பால் அல்வா
தேவையானவை:- பால் – 2 லிட்டர், சீனி – ஒரு கப், பால் பவுடர் – 200 கி, எலுமிச்சை சாறு – சில துளிகள், நெய் – 1 கப், முந்திரி – 12.
செய்முறை:- ஒரு லிட்டர் பாலைக் காய்ச்சிக் கொதிக்கவிட்டு எலுமிச்சைச் சாறு சேர்க்கவும். பால் பனீராகத் திரிந்ததும் ஒரு துணியில் வடிகட்டி எடுத்து உதிர்த்துக் கொள்ளவும். இன்னொரு லிட்டர் பாலைக் காய்ச்சி அது சுண்டும்போது சீனியைச் சேர்த்து உதிர்த்த பனீரையும் சேர்த்துக் கிளறவும். முந்திரியை ஒடித்து நெய்யில் பொரித்து வைக்கவும். பால் சுண்டி வரும்போது பால் பவுடரைச் சலித்துச் சேர்த்து நெய்யைச் சிறிது சிறிதாகச் சேர்த்து நன்கு சுருண்டதும் இறக்கி முந்திரியால் அலங்கரிக்கவும்.
கருத்துகள் இல்லை:
கருத்துரையிடுக