தால் ஃப்ரை

தால் ஃப்ரை

தேவையானவை:- துவரம்பருப்பு - 1 கப், பெரிய வெங்காயம் - 1 , தக்காளி - 1, இஞ்சி பூண்டு பேஸ்ட் - 1 டீஸ்பூன், நெய் - 1 டேபிள் ஸ்பூன், சீரகம் - அரை டீஸ்பூன், வரமிளகாய் - 1, பச்சைமிளகாய் - 2, உப்பு - அரை டீஸ்பூன், மஞ்சள்தூள் - 1 சிட்டிகை, மிளகாய்த்தூள் - அரை டீஸ்பூன், கரம் மசாலா - கால் டீஸ்பூன், காய்ந்த வெந்தயக்கீரை - சிறிது. கொத்துமல்லி - சிறிது. 

செய்முறை:-துவரம்பருப்பைக் கழுவிக் குக்கரிப் போட்டு ஒரு கப் தண்ணீர் ஊற்றி நன்கு வேகவிடவும். வெங்காயம் தக்காளியைப் பொடியாக அரியவும். ஒரு பானில் நெய்யை ஊற்றி சீரகம், வரமிளகாய், வெங்காயம் போட்டு நன்கு வதக்கவும். இதில் இரண்டாகக் கிள்ளிய வரமிளகாய், பச்சைமிளகாய்,  இஞ்சி பூண்டு பேஸ்டைப் போட்டு வாசம் வரும்வரை வதக்கித் தக்காளியைச் சேர்க்கவும். உப்பையும் போட்டால் தக்காளி சீக்கிரம் மசியும். மசிந்ததும் மிளகாய்த்தூள், மஞ்சள்தூள், கரம் மசாலா போட்டு எண்ணெய் பிரிந்ததும் வெந்த துவரம்பருப்பை நன்கு மசித்து ஊற்றவும். கொதித்ததும் காய்ந்த வெந்தயக் கீரை, கொத்துமல்லித்தழை தூவி இறக்கவும்.சப்பாத்தி, சாதம், மேத்தி பரோட்டா , நான் , ருமாலி ரொட்டி ஆகியவற்றோடு இது நன்றாக இருக்கும்.

கரேலா சப்ஜி

கரேலா சப்ஜி

தேவையானவை :- மிதி பாகற்காய் - 250 கி, பெரிய வெங்காயம் - 1, தக்காளி 1, பூண்டு - 4, புளி - 2 சுளை, உப்பு - அரை டீஸ்பூன், மிளகாய்த் தூள் - 1 டீஸ்பூன், மஞ்சள்தூள் - 1 சிட்டிகை, கரம் மசாலா பொடி – அரை டீஸ்பூன், ஆம்சூர் – அரை டீஸ்பூன், எண்ணெய் - 1 டேபிள்ஸ்பூன், சீரகம், சோம்பு - தலா அரை டீஸ்பூன், வெல்லம் – சிறு துண்டு.

செய்முறை :- மிதி பாகற்காய்களை முழுதாக நான்காகக் கீறவும். பெரியவெங்காயம் தக்காளி பூண்டை சுத்தம் செய்து துண்டுகள் செய்யவும். அரை டேபிள் ஸ்பூன் எண்ணெயில் வெங்காயம், தக்காளி, மிளகாய்த்தூள், கரம் மசாலா, ஆம்சூர், உப்பு, மஞ்சள் தூள் போட்டுச் சுண்ட வதக்கிக் கீறி வைத்துள்ள பாகற்காய்க்குள் திணித்து நூலால் கட்டவும். எண்ணெயைக் காயவைத்து சீரகம், சோம்பு தாளித்துப் பாகற்காயை வதக்கவும். பொன்னிறமாய் வதங்கிச் சுண்டி வரும்போது வெல்லதைப் போட்டு நன்கு கிளறி இறக்கி நூலைப் பிரித்துப் பரிமாறவும்.

மொச்சை சப்ஜி

மொச்சை சப்ஜி

தேவையானவை:- மொச்சை - 1 கப் (12 மணி நேரம் ஊறவைத்து வேகவைத்தது.), பெரிய வெங்காயம் - 1 பொடியாக நறுக்கவும், தக்காளி - 1 பொடியாக நறுக்கவும், இஞ்சி பூண்டு பேஸ்ட் - 2 டீஸ்பூன், மிளகாய்ப் பொடி - 1 டீஸ்பூன், மல்லிப்பொடி _ 1 டீஸ்பூன், சோம்புப்பொடி - 1 /2 டீஸ்பூன், மஞ்சள் பொடி - 1/4 டீஸ்பூன், உப்பு - 1/2 டீஸ்பூன், எண்ணெய் - 2 டீஸ்பூன், கிராம்பு – 1, பட்டை - 1 இன்ச் துண்டு, ஏலக்காய் – 1, இலை - 1 இஞ்ச் துண்டு

செய்முறை:- பானில் எண்ணெயைக் காயவைத்து கிராம்பு., பட்டை., ஏலக்காய்., இலை போட்டு வெங்காயம் போட்டு வதக்கவும். 2 நிமிடத்துக்குப்பின் இஞ்சிபூண்டு பேஸ்ட் போடவும். பின் தக்காளி., மிளகாய்ப் பொடி., மல்லிப்பொடி., சோம்புப் பொடி., மஞ்சள் பொடி., உப்பு போட்டு வேகவைத்த மொச்சையை சேர்க்கவும். 10 நிமிடம் சிம்மில் வைத்து நன்கு கிளறி வேகவைத்தபின் ரோட்டிகளுடன் சூடாக பரிமாறவும்.

