சீப்புச் சீடை

சீப்புச் சீடை

தேவையானவை:- பச்சரிசி - 4 கப், பொட்டுக்கடலை - 1 கப், தேங்காய் - 1 முழுதாக, உப்பு - 3 டீஸ்பூன், எண்ணெய் - பொறிக்க ( 350 கிராம்)

செய்முறை:- பச்சரிசியைச் சிறி்து நேரம் ஊறவைத்து வடிகட்டியில் போட்டு பின் மிக்ஸியில் மாவாக அரைத்து சலிக்கவும். வெறும் வாணலியில் போட்டு மணலைப்போல உதிரியாக வரும்வரை வறுக்கவும். பொட்டுக்கடலையையும் பொடித்துச் சலிக்கவும். தேங்காயைத் துருவி அரைத்து 2 கப் தண்ணீர் ஊற்றிப் பாலெடுத்து அடுப்பில் வைத்துக் காய்ச்சவும். சூடாகும்போது உப்பு போட்டு இறக்கவும். திரிந்தது போல் இருக்கும். இது வெதுவெதுப்பாக இருக்கும்போது அரிசி., பொட்டுக்கடலை மாவில் ஊற்றிப் பிசையவும். சீப்புச்சீடைக்கட்டையில் உருண்டையாக் உருட்டிப்போட்டு மாவைப் பேப்பரில் பிழியவும். அதை 3 இன்ச் துண்டுகளாக வெட்டி இரண்டு நுனிகளையும் விரலில் சுற்றி ஒட்டவும். எல்லா மாவையும் இதுபோல் செய்து எண்ணெயைக் காயவைத்துப் பொரிக்கவும்.

மனகோலம்

மனகோலம்

தேவையானவை:- பாசிப்பருப்பு மாவு - 2 கப், வெல்லம் - 2 கப், உப்பு - 1/2 டீஸ்பூன், டால்டா/எண்ணெய் - பொரிக்கத் தேவையான அளவு, தேங்காய் - 5 இன்ச் துண்டு, பொட்டுக்கடலை - 2 டேபிள் ஸ்பூன், நெய் - 2 டீஸ்பூன், சீனி பொடித்தது - 1 டேபிள் ஸ்பூன்

செய்முறை:- பாசிப்பருப்பை வெறும் வாணலியில் லேசாக  வறுத்து அரைத்துச் சலிக்கவும். உப்பும் தேவையான தண்ணீரும் சேர்த்து மாவு பிசையவும். எண்ணெய் அல்லது டால்டாவைக் காயவைத்து மனகோலக் கட்டையில் போட்டு பிழிந்து  2 இன்ச் துண்டுகளாக உதிர்த்து வைக்கவும். தேங்காயைப் பல்லுப் பல்லாக நறுக்கி நெய்யில் வதக்கவும். பொட்டுக்கடலையையும் நெய்யில் வறுத்துக் கொட்டவும். மனகோலம், தேங்காய், பொட்டுக்கடலை மூன்றையும் ஒரு சில்வர்/பித்தளை பேசினில்  போடவும். வெல்லத்தில் சிறிது நீர் சேர்த்து முற்றிய பாகு தயாரித்து இந்தக் கலவையில் ஊற்றிக் கலந்து விடவும். பொடித்த சீனியைத் தூவி ஆறியபின் பரிமாறவும்.

வரமிளகாய்த் துவையல்

வரமிளகாய்த் துவையல்

தேவையானவை :- வரமிளகாய் 10. பெரிய வெங்காயம் – 1, சின்ன வெங்காயம் – 10, பூண்டு – 1 பல், தக்காளி – 2, பெருங்காயம் – 1 துண்டு, உப்பு – அரை டீஸ்பூன், புளி – 2 சுளை, எண்ணெய் – 1 டேபிள் ஸ்பூன், கடுகு – அரை டீஸ்பூன்,  உளுந்து – ஒரு டேபிள் ஸ்பூன், கருவேப்பிலை – 1 இணுக்கு.

 

செய்முறை :- பெரிய வெங்காயம் சின்னவெங்காயம், பூண்டைத் தோலுரித்து நறுக்கவும், தக்காளியைத் துண்டுகள் செய்யவும். மிக்ஸியில் வரமிளகாய், பெரிய வெங்காயம், சின்ன வெங்காயம் பூண்டு தக்காளி, பெருங்காயம், உப்பு, புளி சேர்த்து நீர் விடாமல் அரைக்கவும். கடாயில் எண்ணெயைக் காயவைத்துக் கடுகு, உளுந்து தாளித்து கருவேப்பிலை போட்டு மொறுமொறுப்பாக ஆகும் வரை வதக்கிக் கொட்டிக் கலந்து உபயோகிக்கவும்.

