எனது பதிநான்கு நூல்கள்

எனது பதிநான்கு நூல்கள்
எனது பதிநான்கு நூல்கள்

வியாழன், 16 செப்டம்பர், 2021

26.தலச்சேரி பிரியாணி

26.தலச்சேரி பிரியாணி


தேவையானவை:- மட்டன் – அரை கிலோ, பாசுமதி அரிசி – அரை கிலோ, பெரிய வெங்காயம் – 4, தக்காளி – 2, தயிர் – அரை கப், இஞ்சி பூண்டு பேஸ்ட் – 1 டேபிள் ஸ்பூன், நெய் – 4 டேபிள் ஸ்பூன், புதினா கொத்துமல்லி – இரண்டு கைப்பிடி, முந்திரி, கிஸ்மிஸ் – தலா ஒரு கப், மிளகாய்த்தூள், மல்லித்தூள் – தலா 2 டீஸ்பூன், பட்டை, கிராம்பு, ஏலக்காய்- தலா 4, பிரியாணி மசாலா செய்ய :- பட்டை -2, கிராம்பு – 4, ஏலக்காய் – 4, சோம்பு – 1 டீஸ்பூன், சீரகம் – அரை டீஸ்பூன், கசகசா – 1 டீஸ்பூன், ஜாதிக்காய் – கால்பாகம், ஜாதி பத்திரி – சிறிது, அன்னாசிப்பூ – 2, மராட்டி மொக்கு- 1, கல்பாசிப்பூ – சிறிது, பிரிஞ்சி இலை – 1, தாளிக்க :- பட்டை, கிராம்பு, ஏலக்காய் – தலா 2, பிரிஞ்சி இலை – 1. வெந்நீர் – 4 கப்.

செய்முறை:- பாசுமதி அரிசியைக் கழுவி ஊறவைக்கவும். பிரியாணி மசாலாவைப் பொடித்து வைக்கவும். ஒரு பானில் இரண்டு டேபிள் ஸ்பூன் நெய் ஊற்றி முந்திரி, கிஸ்மிஸை வறுத்து எடுக்கவும். அதன்பின் இரண்டு பெரிய வெங்காயத்தைப் பொன்னிறமாக வறுக்கவும். அதை எடுத்து அலங்கரிக்க வைத்துக் கொள்ளவும். ஒரு பட்டை கிராம்பு ஏலக்காயைத் தாளித்து மிச்ச வெங்காயத்தையும் பொன்னிறமாக வறுக்கவும். அதில் இஞ்சி பூண்டு பேஸ்டைப் போட்டு பச்சை வாசனை போனதும் மட்டனைப் போட்டுத் திறக்கவும். நன்கு திறங்கியதும் மிளகாய்த்தூள், மல்லித்தூள், மஞ்சள்தூள் சேர்க்கவும். அதன்பின் தக்காளியைச் சேர்த்து நன்கு வதங்கியதும் தயிரும் உப்பும் போட்டு மூடி வைத்து நன்கு வேகும்வரை வைத்து இறக்கவும். இன்னொரு பானில் ஒரு டேபிள் ஸ்பூன் நெய் ஊற்றி மிச்ச பட்டை கிராம்பு, ஏலக்காய், பிரிஞ்சி இலை தாளித்து இஞ்சி பூண்டு பேஸ்டையும் போட்டு வதக்கி அரிசியைப் போட்டு வறுக்கவும். இதில் வெந்நீரை ஊற்றி உப்புப் போட்டுக் கலக்கி மூடி வைத்து வேகவைத்து இறக்கவும். மட்டன் உள்ள பாத்திரத்தைத் திறந்து சாதம்,  வறுத்த வெங்காயம், புதினா கொத்துமல்லித்தழைகள், திரும்ப சாதம் வெங்காயம் புதினா கொத்துமல்லித்தழைகள், முந்திரி கிஸ்மிஸை லேயர் லேயராக அடுக்கி பாத்திரத்தை மூடி 10 நிமிடம் தம்மில் வைத்து இறக்கவும். பரிமாறும்போது லேசாகக் கிளறிப் பரிமாறவும். சிப்ஸ், தக்காளிக்குருமாவுடன் பரிமாறவும்.

 

1 கருத்து:

Related Posts Plugin for WordPress, Blogger...