குல்தி கி டால்

குல்தி கி டால்

தேவையானவை:- கொள்ளு – 1 கப், பெரிய வெங்காயம் – 1 தக்காளி – 1, பூண்டு – 2 பல், மஞ்சள் பொடி – கால் டீஸ்பூன், மிளகாய்ப் பொடி – அரை டீஸ்பூன், மல்லிப்பொடி – அரை டீஸ்பூன். உப்பு – கால் டீஸ்பூன், கடுகு – கால் டீஸ்பூன், உளுந்து – அரை டீஸ்பூன், எண்ணெய் – 2 டீஸ்பூன்.

செய்முறை:- கொள்ளை வறுத்துக் களைந்து 2 கப் தண்ணீர் ஊற்றி குக்கரில் 4 விசில் வரும்வரை வேகவைக்கவும்.  அதில் பாதி எடுத்து மிக்ஸியில் லேசாக மசித்து மிச்ச கொள்ளோடு சேர்க்கவும். எண்ணெயைக் காயவைத்து கடுகு உளுந்து தாளித்துப் பொடியாக அரிந்த வெங்காயம் தக்காளி பூண்டு தாளித்து மஞ்சள் பொடி, மிளகாய்ப் பொடி, மல்லிப்பொடி உப்பு சேர்க்கவும். வதங்கியதும் கொள்ளையும் சேர்த்து சுருளக் கிண்டி இறக்கவும்.

ஆலு மேத்தி

ஆலு மேத்தி

தேவையானவை:- அவித்த உருளைக்கிழங்கு – 2, வெந்தயக் கீரை – 1 கட்டு, மிளகாய்த்தூள் – முக்கால் டீஸ்பூன், மல்லித்தூள் – அரை டீஸ்பூன், மஞ்சள் தூள் – 1 சிட்டிகை, கரம் மசாலா – கால் டீஸ்பூன், உப்பு – அரை டீஸ்பூன், எண்ணெய்- 3 டீஸ்பூன்,சீரகம் – அரை டீஸ்பூன், பெரிய வெங்காயம் – 1 பொடியாக அரிந்தது.

செய்முறை:- அவித்த உருளைக்கிழங்கைத் தோலுரித்து உதிர்த்து வைக்கவும். வெந்தயக் கீரையை அலசிச் சுத்தம் செய்து பொடியாக நறுக்கவும். எண்ணெயைக் காயவைத்துச் சீரகம் தாளித்து வெங்காயத்தை வதக்கவும். வெங்காயம் நன்கு வதங்கியதும் வெந்தயக்கீரையைப் போட்டு வதக்கவும். நன்கு வதங்கியதும் உப்பு, மிளகாய்த்தூள், மல்லித்தூள், கரம் மசாலாத்தூள், மஞ்சள் தூள்சேர்த்து நன்கு பிரட்டி சிறிது நீர் தெளித்து மூடி போட்டு வேகவிடவும். முக்கால் பதம் வெந்ததும் உதிர்த்த உருளையைச் சேர்த்து நன்கு சுருளக்கிளறி இறக்கவும். சப்பாத்தியுடன் பரிமாறவும்.

லோபியா க்ரேவி

லோபியா க்ரேவி

தேவையானவை:- காராமணி - 1 கப், பெரிய வெங்காயம் - 1, தக்காளி - 1. இஞ்சி பூண்டு விழுது - 1 டீஸ்பூன், மஞ்சள்தூள் - 1 சிட்டிகை, மிளகாய்த்தூள், மல்லித்தூள் - தலா முக்கால் டீஸ்பூன், கொத்துமல்லித் தழை, சிறிது, உப்பு - அரை டீஸ்பூன், சீரகம்- அரை டீஸ்பூன், எண்ணெய் - 2 டீஸ்பூன்.

செய்முறை:- காராமணியை லேசாக வறுத்து குக்கரில் நாலைந்து விசில் வரும்வரை வேகவிடவும். பெரியவெங்காயம் தக்காளியைத் தனித்தனியாக அரைத்துக் கொள்ளவும். பானில் எண்ணெயைக் காயவைத்து சீரகம் தாளித்து அரைத்த பெரியவெங்காயம் போட்டு வதக்கவும். அதிலேயே இஞ்சி பூண்டு விழுதை நன்கு வதக்கி வாசம் வந்ததும் மஞ்சள்தூள், மிளகாய்த்தூள், மல்லித்தூள், உப்பு சேர்த்து திறக்கி அரைத்த தக்காளியை ஊற்றவும். எல்லாம் சேர்ந்து எண்ணெய் பிரியும்போது வேகவைத்த காராமணியைப் போட்டு சிறிது தண்ணீர் ஊற்றவும். நன்கு கொதித்துச் சேர்ந்து வந்ததும் கொத்துமல்லித்தழை தூவி இறக்கவும். இதை சப்பாத்தி, நான், ருமாலி ரொட்டி பராத்தாவுடன் தொட்டுக் கொள்ளலாம்.