கும்மாயம்

கும்மாயம்

தேவையானவை:- கும்மாய மாவு( பச்சரிசி 1 கப்., பாசிப்பருப்பு 1 கப்., வெள்ளை உளுந்து 1 கப்பை வெறும் வாணலியில் வெதுப்பி பொடித்து சலிக்கவும்.) இதிலிருந்து ஒரு கப் மட்டும் எடுத்துக் கொள்ளவும் - 1கப் 200 கி்ராம். கருப்பட்டி + வெல்லம் = 1 1/2 கப் 200 கிராம். நெய்+நல்லெண்ணெய் = 100+50 கிராம். தண்ணீர் - 4 கப்

செய்முறை:- பானில் நல்லெண்ணெய் 50 கிராம்., நெய் 50 கிராம் ஊற்றி மாவை ஒரு நிமிடம் வாசனை வரும்வரை வறுக்கவும். இன்னொரு பாத்திரத்தில் தண்ணீர் 4 கப் ஊற்றி வெல்லம்., கருப்பட்டியை போட்டு அடுப்பில் வைக்கவும். கரைந்தவுடன் வடிகட்டி மாவில் ஊற்றி கட்டிகளில்லாமல் கரைக்கவும். பின் அடுப்பில் வைத்து கைவிடாமல் கிளறவும். கையில் ஒட்டாமல் கெட்டியாக கண்ணாடியைப் போல வரும்வரை கிளறி மிச்ச நெய்யைஊற்றி இறக்கவும். சுடச் சுட பரிமாறவும்.

கருப்பட்டிப் பணியாரம்

கருப்பட்டிப் பணியாரம்

தேவையானவை:- பச்சரிசி -2 கப், வெல்லம் + கருப்பட்டி - 200 கி, எண்ணெய் - பொரிக்கத் தேவையான அளவு.

 

செய்முறை:- பச்சரிசியைக் கழுவி இரண்டு மணி நேரம்  ஊறவைத்து வடிகட்டி நிழலில் போடவும். பத்து நிமிடம் கழித்து மிக்ஸியில் அரைத்துச் சலிக்கவும். ஒரு கட்டி வெல்லத்தோடு கருப்பட்டியையு நைத்துப் போட்டு அரைக் கப் தண்ணீர் ஊற்றிக் கரைய விடவும். வெல்லமும் கருப்பட்டியும் கரைந்ததும் மாவில் வடிகட்டி ஊற்றி கரண்டிக் காம்பால் கிளறி நன்கு பிசைந்து உருட்டி வைக்கவும்.  மறுநாள் எண்ணெயைக் காயவைத்து மாவைக் கரைத்துப் பணியாரங்களாக ஊற்றவும். எண்ணையோடு சிறிது நெய்யையும் சேர்த்துக் காய்ச்சி ஊற்றினால் மிகவும் ருசியாக  இருக்கும். 

மசாலச் சீயம்

மசாலச் சீயம்

தேவையானவை:- பச்சரிசி -  1 ஆழாக்கு, வெள்ளை உளுந்தம்பருப்பு - 1 ஆழாக்கு, உப்பு - 1 டீஸ்பூன், எண்ணெய் பொறிக்கத் தேவையான அளவு, தேங்காய்  -  1 மூடி துருவியது, சின்ன வெங்காயம் - 20 தோலுரித்துப் பொடியாக நறுக்கவும், கடுகு - 1 டீஸ்பூன், கருவேப்பிலை - 1 கொத்து, பச்சைமிளகாய் - 2 பொடியாக நறுக்கவும்.

செய்முறை:- பச்சரிசி, உளுந்தை நன்கு கழுவி 2 மணி நேரம் ஊறவைக்கவும். உப்பு சேர்த்து வெண்ணெய் போல அரைக்கவும். ஒரு பானில் 4 ஸ்பூன் எண்ணெய் ஊற்றி கடுகு தாளித்து பச்சைமிளகாய், கருவேப்பிலை, வெங்காயத்தைப் போட்டுப் பொன்னிறமாக வதக்கவும். துருவிய தேங்காயைச் சேர்த்து நன்கு வதக்கி மாவில் போட்டு நன்கு பிசைந்து சின்னச் சின்ன உருண்டைகளாக உருட்டி எண்ணெயைக் காயவைத்துப் பொரித்தெடுக்கவும். கதம்பச் சட்னியுடன் பரிமாறவும்.

