.பச்சைப்புளியஞ்சாதம்
தேவையானவை:- உதிரியாக, விதையாக வடித்த சாதம் – 1 கப், புளி – 1 நெல்லி அளவு, உப்பு – அரை டீஸ்பூன், மஞ்சள் தூள் – அரை டீஸ்பூன். வறுத்துப் பொடிக்க:- வரமிளகாய் – 2, மல்லி – அரை டீஸ்பூன், கடுகு, வெந்தயம் – தலா அரை டீஸ்பூன், பெருங்காயம் – 1 இஞ்ச் துண்டு. தாளிக்க:- நல்லெண்ணெய் – 2 டீஸ்பூன், கடுகு, உளுந்து – தலா ஒருடீஸ்பூன், கடலைப்பருப்பு, வேர்க்கடலை – தலா 2 டீஸ்பூன், கருவேப்பிலை – 1 இணுக்கு
செய்முறை:- உதிரியாக வடித்த சாதத்தில் புளியையும் உப்பையும் கெட்டியாகக் கரைத்து ஊற்றவும். மஞ்சள்பொடி நல்லெண்ணெய் சிறிது சேர்த்து நன்கு கலந்து சிறிது சூடுபடுத்தவும். வரமிளகாய், மல்லியைத் தனியாக வறுத்துப் பொடிக்கவும், கடுகு, பெருங்காயம், வெந்தயத்தைத் தனியாக வறுத்துப் பொடிக்கவும். இப்பொடிகளைச் சாதத்தில் தூவி எண்ணெயில் கடுகு, உளுந்து கடலைப்பருப்பு, வேர்க்கடலை வறுத்துப் போட்டு நன்கு கலந்து ஊறியதும் உபயோகிக்கவும்.
கருத்துகள் இல்லை:
கருத்துரையிடுக