ஆலு டமாட்டர்

ஆலு டமாட்டர்.

தேவையானவை:- உருளைக்கிழங்கு – 2, தக்காளி – 3, ஜீரகம் - 1 டீஸ்பூன், வரமிளகாய்த் தூள் - 1 டீஸ்பூன், கரம் மசாலாப் பொடி - 1/2 டீஸ்பூன், ஆம்சூர்ப் பொடி - 1/4 டீஸ்பூன், உப்பு - 1/3 டீஸ்பூன், எண்ணெய் - 3 டீஸ்பூன்

செய்முறை:- உருளை மற்றும் தக்காளியை நன்கு கழுவி விரல் நீளத் துண்டுகளாக்கவும். எண்ணெயைக் காயவைத்து ஜீரகம் தாளிக்கவும். அதில் உருளை , தக்காளியைப் போட்டு நன்கு வதக்கவும்.  உப்பு, ஆம்சூர் பொடி, வரமிளகாய்த்தூள், கரம் மசாலா சேர்க்கவும். நன்கு கிளறி வேகவைத்து  ஓரங்களில் எண்ணெய் பிரிந்ததும் இறக்கவும்.  ருமாலி ரோட்டி, சப்பாத்தியுடன் பரிமாறவும்.

ஷாஹி பனீர்

ஷாஹி பனீர்

தேவையானவை:- பனீர் - 250 கிராம், பெரிய வெங்காயம் (அரைத்தது) – 1, பெரிய தக்காளி (அரைத்தது ) – 1, இஞ்சி பூண்டு விழுது - 2 டீஸ்பூன், சிகப்பு மிளகாய் பொடி - 1 டீஸ்பூன், மல்லி பொடி - 1 டீஸ்பூன், மஞ்சள் பொடி - 1/4 டீஸ்பூன், கரம் மசாலா பொடி - 1/4 டீஸ்பூன், உப்பு - 1 டீஸ்பூன், சீனி - 1/2 டீஸ்பூன், எண்ணெய் - 1 டேபிள் ஸ்பூன்

செய்முறை :- பனீரை 1 இஞ்ச் அளவு துண்டுகளாக செய்து கடாயில் எண்ணெய் ஊற்றிப் பொறித்து தனியாக ஒரு தட்டில் வைக்கவும். அதே எண்ணையில் வெங்காயத்தை சிவக்க வதக்கவும். இஞ்சி பூண்டு விழுது சேர்க்கவும். அதுவும் சிவக்கையில் மிளகாய்ப் பொடி., மல்லிப் பொடி., மஞ்சப் பொடி., கரம் மசாலா பொடி ., உப்பு ., ஜீனி போடவும். தக்காளி விழுதை சேர்த்து கடாயின் ஓரங்களில் எண்ணெய் பிரியும் வரை வதக்கவும் . பனீர் துண்டுகளைச் சேர்த்து அரை டம்ளர் தண்ணீர் ஊற்றவும். 7 முதல் 10 நிமிடங்கள் வரை சிறிய தீயில் சமைக்கவும். சப்பாத்தி அல்லது நான் கூட சூடாக பரிமாறவும்.

பனீர் கேப்ஸிகம் சுக்கா சப்ஜி

பனீர் கேப்ஸிகம் சுக்கா சப்ஜி

தேவையானவை:- பனீர் - 200 கி சின்னச் சதுரமாக வெட்டவும். குடைமிளகாய் - 1 நீளமாக வெட்டவும். பெரிய வெங்காயம் - 2 நீளமாக வெட்டவும். இஞ்சி பூண்டு விழுது - 1 டீஸ்பூன், தக்காளி - 2. ( அரைக்கவும்), சிவப்பு மிளகாய்த்தூள் - 1 டீஸ்பூன், மல்லித்தூள் - 1 டீஸ்பூன், கரம் மசாலா பவுடர் - 1/4 டீஸ்பூன், உப்பு - 1/2 டீஸ்பூன், சீனி - 1 சிட்டிகை, எண்ணெய் - 2 டேபிள் ஸ்பூன்.

செய்முறை:- பனீரைக் கழுவி எண்ணெயில் பொறித்தெடுக்கவும். அதே எண்ணெயில் வெங்காயம், குடைமிளகாயை வதக்கவும். அதில் இஞ்சி பூண்டைப் போட்டு எண்ணெய் பிரியும் வரை வதக்கி அரைத்த தக்காளியைச் சேர்க்கவும். அதில் மிளகாய்த்தூள், மல்லித்தூள், உப்பு, சீனி, கரம் மசாலா பொடியைச் சேர்த்து ஒரு நிமிடம் வதக்கித் தேவையான தண்ணீர் ஊற்றிக் கொதிக்க விடவும். அதில் பனீரைச் சேர்த்து 5 நிமிடம் சமைத்து எலுமிச்சை, வெங்காயம், வெள்ளரித்  துண்டுகளுடன் சப்பாத்தி, ருமாலி ரோட்டி, நான், குல்சாவோடு பரிமாறவும்.