பால் பணியாரம்

பால் பணியாரம்

தேவையானவை :- பச்சரிசி  -  1 ஆழாக்கு, வெள்ளை உளுந்தம் பருப்பு - 1 ஆழாக்கு., உப்பு - 1 டீஸ்பூன், எண்ணெய் -  பொறிக்கத் தேவையான அளவு., காய்ச்சிய பால் - 1 லிட்டர், ஜீனி - 1/2 கப், ஏலப்பொடி - 1 சிட்டிகை.

செய்முறை:-பச்சரிசி உளுந்தம்பருப்பைக் கழுவி 2 மணி நேரம் ஊறவைத்து உப்பு சேர்த்து வெண்ணெய் போல அரைக்கவும். ஒரு துணியில் துளை செய்து மாவை அதில் நிரப்பி துளித்துளியாய்க் காய்ந்த எண்ணெயில் விட்டுப் பொரித்தெடுக்கவும்.பாலைக் காய்ச்சி சீனி சேர்த்து ஏலப் பொடி போடவும். அதில் பொரித்த பணியாரங்களைப் போட்டு ஊறவைத்துப் பரிமாறவும். 

வெள்ளைப் பணியாரம்

வெள்ளைப் பணியாரம்

தேவையான பொருட்கள்:- பணியாரப் பச்சை ( பச்சரிசி ) - 2 ஆழாக்கு தலை தட்டி, வெள்ளை உளுந்து - அரிசியின் மேல் கோபுரமாக ( தோராயமாக 1/4 ஆழாக்கு), உப்பு - 1 டீஸ்பூன், எண்ணெய் - பொறிக்க..

செய்முறை:- அரிசி்யையும் உளுந்தையும் சேர்த்துக் கழுவி 2 மணி நேரம் ஊறவைக்கவும். நன்கு மையாக அரைத்து உப்பு சேர்த்து நன்கு கலக்கவும். எண்ணெயைக் கடாயில் காயவைத்து மாவை ஒவ்வொரு கரண்டியாக ஊற்றி மேலெழும்பியதும் திருப்பி விட்டு சூடாக எடுக்கவும். .அரை தேக்கரண்டி சீனியும் பாலும் விட்டு மாவை நன்கு அடித்து ஊற்றினால் பணியாரம் மென்மையாக வரும்.

கந்தரப்பம்

கந்தரப்பம்

தேவையானவை:- பச்சரிசி - 2 கப், புழுங்கல் அரிசி - 1/4 கப், உளுந்து - 1/4 கப், கடலைப்பருப்பு - 1/8 கப், வெந்தயம் - 1 டீஸ்பூன், வெல்லம் - 2 கப், தேங்காய் துருவியது - 1 கப், ஏலக்காய் - 4 . , எண்ணெய் - பொரிக்க தேவையான அளவு.

செய்முறை:- பச்சரிசி.,புழுங்கல் அரிசி., உளுந்தம்பருப்பு., கடலைப்பருப்பு., வெந்தயம் எல்லாவற்றையும் கழுவி 2 மணிநேரம் நன்றாக ஊறவைக்கவும். நைசாக அரைத்து அதில் வெல்லம்., தேங்காய்துருவல்., ஏலக்காய் சேர்த்து இன்னும் 5 நிமிடம் அரைக்கவும். எண்ணெயைக் காயவைத்து ஒரு கரண்டி மாவை எடுத்து ஊற்றவும். அப்பம் உப்பி மேலே வரும்போது திருப்பி விட்டு வேகவைத்து எடுக்கவும். சூடாக பரிமாறவும்.

