பீர்க்கங்காய் கூட்டு.

பீர்க்கங்காய்க் கூட்டு.

தேவையானவை :- பீர்க்கங்காய் -  1, பாசிப்பருப்பு - 1 டேபிள் ஸ்பூன், சின்ன வெங்காயம் - 6, பச்சை மிளகாய் - 1 இரண்டாக வகிரவும். சீரகம் - அரை டீஸ்பூன், உப்பு - கால் டீஸ்பூன், தாளிக்க - உளுந்து , சீரகம் தலா அரை டீஸ்பூன், கருவேப்பிலை - 1 இணுக்கு, வரமிளகாய் - 1 இரண்டாகக் கிள்ளவும். எண்ணெய் - அரை டீஸ்பூன்.

செய்முறை :- ஒரு ப்ரஷர் பானில் அரை கப் தண்ணீர் ஊற்றி பாசிப்பருப்பு, அதன் மேல் பொடியாக அரிந்த சின்ன வெங்காயம், சீரகம், பச்சை மிளகாய், தோல் சீவி கட்டமாக அரிந்த பீர்க்கங்காய் போட்டு ஒரு விசில் வைக்கவும்.

வெந்ததும் இறக்கி உப்பு போட்டு லேசாக மசிக்கவும். எண்ணெயைக் காயவைத்து உளுந்து சீரகம், வரமிளகாய், கருவேப்பிலை தாளித்து சேர்க்கவும். கலக்கி உபயோகிக்கவும்.