புழுங்கொடியல் லட்டு
தேவையானவை:- புழுங்கொடியல் மாவு – 2 கப் ( பனங்கிழங்கை புழுங்க வேகவைத்துத் துண்டு துண்டாக ஆக்கிக் காயவைத்து இடித்துச் சலித்துப் பெறப்படும் மாவு இது ). பனை வெல்லம் – 150 கி, ஏலக்காய் – 6, முந்திரி, கிஸ்மிஸ் – தலா 10, தேங்காய்த்துருவல் – 1 கப், மில்க்மெய்ட் – 2 டேபிள் ஸ்பூன். நெய் – 1 டேபிள் ஸ்பூன்
செய்முறை:- ஒரு டீஸ்பூன் நெய்யில் முந்திரி, கிஸ்மிஸை வறுத்து எடுக்கவும். இன்னொரு டீஸ்பூன் நெய்யில் தேங்காய்த்துருவலை வறுத்து இறக்கவும். மிச்ச நெய்யை ஊற்றி புழுக்கொடியல் மாவை மெல்லிய தீயில் நன்கு வறுக்கவும். பனை வெல்லத்தைத் தூளாக்கி இதில் போட்டுக் கிளறவும். தேங்காய்த் துருவலைப் போட்டு நன்கு கிளறி மில்க்மெய்டைப் போட்டுக் கலக்கவும். ஏலக்காயைப் பொடித்துப் போட்டு சூட்டுடன் உருண்டைகள் பிடிக்கவும்.
கருத்துகள் இல்லை:
கருத்துரையிடுக