கடுகுக்கீரை சப்ஜி

கடுகுக்கீரை சப்ஜி

தேவையானவை:- கடுகுக்கீரை - 1 கட்டு, பெரிய வெங்காயம் – 2, தக்காளி - 2 , உப்பு - 1 டீஸ்பூன், ஆம்சூர் பொடி - 1/4 டீஸ்பூன், கரம் மசாலா பொடி - 1/2 டீஸ்பூன், வர மிளகாய்ப் பொடி - 1 டீஸ்பூன், மல்லிப் பொடி - 1/2 டீஸ்பூன், எண்ணெய் - 1 டீஸ்பூன், சீரகம் - 1/2 டீஸ்பூன்

செய்முறை:- கீரையைப் பொடியாக அரிந்து குக்கரில் வேகவைக்கவும். அதில் பொடியாக அரிந்த தக்காளி, பெரிய வெங்காயம், உப்பு, ஆம்சூர் பொடி, கரம் மசால் பொடி, மிளகாய்ப் பொடி, மல்லிப் பொடி போட்டு வேகவைத்து நன்கு மசிக்கவும்.  எண்ணெயில் சீரகம் தாளித்துக் கொட்டி உபயோகப்படுத்தவும். சோளமாவு ரொட்டியுடன் பரிமாறவும்.

உருளைக்கிழங்கு எலுமிச்சை சப்ஜி

உருளைக்கிழங்கு எலுமிச்சை சப்ஜி

தேவையானவை:- உருளைக்கிழங்கு - 2 வேகவைத்துத் தோலுரித்து மசிக்கவும்., பெரிய வெங்காயம் - 1 பொடியாக அரிந்தது., பச்சை/சிகப்பு மிளகாய் - 3, 1 இன்ச் துண்டாக நறுக்கவும்., இஞ்சி - 1 இன்ச் துண்டு. பொடியாக நறுக்கவும்., மஞ்சள் பொடி - 1 சிட்டிகை., எலுமிச்சை ரசம் - 1/2 டேபிள் ஸ்பூன், உப்பு - 1 டீஸ்பூன், கருவேப்பிலை - 1 இணுக்கு,, எண்ணெய் - 2 டீஸ்பூன், கடுகு - 1 டீஸ்பூன், உளுந்து - 1 டீஸ்பூன், கடலைப் பருப்பு - 1 டீஸ்பூன், சோம்பு - 1 டீஸ்பூன் பட்டை இலை - 1

செய்முறை:- பானில் எண்ணெயைக் காயவைத்து கடுகு போடவும். அது வெடித்தவுடன் உளுந்து போட்டு சிவந்தவுடன் கடலைப்பருப்பு, சோம்பு பட்டை இலை போடவும். இஞ்சி, கருவேப்பிலை, பச்சைமிளகாய், வெங்காயம் போட்டு இரண்டு நிமிடம் வதக்கவும். அதில் மசித்த உருளைக்கிழங்கைப் போட்டு . மஞ்சள் தூளும் உப்பும் எலுமிச்சை சாறும் சேர்க்கவும். அரை கப் தண்ணீர் ஊற்றவும். 5 நிமிடம் வேகவைத்து சப்பாத்தி, நான், புல்காவோடு பரிமாறவும்.

அம்ருத் சப்ஜி

அம்ருத் சப்ஜி

தேவையானவை :- கொய்யாப்பழம் – 2, தக்காளி – 1, எண்ணெய் – 2 டீஸ்பூன், கடுகு – அரை டீஸ்பூன், பெருங்காயத்தூள் – 1 சிட்டிகை, மஞ்சள்தூள் – 1 சிட்டிகை, மிளகாய்த்தூள் – அரை டீஸ்பூன், மல்லித்தூள் – 1 டீஸ்பூன், சீரகத்தூள் – அரை டீஸ்பூன், ஆம்சூர்/மாங்காய்ப்பொடி – அரை டீஸ்பூன், சீனி – ஒரு சிட்டிகை, உப்பு – கால் டீஸ்பூன், கொத்துமல்லித்தழை – சிறிது.

செய்முறை:- கொய்யாப்பழத்தை நான்காக வெட்டி நடுப்பகுதியில் கொட்டை உள்ள சதையை மட்டும் வழித்தெடுத்துவிட்டுத் துண்டுகள் செய்யவும். கொட்டை உள்ள சதைப்பகுதியை அரைத்து வடிகட்டவும். பானில் எண்ணெயைக் காயவைத்து கடுகு போட்டு வெடித்ததும் பெருங்காயப்பொடி, மஞ்சள் பொடி போட்டு அதில் துண்டுகளாக வெட்டிய கொய்யா, தக்காளியைப் போட்டு நன்கு வதக்கவும். இதில் மிளகாய்த்தூள், மல்லித்தூள், சீரகத்தூள், ஆம்சூர் பொடி, சீனி, உப்பு சேர்த்து நன்கு கலக்கி கால் கப் தண்ணீர் விட்டு நன்கு மூடி சிம்மில் வேகவிடவும். நான்கு நிமிடம் கழித்து இறக்கி கொத்துமல்லித் தழை தூவிப் பரிமாறவும்.