குறுவை அரிசிப் பாயாசம்

குறுவை அரிசிப் பாயாசம்

தேவையானவை:-  குறுவை அரிசி - அரை ஆழாக்கு, பால் - 1 லிட்டர், ஜீனி - 1/2 ஆழாக்கு, ஏலக்காய் – 2, முந்திரி  - 10, கிஸ்மிஸ் – 10, நெய் - 2 டீஸ்பூன்

செய்முறை:குறுவை அரிசியை மிக்ஸியில் ஒன்றிரண்டாகப் பொடித்துக்  குக்கரில் அரை லிட்டர் பாலில் வேகவிடவும். வெந்ததும் இறக்கி மிச்ச பாலையும் சேர்த்து ஜீனி கரையும் வரை காய்ச்சி நெய்யில் முந்திரி கிஸ்மிஸ் பொறித்துப் போட்டு ஏலத்தைப் பொடி செய்து போட்டுப் பரிமாறவும்.

கல்கண்டு வடை

கல்கண்டு வடை

தேவையானவை:- உளுந்து - 1 கப்,  கல்கண்டு (பொடித்தது) அல்லது ஜீனி - 1 கப்,  உப்பு - 1 சிட்டிகை,  எண்ணெய் - பொறிக்க.

செய்முறை:- உளுந்தை நன்கு கழுவி 2 மணி நேரம் ஊற வைக்கவும். கிரைண்டரில் தண்ணீரை வடித்துவிட்டு நன்கு ஆட்டவும். பாதி ஆட்டியபின் கல்கண்டு அல்லது ஜீனி சேர்க்கவும். நன்கு மைய மாவானபின் எடுத்து வடைகளாகத் தட்டி எண்ணெயில் பொறிக்கவும். இது செட்டிநாட்டின் ஸ்பெஷல் இனிப்பு.தீபாவளி., பிள்ளையார் நோன்பு சமயங்களில் செய்து பரிமாறுவார்கள்.

முறுக்கு வடை

முறுக்கு வடை

தேவையானவை :- பச்சரிசி - 4 கப், வெள்ளை உளுந்தம்பருப்பு - 1 1/2 கப், உப்பு - 1 2 டீஸ்பூன், , எண்ணெய் - பொறிக்கத் தேவையான அளவு, வெண்ணெய் – சிறிதளவு.

செய்முறை:- பச்சரிசியைக் கழுவி ஊற வைக்கவும். நீரை வடித்து ஒரு துணியில் உலரப் போடவும். பச்சரிசியை சிறிது ஈரத்தோடு பொடிக்கவும். வெள்ளை உளுந்தம்பருப்பை சிவப்பாக வெதுப்பிப் பொடிக்கவும்.  இரண்டையும் சலிக்கவும். இரண்டையும் சேர்த்து வெண்ணெயும் உப்பும் சேர்த்துத் தேவையான தண்ணீர் சேர்த்துப் பிசையவும். மாவு மென்மையாக இருக்க வேண்டும். ஒரு கை

இனிப்புக் கவுனியரிசி

இனிப்புக் கவுனியரிசி

தேவையானவை:- கவுனரிசி - 1 ஆழாக்கு, சீனி - 1/2 ஆழாக்கு, துருவிய தேங்காய் - 1/ 2 கப், நெய் - 1 டேபிள் ஸ்பூன், ஏலக்காய் - 2 (பொடித்தது)

செய்முறை:- கவுனரிசியைச் சுத்தம் செய்து கழுவி 3 டம்ளர் தண்ணீர் ஊற்றி ஊறவைக்கவும். சாதம் வைப்பதுபோல பிரஷர் குக்கரின் வேகவைக்கவும். வெளியில் எடுத்து நன்கு மசித்துச் சீனி., துருவிய தேங்காய்., நெய்., ஏலக்காய் பொடி சேர்த்து நன்கு கலக்கவும். காலைப் பலகாரத்துடன் இனிப்பாக பரிமாறவும்.

20 வகை செட்டிநாட்டு உணவுகள்

நாவில் நாட்டியமாடும் செட்டிநாட்டு உணவுகள்

செட்டி நாட்டு உணவின் சிறப்புகள்

இங்கிருக்கும் வீடுகளைப் போல செட்டிநாட்டு உணவுகளும் கட்டுக்கோப்பானவை. உடலுக்கு ஒரு தீங்கும் செய்யாதவை. மசாலா எண்ணெய் போன்றவற்றை அளவாகப் பயன்படுத்தியும் செய்யலாம். முன் காலத்தில் அம்மி ஆட்டுக்கல்லில் அரைத்து மஞ்சட்டியில் சமைப்பதால் மிக ருசியாக இருக்கும். இங்கே இன்றும் திருமணப் பலகாரங்கள், எடைவேளைப் பலகாரங்கள் என்பவை பிரசித்தம். தீபாவளி, பிள்ளையார் நோன்பு, திருமணம், விளையாட்டுப் பொட்டி வேவு, சூப்புடி, கார்த்திகைப் புதுமை, திருவாதிரைப் புதுமை போன்றவற்றில் இவ்வுணவு வகைகளைச் செய்து பரிமாறுவார்கள். செட்டிநாட்டார் உணவை செய்வதில் மட்டுமல்ல விருந்தினரை உபசரித்து மகிழ்வதிலும் பெருவிருப்பம் கொண்டவர்கள்.

