கத்திரி வத்தல்
தேவையானவை:- கத்திரிக்காய் – ஒரு கிலோ ( முத்தல் தனியாக, இளசு தனியாகப் பிரித்துப் போடலாம்), உப்பு – 2 டீஸ்பூன், புளி – 4 சுளை.
செய்முறை:- கத்திரிக்காய்களைக் கழுவி நீளவாக்கில் அரை இஞ்ச் அகலம் இருக்குமாறு வெட்டவும். இட்லிப் பாத்திரத்தில் நீர் ஊற்றி அதில் புளியைக் கரைத்து ஊற்றி உப்பைப் போட்டுக் கத்திரிக்காய்களையும் போட்டு மூன்று நிமிடங்கள் வேகவிடவும்.
நீரை வடிகட்டி கத்திரிக்காய்களை ஒற்றை ஒற்றையாகப் பேப்பரில் அல்லது தட்டில் பரப்பி வெய்யிலில் இரண்டு நாட்கள் காயவைத்து எடுக்கவும். இதை வத்தல் குழம்பு செய்யப் பயன்படுத்தலாம். குழம்பு செய்யும்போது சிறிது நேரம் ஊறவைத்துப் பயன்படுத்த வேண்டும்.