மூங்தால் (பாசிப்பயறு) சப்ஜி

மூங்தால் (பாசிப்பயறு) சப்ஜி

தேவையானவை:- பாசிப்பயறு - 1 கப், பெரிய வெங்காயம் – 1, தக்காளி – 1, இஞ்சி பூண்டு பேஸ்ட் - 1 டீஸ்பூன், வரமிளகாய்த் தூள் - 1/2 டீஸ்பூன், தனியா தூள் - 1/2 டீஸ்பூன், மஞ்சள் பொடி - 1 சிட்டிகை, கரம் மசாலா பொடி - 1/3 டீஸ்பூன், உப்பு - 1/2 டீஸ்பூன், எண்ணெய் - 2 டீஸ்பூன்

செய்முறை:- பாசிப்பயறை வறுத்துக் கழுவித் தேவையான தண்ணீர் ஊற்றி குக்கரில் வேகவிடவும். வெங்காயம், தக்காளியைத் தனித்தனியாக அரைக்கவும். ஒரு பானில் எண்ணெய் ஊற்றி வெங்காய பேஸ்டைப் போட்டு வதக்கவும். அதில் இஞ்சி பூண்டு பேஸ்டைப் போட்டு 2 நிமிடம் வதக்கி எல்லாப் பொடிகளையும் போட்டு உப்பு, தக்காளி பேஸ்ட் சேர்க்கவும். ஒரு நிமிடம் வதக்கி வேகவைத்த பாசிப்பயறைத் தண்ணீருடன் சேர்க்கவும். 5 நிமிடம் நன்கு சமைத்துக் கோபி பரோட்டா அல்லது ஆலு பரோட்டாக்களுடன் பரிமாறவும்.

ஆலு கோபி சுக்கா சப்ஜி

ஆலு கோபி சுக்கா சப்ஜி

தேவையானவை:- உருளைக்கிழங்கு – 2, காலிஃப்ளவர் - 1 சிறியது, எண்ணெய் - 3 டீஸ்பூன், சீரகம் - 1/2 டீஸ்பூன், சீரகப்பொடி - 1/2 டீஸ்பூன், மிளகாய்த்தூள் - 1 டீஸ்பூன், கரம் மசாலா தூள் + ஆம்சூர் பொடி - 1/2 டீஸ்பூன், உப்பு - 1/2 டீஸ்பூன்.

செய்முறை:- உருளையைத் தோலுரித்துக் கழுவி விரல் அளவு துண்டுகளாக்கவும். காலிஃப்ளவரைப் பூக்களாய்ப் பிரித்து உப்பு கலந்த வெந்நீரில் போட்டு 5 நிமிடம் வைக்கவும். தண்ணீரை வடித்துப் பூக்களைத் தனியாக வைக்கவும். பானில் எண்ணெயைக் காயவைத்து சீரகம் போடவும். பொறிந்ததும் உருளை , காலிஃப்ளவரைச் சேர்த்து 2 நிமிடம் வதக்கவும். சீரகப்பொடி., மிளகாய்ப்பொடி., கரம் மசாலா பொடி., ஆம்சூர் பொடி., உப்பு சேர்த்து நன்கு கிளறி மூடி போட்டு சிம்மில் 7 நிமிடம் வேகவைத்துச் சூடாக சப்பாத்தி., ரொட்டி., நான்., குல்ச்சாக்களுடன் பரிமாறவும்.

ஹரி சன்னா க்ரேவி

ஹரி சன்னா க்ரேவி

தேவையானவை :- பச்சைக் கொண்டைக்கடலை – 1 கட்டு, பெரிய வெங்காயம் - 1, வெள்ளைப் பூண்டு - 4 பல், இஞ்சி – 2 இன்ச் துண்டு, தக்காளி 1 , சிவப்பு மிளகாய்த்தூள் – 1/2 டேபிள் ஸ்பூன், மல்லிப் பொடி - 1 டேபிள் ஸ்பூன்,சீரகப் பொடி – அரை டீஸ்பூன், எண்ணெய் – 3 டீஸ்பூன், உப்பு - 2 டீஸ்பூன், பட்டை - 1 இன்ச்,, கிராம்பு  - 1, ஏலக்காய் - 1., சீரகம் – 1 டீஸ்பூன், கருவேப்பிலை - 1 இணுக்கு

செய்முறை:- பச்சைக் கொண்டைக்கடலையை உரித்துக் கொள்ளவும். இஞ்சி பூண்டை மைய அரைக்கவும். வெங்காயம் தக்காளியைத் தனித்தனியாக அரைக்கவும். பானில் எண்ணெயைக் காயவைத்து சீரகம், பட்டை, கிராம்பு, ஏலக்காய் போட்டு அரைத்த வெங்காயம், இஞ்சி பூண்டை வதக்கவும். அது சிவந்ததும் அரைத்த தக்காளி மசாலாப் பொடிகள், உப்பு சேர்த்து வதக்கவும். எண்ணெய் பிரிந்ததும் பச்சைக் கொண்டைக் கடலை, உப்பு போட்டுத் தேவையான தண்ணீர் சேர்த்து 10 நிமிடம் வேக விடவும். இறக்கி பட்டுராவுடன் பரிமாறவும்.