தேனம்மைலெக்ஷ்மணன்.

1.இனிப்புக் கவுனியரிசி
2.முறுக்கு வடை
3.மனகோலம்
4.சீப்புச் சீடை
5.கந்தரப்பம்
6.வெள்ளைப் பணியாரம்
7.பால் பணியாரம்
8.மசாலச் சீயம்
9.கருப்பட்டிப் பணியாரம்
10.கும்மாயம்
11.மட்டன் உப்புக்கறி
12.சிக்கன் செட்டிநாடு
13.கேக் முட்டைக் குழம்பு
14.நண்டுக் குழம்பு
15.ராட்டு மசாலை
16.கைமா பொடிமாஸ்
17.வெங்காயக் கோஸ்
18.கத்திரிக்காய் கோஸமல்லி
19.வாழைப்பூக் கோளா
20.இங்கிலீஷ் காய்கறிப் பிரட்டல்
21.வரமிளகாய்த் துவையல்
22.டாங்கர் சட்னி
23.கல்கண்டு வடை
24.குறுவை அரிசிப் பாயாசம்
25.சைவ மீன் குழம்பு

கருணைக்கிழங்குக் குழம்பு

கருணைக்கிழங்குக் குழம்பு

தேவையானவை:- கருணைக்கிழங்கு - 250 கி, சின்ன வெங்காயம் - 10, வெள்ளைப் பூண்டு - 7, தக்காளி - 1, புளி - 1 எலுமிச்சை அளவு, உப்பு - 2 டீஸ்பூன், மஞ்சள்பொடி - 1 சிட்டிகை, மிளகாய்ப்பொடி - 2 டீஸ்பூன், மல்லிப்பொடி - 4 டீஸ்பூன், கருவேப்பிலை - 1 இணுக்கு, எண்ணெய் - 30 மிலி, கடுகு - 1 டீஸ்பூன், உளுந்து - 1 டீஸ்பூன், ஜீரகம் - 1/2 டீஸ்பூன், வெந்தயம் - 1/4 டீஸ்பூன், பெருங்காயம் - 1/8 இஞ்ச் துண்டு.

 

செய்முறை:- கருணைக்கிழங்குகளை நன்கு கழுவிக் குக்கரில் வேகவைக்கவும். 10 நிமிடம் ஆறியபின் தோலுரித்துத் துண்டுகளாக நறுக்கவும். சின்ன வெங்காயம்., பூண்டைத் தோலுரித்து இரண்டாக நறுக்கவும். தக்காளியைத் துண்டுகள் செய்யவும். புளியை 3 கப் தண்ணீரில் ஊறவைத்துச் சாறு எடுத்து உப்பு சேர்க்கவும். பானில் எண்ணெயைக் காயவைத்து கடுகு போட்டு வெடித்ததும்., உளுந்து போட்டு சிவந்ததும்., சீரகம்., வெந்தயம்., பெருங்காயம்., போடவும். கருவேப்பிலை., சின்ன வெங்காயம்., பூண்டு., தக்காளி போட்டு வதக்கி கருணைக்கிழங்கை சேர்க்கவும். அதில் புளித்தண்ணீரை ஊற்றி மஞ்சள் பொடி ., மிளகாய்ப்பொடி., மல்லிப்பொடி போடவும். நன்கு கொதிக்க வைத்து பின் 10 நிமிடம் மூடிபோட்டு சிம்மில் வைத்து எண்ணெய் பிரிந்ததும் இறக்கி சூடாக சாதம் அப்பளத்தோடு பரிமாறவும்.

