காலிஃப்ளவர் மஞ்சூரியன்
தேவையானவை :- காலிஃப்ளவர் - 1 , குடைமிளகாய் – 1 பெரிய வெங்காயம் – 1. சோயா சாஸ் – 2 டீஸ்பூன், தக்காளி சாஸ் – 2 டேபிள் ஸ்பூன் , க்ரீன் சில்லி சாஸ் - 2 டீஸ்பூன், உப்பு –அரை டீஸ்பூன், சீனி – கால் டீஸ்பூன், அஜினோ மோட்டோ – 1 சிட்டிகை, மைதா – 1 டேபிள் ஸ்பூன், கார்ன்ஃப்ளோர் – 1 டேபிள் ஸ்பூன், மிளகாய்த்தூள் - அரை டீஸ்பூன், இஞ்சி பூண்டு பேஸ்ட் - 1 டீஸ்பூன், உப்பு - அரை டீஸ்பூன், எண்ணெய் – பொறிக்கத்தேவையான அளவு.
செய்முறை:- காலிஃப்ளவரைப் பூக்களாகப் பிரித்து வெந்நீரில் உப்புப் போட்டுஇரு நிமிடம் வைக்கவும். வெங்காயம் குடைமிளகாயைச் சதுரத் துண்டுகளாக வெட்டிக் கொள்ளவும். காலிஃப்ளவரை நீரை வடிகட்டி எடுத்து உப்பு, இஞ்சி பூண்டு மிளகாய்ப் பொடி போட்டுப் பத்து நிமிடங்கள் ஊறவைக்கவும். மைதா, கார்ன்ஃப்ளோரை கால் டீஸ்பூன் உப்பு சேர்த்து சிறிது தண்ணீர் விட்டுக் கரைத்து பூக்களை அதில் நனைத்து எண்ணெயில் பொரித்தெடுக்கவும்.
இரண்டு ஸ்பூன் எண்ணெயைப் பானில் காயவைத்து சதுரமாக வெட்டிய குடைமிளகாய், பெரிய வெங்காயம் சேர்த்து உப்பு சீனி அஜினோமோட்டோ போட்டு ஹை ஃப்ளேமில் வதக்கவும். இதில் சோயா சாஸ், தக்காளி சாஸ், க்ரீன் சில்லி சாஸ் சேர்த்து சிறிது நீர் சேர்த்துக் கொதிக்க விடவும். கார்ன் ஃப்ளோரையும் சிறிது கரைத்து ஊற்றிக் கண்ணாடியாக வேகும்படி வைக்கவும். இரண்டு நிமிடம் கொதித்ததும் , பொரித்த காலிஃப்ளவர் துண்டுகளைப் போட்டுக் கலக்கி இறக்கிப் பரிமாறவும்.
வலைப்பதிவர் ஒற்றுமை ஓங்கட்டும் !
பதிலளிநீக்குஎன்றும் நம்முள் வலிமை பெருகட்டும் !!