சுக்கா பிண்டி சப்ஜி

சுக்கா பிண்டி சப்ஜி

தேவையானவை :- சின்ன வெண்டைக்காய் - 250 கி, வர மிளகாய்ப் பொடி - 1 டீஸ்பூன், உப்பு - 1/3 டீஸ்பூன், மஞ்சள்தூள் – 1சிட்டிகை, கரம் மசாலா – அரை டீஸ்பூன், ஆம்சூர் – அரை டீஸ்பூன், மல்லித்தூள் – அரை டீஸ்பூன், எண்ணெய் - 1 டீஸ்பூன் ( 5 மிலி), சீரகம் – ½ டீஸ்பூன்

செய்முறை:- வெண்டைக்காய்களைக் கழுவித் துடைத்து நீளவாக்கில் கீறவும். மிளகாய்பொடி, உப்பு, மஞ்சள்தூள், கரம் மசாலா, ஆம்சூர், மல்லித்தூள் ஆகியவற்றைக் கலந்து கீறிய வெண்டைக்காயினுள் திணிக்கவும்.  ஒரு பானில் எண்ணெயைக் காயவைத்து சீரகம் போட்டுப் பொரிந்ததும் வெண்டைக்காய்களைப் போட்டு வதக்கவும். வெண்டைக்காய் பொன்னிறமானதும் இறக்கி சப்பாத்தி அல்லது தயிர்சாதத்துடன் பரிமாறவும்.

.தக்காளி கிரேவி

.தக்காளி கிரேவி

தேவையானவை.:- தக்காளி – 4, பெரிய வெங்காயம் – 2, மிளகாய்த்தூள் - 1 டீஸ்பூன், உப்பு - 1/2 டீஸ்பூன், எண்ணெய் - 2 டீஸ்பூன், கடுகு - 1 டீஸ்பூன், உளுந்து - 1 டீஸ்பூன்.

செய்முறை :- தக்காளி வெங்காயத்தைச் சுத்தம் செய்து மிக்ஸியில் அரைத்துக் கொள்ளவும். பானில் எண்ணெயை ஊற்றிக் கடுகு போட்டு வெடித்ததும், உளுந்து போட்டு சிவந்ததும், அரைத்த கலவையை ஊற்றி உப்பு, மிளகாய்ப்பொடி போடவும்.இரண்டு கப் தண்ணீர் ஊற்றி நன்கு கொதித்ததும் 3 நிமிடங்கள் சிம்மில் வைத்து இறக்கவும். சூடாக சப்பாத்தி, இட்லி, தோசை, உப்புமா, கிச்சடியுடன் பரிமாறவும்.

பைங்கன் பர்த்தா

பைங்கன் பர்த்தா

தேவையானவை:- பெரிய கத்திரிக்காய் – 1, பெரிய வெங்காயம் – 2, தக்காளி – 2, பூண்டு - 6 பல், பச்சை மிளகாய் – 2, மிளகாய்த்தூள் – 1 டீஸ்பூன், மல்லித்தூள் – அரை டீஸ்பூன், மஞ்சள் தூள் – 1 சிட்டிகை, கரம் மசாலா – அரை டீஸ்பூன், எண்ணெய் - 1 டேபிள் ஸ்பூன், சீரகம் - 1/2 டீஸ்பூன், உப்பு - 1 டீஸ்பூன்

செய்முறை:- கத்திரிக்காயை அங்கங்கே கீறி அதில் பூண்டு, பச்சை மிளகாய் ஆகியவற்றைச் சொருகி அடுப்பில் ஒரு ஸ்டாண்டில் வைத்து வாட்டவும். பக்கத்திலேயே பெரிய வெங்காயம், தக்காளியையும் வாட்டவும். ஆறியதும் அனைத்தையும் தோலுரித்து மசிக்கவும். பானில் எண்ணெயைக் காயவைத்து சீரகம் போட்டுப் பொரிந்ததும் மிளகாய்த்தூள், மல்லித்தூள், மஞ்சள் தூள், கரம் மசாலா, உப்புப் போட்டு மசித்த கத்திரிக்காயைச் சேர்த்துக் கிளறவும். நன்கு சேர்ந்து வெந்து எண்ணெய் பிரிந்ததும் இறக்கி சப்பாத்தி ஃபுல்காவோடு பரிமாறவும்.