சுண்டைக்காய் புளிக்குழம்பு

சுண்டைக்காய் புளிக்குழம்பு

 

தேவையானவை :- சுண்டைக்காய் - 1 கப், சின்ன வெங்காயம் - 10

வெள்ளைப்பூண்டு - 6 பல், தக்காளி - 1, புளி - 1 எலுமிச்சை அளவு, உப்பு - 2 டீஸ்பூன். , மிளகாய்ப் பொடி - 2 டீஸ்பூன், மல்லிப் பொடி - 1 டேபிள்ஸ்பூன், மஞ்சப் பொடி - 1 சிட்டிகை, பெருங்காயம் - 1/8 இஞ்ச் துண்டு, கருவேப்பிலை - 1 இணுக்கு, கடுகு - 1 டீஸ்பூன், ஜீரகம் - 1/2 டீஸ்பூன், வெந்தயம் - 1/2 டீஸ்பூன், சீனி - 1 சிட்டிகை. , எண்ணெய் - 1 டேபிள் ஸ்பூன்.

 

செய்முறை:- சுண்டைக்காய்களை இரண்டாக நறுக்கித் தண்ணீரில் போடவும். சின்ன வெங்காயம், வெள்ளைப் பூண்டைத் தோலுரித்து இரண்டாக நறுக்கவும். தக்காளியைத் துண்டுகள் செய்யவும். புளியையும்., உப்பையும் 3 கப் தண்ணீரில் ஊறப் போடவும். பானில் எண்ணெயைக் காயவைத்துக் கடுகு போட்டு வெடித்தவுடன், சீரகம்., வெந்தயம்., பெருங்காயம் போடவும். கருவேப்பிலை, வெங்காயம், பூண்டு, தக்காளி, சுண்டைக்காய்களைப் போட்டு நன்கு வதக்கவும். புளித்தண்ணீரை ஊற்றி மஞ்சள் பொடி, மிளகாய்ப்பொடி, மல்லிப் பொடி போடவும். நன்கு கொதி வந்தவுடன் சீனி சேர்த்து மூடி போட்டு 20 நிமிடம் சிம்மில் வைக்கவும். எண்ணெய் பிரிந்தவுடன் இறக்கவும்.

கத்திரிக்காய் கெட்டிக் குழம்பு

கத்திரிக்காய் கெட்டிக் குழம்பு

தேவையானவை:- சின்னக் கத்திரிக்காய் - கால் கிலோ, பெரிய வெங்காயம் - 1, தக்காளி - 1, மஞ்சள் தூள் - 1 சிட்டிகை, தேங்காய் - 2 இன்ச் துண்டு, வரமிளகாய் - 6, மல்லி - 2 டீஸ்பூன், துவரம்பருப்பு, கடலைப்பருப்பு - தலா ஒரு டீஸ்பூன், சோம்பு - அரை டீஸ்பூன், சீரகம் - கால் டீஸ்பூன், பூண்டு - 1 பல், சின்ன வெங்காயம் - 1, உப்பு - ஒரு டீஸ்பூன், புளி - சிறிய நெல்லி அளவு, எண்ணெய் - ஒரு டேபிள் ஸ்பூன். தாளிக்க :- கடுகு, உளுந்தம்பருப்பு - தலா அரை டீஸ்பூன், பெருங்காயம் - 1 துண்டு. 

 

செய்முறை:- கத்திரிக்காய்களை முழுதாக மேலும் கீழும் கீறித் தண்ணீரில் போடவும். பெரிய வெங்காயத்தைப் பொடியாக நறுக்கவும். துவரம்பருப்பையும் கடலைப்பருப்பையும் ஒரு மணி நேரத்துக்கு முன்பு தண்ணீரில் ஊறப்போடவும். தேங்காயைத் துருவி அத்துடன் வரமிளகாய், மல்லி, சோம்பு, சீரகம், சின்ன வெங்காயம், தக்காளி, பூண்டு, ஊறிய பருப்புகள் சேர்த்து மைய அரைக்கவும். கடாயில் எண்ணெயைக் காயவைத்துக் கடுகு உளுந்து பெருங்காயம் தாளித்து அதில் கத்திரிக்காயையும் வெங்காயத்தையும் போட்டு நன்கு வதக்கவும். உப்புப் புளியை ஒரு டம்ளர் நீரில் நன்கு கரைத்து ஊற்றி மஞ்சள் பொடி போட்டு வேகவிடவும். வெந்து கொதிக்கும் போது அரைத்த மசாலாவை ஒரு கப் தண்ணீரில் கரைத்து ஊற்றவும். மசாலா வாடை போக வெந்து குழம்பு நல்ல மணம் வரும்போது இறக்கவும்.