வாழைத்தண்டு/பீட்ரூட்/காரட் சூப்
தேவையானவை:- சின்ன வாழைத்தண்டு - 1 அல்லது பீட்ரூட் பெரிது – 1 அல்லது காரட் பெரிது 1., பாசிப்பருப்பு +துவரம்பருப்பு – 1 டேபிள் ஸ்பூன், சின்ன வெங்காயம் – 10, சின்னச் சீரகம் – 1 டீஸ்பூன், கசகசா – ½ டீஸ்பூன், மஞ்சள் தூள் – 1 சிட்டிகை, உப்பு – ½ டீஸ்பூன், கொழுந்து கருவேப்பிலை – சிறிது., எண்ணெய் – 1 டீஸ்பூன்.
செய்முறை:-
பருப்புவகைகளுடன் வட்டமாக அரிந்த வாழைத்தண்டோ அல்லது ஸ்லைஸாக நறுக்கிய பீட்ரூட்டோ அல்லது துருவிய காரட்டோ போட்டு மஞ்சள்தூள் சேர்த்து குக்கரில் வேகவைத்து கரண்டியால் லேசாக மசித்து அரை கப் தண்ணீர் சேர்க்கவும். சின்னச் சீரகத்துடன் கசகசகா சின்ன வெங்காயம் இரண்டு வைத்து அரைத்து வைக்கவும். மிச்ச வெங்காயத்தை வளையம் வளையமாக நைஸாக அரிந்து வைக்கவும்.கடாயில் எண்ணெய் ஊற்றி வெங்காயத்தை மென்மையாக வதக்கவும். அதில் அரைத்த விழுதைப் போட்டு வதக்கி காய்கறி பருப்புக் கலவையை ஊற்றவும். தேவையான தண்ணீர் சேர்த்து உப்புப் போடவும். கொதி வந்ததும் இறக்கி கொழுந்து கருவேப்பிலை தூவிக் குடிக்கக் கொடுக்கவும். இது தொண்டைப்புண் கரகரப்பு வலி போக்கும் வயிற்றுப்புண்ணையும் போக்கும்.
கருத்துகள் இல்லை:
கருத்துரையிடுக