க்ரேவி & சப்ஜி ரெஸிப்பீஸ்

க்ரேவி சப்ஜி ரெஸிப்பீஸ்

1.மஷ்ரூம் க்ரேவி

2.தக்காளி க்ரேவி

3.மட்டர் பனீர் க்ரேவி

4.ஹரி சன்னா க்ரேவி

5.ஆலுகோபி சுக்கா சப்ஜி

6.மூங்க்தால் சப்ஜி

7.அம்ருத் சப்ஜி

8.கருப்பு உளுந்து சப்ஜி

9.கடுகுக் கீரை சப்ஜி

10.உருளை எலுமிச்சை சப்ஜி சுக்கா

11.ஷாஹி பனீர்

12.பனீர் கேப்ஸிகம் சப்ஜி சுக்கா

13.லோபியா க்ரேவி

14.கருப்புக் கொண்டைக்கடலை மசாலா

15.ஆலு டமாட்டர்

16.ஆலு மேத்தி

17.குல்தி கி டால்

18.தால் ஃப்ரை

19.பாலக் பனீர்

20.மொச்சை சப்ஜி

21.ராஜ்மா

22.பஞ்சாபி பனீர் பட்டர் மசாலா

23.சுக்கா பிண்டி சப்ஜி

24.கரேலா சப்ஜி

25.பைங்கன் பர்த்தா

வெஜ் பேணி

வெஜ் பேணி

தேவையானவை:- பச்சரிசி – 2 கப், ஃபில்லிங்க் செய்ய:- அவித்த உருளைக்கிழங்கு – 1 ( பெரியது), பீட்ரூட் சின்னம் – 1 துருவவும், காரட் – 1 துருவவும்., பச்சைமிளகாய் – 1 பொடியாக நறுக்கவும்., இஞ்சி – 1 இன்ச் – பொடியாக நறுக்கவும்., மிளகு சீரகத்தூள் – 1 டீஸ்பூன், எண்ணெய் – 1 டீஸ்பூன், உப்பு – 1/3 டீஸ்பூன்., வெண்ணெய் – 1 டீஸ்பூன், கொத்துமல்லித்தழை – 1 டீஸ்பூன்

செய்முறை:- பச்சரிசியை ஊறவைத்து மிக்ஸியில் அரைத்து நன்கு சலிக்கவும். ஒரு பாத்திரத்தில் 1 1/4 கப் தண்ணீரைக் கொதிக்கவைத்து அதில் இரண்டு ஸ்பூன் நல்லெண்ணெய் விட்டு  ஒரு சிட்டிகை உப்புப் போட்டு மாவைத் தூவிப் பிசையவும்.. பந்துபோல உருண்டுவந்ததும் இறக்கி ஒரு ஈரத்துணியைப் போட்டு மூடிவைக்கவும். ஒரு கடாயில் எண்ணெய் விட்டு சீரகம் தாளித்துப்  பச்சைமிளகாய், இஞ்சி, காரட், பீட்ரூட் துருவலை வதக்கி இறக்கி வைத்து அதில் உப்பு, மசித்த உருளைக்கிழங்கு, பொடியாக அரிந்த  கொத்துமல்லித் தழை, மிளகு ஜீரகத்தூள், வெண்ணெய் போட்டு நன்கு பிசைந்து பதினாறு உருண்டைகளாக உருட்டவும். மாவை எடுத்து உள்ளங்கையில் வைத்து விரல்களால்  கிண்ணங்களாகத் தட்டி உள்ளே ஃபில்லிங்கை வைத்து  எருக்கலங்கொழுக்கட்டை மாதிரியோ அல்லது சோமாசி மாதிரியோ மடித்து ஓரங்களை நன்கு ஒட்டி ஆவியில் 10 – 15  நிமிடம் வேகவைத்து எடுக்கவும்.

 

எள்ளுப் பூரணக் கொழுக்கட்டை

எள்ளுப் பூரணக் கொழுக்கட்டை

தேவையானவை :- பச்சரிசி மாவு – 2 கப், உப்பு – ஒரு சிட்டிகை, நல்லெண்ணெய் – 1 டீஸ்பூன். பூரணம் செய்ய – வறுத்த வெள்ளை எள் – 1 கப், வறுத்த வேர்க்கடலை – கால் கப், வெல்லம் முக்கால் கப், ஏலப்பொடி – கால் டீஸ்பூன்.

செய்முறை:- ஒரு கப் தண்ணீரைக் கொதிக்கவைத்து உப்பும் நல்லெண்ணையும் சேர்த்துப் பச்சரிசி மாவைக் கொட்டிக் கரண்டிக் காம்பால் கிளறி மூடி வைக்கவும். ஆறியதும் நன்கு மிருதுவாகப் பிசைந்து ஈரத்துணியால் மூடி வைக்கவும். வேர்க்கடலை, வெள்ளை எள்ளு, பொடித்த வெல்லம் ஏலப்பொடி சேர்த்து மிக்ஸியில் பொடிக்கவும். நன்கு பொடிந்தவுடன் சிறு உருண்டைகளாக உருட்டி வைத்துக் கொள்ளவும். மேல்மாவை எடுத்து வட்டமாகக் கிண்ணம்போல் தட்டி எள்ளுப் பூரணத்தை உள்ளே வைத்து மூடி ஆவியில் வேகவைக்கவும்.

ஓட்ஸ் வெஜ் கொழுக்கட்டை

ஓட்ஸ் வெஜ் கொழுக்கட்டை

தேவையானவை :- அரிசி – 2 கப், ஓட்ஸ் – 1 கப், பொடியாக அரிந்த காரட் பீன்ஸ், பட்டாணி,குடைமிளகாய் – அரை கப், தேங்காய் துருவல் – அரை கப், உப்பு – அரை டீஸ்பூன், பொடியாக அரிந்த வெங்காயம் – 1. தாளிக்க :- எண்ணெய் – 2 டீஸ்பூன், உளுந்து – அரை டீஸ்பூன், சீரகம் – அரை டீஸ்பூன், வரமிளகாய் – 2  விதையை உதிர்த்துவிட்டு துண்டு துண்டாக ஒடித்து வைக்கவும். கருவேப்பிலை – 1 இணுக்கு.

