பொடி உருளைப் பொடிமாஸ்.

பொடி உருளைப் பொடிமாஸ்.

தேவையானவை :- பொடி உருளைக்கிழங்கு - கால் கிலோ ( இது கொண்டக்கடலை சைஸில் பொறுக்கி எடுக்கவேண்டும். )  வரமிளகாத்தூள் - ஒரு டீஸ்பூன், எண்ணெய் - 1 டேபிள் ஸ்பூன், உப்பு - அரை டீஸ்பூன், கடுகு , உளுந்து சோம்பு - தலா அரை டீஸ்பூன்.

செய்முறை :- பொடி உருளைக்கிழங்குகளைக் கழுவி குக்கரில் இரண்டு கப் தண்ணீரில் வேகப்போட்டுத் தோலுரித்து வைக்கவும். கடாயில் எண்ணெயைக் காயவைத்துக் கடுகு, உளுந்து சோம்பு போட்டுப் பொரிந்ததும் மிளகாய்த்தூள் உப்பு போட்டு உடனே உரித்த உருளைக்கிழங்குகளையும் போட்டு நன்கு பிரட்டி விடவும். சிம்மில் வைத்து பத்து நிமிடம் புரட்டிப் புரட்டிவிட்டு வேகவிட்டு மொறுமொறுப்பானதும் இறக்கவும். தயிர்சாதத்துக்கு நல்ல காம்பினேஷன்.

உருளை பொரியல்.

லஞ்ச் பாக்ஸுக்கு ஏற்றபடி ஐந்தே நிமிடத்தில் செய்யக்கூடிய ஈஸி உருளை பொரியல் இதோ.

தேவையானவை :-

உருளைக்கிழங்கு - 2, உப்பு - அரை டீஸ்பூன், வரமிளகாய்த்தூள் - அரை டீஸ்பூன், எண்ணெய் - 3 டீஸ்பூன், தாளிக்க - கடுகு, உளுந்து தலா அரை டீஸ்பூன், சோம்பு - கால் டீஸ்பூன்.

செய்முறை :- உருளைக்கிழங்கைத் தோல் சீவிக் கட்டம் கட்டமாக நறுக்கிக் கொள்ளவும். கடாயில் எண்ணெயைக் காயவைத்து கடுகு உளுந்து சோம்பு தாளித்து உருளையை இரு நிமிடம் வதக்கவும். இதில் உப்பும் , மிளகாய்த்தூளும் சேர்த்து வதக்கி ரோஸ்டாக எண்ணெயிலேயே நன்கு வெந்ததும் இறக்கவும். இது தயிர்சாதம் & கலவை சாதங்களுக்குத் தொட்டுக்கொள்ள ஏற்றது..
  

POTATO LEMON MASALA . உருளை எலுமிச்சை மசாலா

POTATO LEMON MASALA:-

NEEDED:-
POTATO - 2 NOS. BOILED PEELED & SMASHED.
BIG ONION - 1 NO. CHOPPED FINELY.
GREEN/RED CHILLIES - 3 NOS. CUT INTO 1 INCH PIECES
GINGER - 1 INCH PIECE ,CHOPPED
TURMERICPOWDER - 1 PINCH
LEMON JUICE - 1/2 TBLSPN
SALT - 1 TSP
CURRY LEAVES - 1 ARK
OIL - 2 TSP
MUSTARD - 1 TSP
ORID DHAL - 1 TSP
CHANNA DHAL - 1 TSP
ANISEED - 1 TSP
BAY LEAF - 1

METHOD:-

HEAT OIL IN A PAN ADD MUSTARD. WHEN IT SPLUTTERS ADD ORID DHAL, WHEN IT BECOMES BROWN ADD CHANNA DHAL, ANISEEDS & BAY LEAF. THEN ADD GREEN CHILLIES, CURRY LEAVES, ONION, SAUTE FOR 2 MINUTES. ADD THE SMASHED POTATO WITH SALT, TURMERIC POWDER AND LEMON JUICE.POUR HALF CUP WATTER. COOK FOR 5 MINUTES AND SERVE HOT WITH CHAPPATHIS, NAANS, FULKAS.

உருளை எலுமிச்சை மசாலா:-

தேவையானவை:-
உருளைக்கிழங்கு - 2 வேகவைத்துத் தோலுரித்து மசிக்கவும்.
பெரிய வெங்காயம் - 1 பொடியாக அரிந்தது.
பச்சை/சிகப்பு மிளகாய் - 3, 1 இன்ச் துண்டாக நறுக்கவும்.
இஞ்சி - 1 இன்ச் துண்டு. பொடியாக நறுக்கவும்.
மஞ்சள் பொடி - 1 சிட்டிகை.
எலுமிச்சை ரசம் - 1/2 டேபிள் ஸ்பூன்
உப்பு - 1 டீஸ்பூன்
கருவேப்பிலை - 1 இணுக்கு,
எண்ணெய் - 2 டீஸ்பூன்
கடுகு - 1 டீஸ்பூன்
உளுந்து - 1 டீஸ்பூன்
கடலைப் பருப்பு - 1 டீஸ்பூன்
சோம்பு - 1 டீஸ்பூன்
பட்டை இலை - 1

செய்முறை:- பானில் எண்ணெயைக் காயவைத்து கடுகு போடவும். அது வெடித்தவுடன் உளுந்து போட்டு சிவந்தவுடன் கடலைப்பருப்பு, சோம்பு பட்டை இலை போடவும். இஞ்சி, கருவேப்பிலை, பச்சைமிளகாய், வெங்காயம் போட்டு இரண்டு நிமிடம் வதக்கவும். அதில் மசித்த உருளைக்கிழங்கைப் போட்டு . மஞ்சள் தூளும் உப்பும் எலுமிச்சை சாறும் சேர்க்கவும். அரை கப் தண்ணீர் ஊற்றவும். 5 நிமிடம் வேகவைத்து சப்பாத்தி, நான், புல்காவோடு பரிமாறவும்.