சிக்கன் மஞ்சூரியன்
தேவையானவை :- எலும்பில்லாத கோழித்துண்டுகள் - 250 கி, மிளகாய்த்தூள் - 2 டீஸ்பூன், சோளமாவு - 2 டீஸ்பூன், சிவப்பு ஃபுட் கலர் - 1 சிட்டிகை, உப்பு - 1 டீஸ்பூன், முட்டை - 1, இஞ்சி பூண்டு பேஸ்ட் - 2 டீஸ்பூன். எண்ணெய் - பொரிக்கத் தேவையான அளவு. குடைமிளகாய் - 1, பெரிய வெங்காயம் - 1, சோயா சாஸ் - 2 டீஸ்பூன், தக்காளி சாஸ் - 1 டேபிள் ஸ்பூன்.
செய்முறை:- கோழியக் கழுவி சுத்தம் செய்து உப்பு, இஞ்சி பூண்டு பேஸ்ட், மிளகாய்த்தூள், சோளமாவு, முட்டை, சிவப்பு ஃபுட் கலர் சேர்த்து இரண்டு மணி நேரம் ஊறவைக்கவும். பின் அதனை எண்ணெயில் பொரித்து எடுத்துக் கொள்ளவும். பெரிய வெங்காயம் , குடைமிளகாயை சதுரத் துண்டுகளாக நறுக்கவும். 
இன்னொரு கடாயில் இரண்டு டீஸ்பூன் எண்ணெயைக் காயவைத்து ஹை ஃப்ளேமில் வைத்து வெங்காயம், குடைமிளகாயைப் போட்டு வதக்கவும். போட்டவுடனேயே சோயா சாஸ், டொமேடோ சாஸையும் சேர்த்துக் கலக்கவும். இதில் உடனேயே கோழியையும் போட்டு நன்கு கலந்து லேசாகத் தண்ணீர் ஊற்றிப் பிரட்டவும். சாஸ் எல்லாவற்றிலும் நன்கு கலந்ததும் இறக்கி சப்பாத்தி நான், ருமாலி ரொட்டி, குல்ச்சா ஆகியவற்றோடு பரிமாறவும்.
கருத்துகள் இல்லை:
கருத்துரையிடுக