செய்முறை:- அரிசியை ஊறவைக்கவும். ஓட்ஸைப் பொடித்து வைக்கவும். அரிசி இரண்டு மணி நேரம் ஊறியதும் உப்பு சேர்த்துக் கொரகொரப்பாக அரைக்கவும். பொடித்த ஓட்ஸை இதில் போட்டுக் கலந்து வைக்கவும். எண்ணெயைக் காயவைத்து வரமிளகாய், உளுந்து, சீரகம், கருவேப்பிலை, தாளிக்கவும். இதில் பொடியாக அரிந்த வெங்காயம் , காய்கறிக் கலவையைப் போட்டு நன்கு வதக்கவும். தளரக் கரைத்த அரிசி ஓட்ஸ் கலவையை ஊற்றி நன்கு கிளறவும். பானில் ஒட்டாத பதம் வரும்போது தேங்காய்த் துருவலைப் போட்டு இறக்கவும். லேசாக ஆறியதும் நன்கு பிசைந்து எலுமிச்சை அளவு உருண்டைகளாக உருட்டி ஆவியில் வேகவைக்கவும்.

ஸ்டஃப்டு சோளக் கொழுக்கட்டை ( டாமலீஸ் )

ஸ்டஃப்டு சோளக் கொழுக்கட்டை ( டாமலீஸ் )

தேவையானவை :- சோளக்கருது மடலுடன் – 2, பச்சரிசி மாவு – அரை கப், சோளமாவு – 1 டேபிள் ஸ்பூன், வெங்காயம் – 1 பொடியாக நறுக்கவும். வெண்ணெய் – 1 டேபிள் ஸ்பூன், சீஸ் – 1 டேபிள் ஸ்பூன், பால் – அரை கப், கொத்துமல்லித்தழை –  2 டீஸ்பூன் பொடியாக அரிந்தது, குக்னி – 1 ( வெள்ளரிக்காயில் ஒரு வகை), குட்டி தக்காளி – 1, பச்சை மிளகாய் – 1, உப்பு – அரை டீஸ்பூன்.

செய்முறை:- சோளக்கருதை மடல் உரித்து அந்த மடல்களை கொதிக்கும் வெந்நீரில் ஒரு நிமிடம் மூழ்க வைத்துச் சுத்தமாகத் துடைத்து வைத்துக்கொள்ளவும். சோளமுத்துகளை உதிர்த்துப் பால் சேர்த்து மையாக அரைக்கவும். வெறும் கடாயை அடுப்பில் வைத்து அரைத்த சோளத்தை ஊற்றிக் கிளறவும். இறுகிவரும்போது சோளமாவும் அரிசி மாவும் சேர்த்து உப்பு கொத்துமல்லி சேர்த்து நன்கு கிளறி இறக்கி வைக்கவும். இன்னொரு பானில் பாதி வெண்ணெயை உருகவைத்து வெங்காயத்தை மென்மையாக வதக்கவும். இதில் துருவிய சீஸை சேர்த்து கிளறி இறக்கி மாவில் போட்டு நன்கு பிசையவும். மிச்ச அரைடீஸ்பூன் வெண்ணெயை உருகவைத்து அதில் பொடியாக அரிந்த பச்சை மிளகாய், கட்டமாக நறுக்கிய தக்காளி, குக்னி போட்டு வதக்கி இறக்கவும். சோளமடல்களைத் துடைத்து மாவுக் கலவையை ஒரு ஸ்பூன் வைத்து அதன் நடுவில் குக்னி தக்காளி பச்சைமிளகாய் ஸ்டஃபிங்கை வைத்து மூடி மடலையும் எல்லாப் பக்கங்களிலும் செவ்வகப் பொட்டலம்போல் மூடி நூலால் கட்டி இட்லி பாத்திரத்தில் 30 நிமிடம் ஆவியில் வேகவைத்துத் தக்காளி சாஸுடன் பரிமாறவும்.

ஆட்டிக் கிண்டும் கொழுக்கட்டை

ஆட்டிக் கிண்டும் கொழுக்கட்டை

தேவையானவை:- இட்லி அரிசி  - 2 கப், துருவிய தேங்காய்  - 1 கப், பொடியாக அரிந்த வெங்காயம் - 1/2 கப், வரமிளகாய் - 4  விதை நீக்கி சின்னதாக வெட்டவும்., கருவேப்பிலை - 1 இணுக்கு, உப்பு - 1 டீஸ்பூன், உளுந்து - 1 டீஸ்பூன், ஜீரகம் - 1/2 டீஸ்பூன், எண்ணெய் - 3 டீஸ்பூன்.

செய்முறை :- இட்லி அரிசியைக் கழுவி 2 மணி நேரம் ஊறவைக்கவும். கொரகொரப்பாக அரைக்கவும். பானில் எண்ணெயைக் காயவைத்து உளுந்து., சீரகம்., வரமிளகாய்., கருவேப்பிலை போடவும். வெங்காயம் போட்டு நன்கு வதக்கி  மாவை  ஊற்றவும். உப்பு  சேர்க்கவும். 5 நிமிடம் நன்கு கிளறி கையில் ஒட்டாமல் வரும்போது தேங்காய்த்துருவல்  சேர்க்கவும். அடுப்பை அணைத்து மாவைக்  கையால் நன்கு பிசைந்து எலுமிச்சை உருண்டைகளாகவும் பிடி கொழுக்கட்டைகளாகவும் பிடித்து ஆவியில் 20 நிமிடம் வேகவிடவும். சூடாக வரமிளகாய் சட்னியோடு பரிமாறவும்.