கத்திரிக்காய் கெட்டிக் குழம்பு.

கத்திரிக்காய் கெட்டிக் குழம்பு.

இதை சின்ன வெங்காயம் வெள்ளைப்பூண்டு, தக்காளி போட்டு வதக்கிப் புளிக்குழம்பு போல வைத்துக் கடைசியில் வெந்த துவரம்பருப்பைப் போட்டு இறக்கலாம். இது இன்னொரு டைப்பில் பருப்புகளை ஊறவைத்துத் தேங்காய் சோம்போடு அரைத்துச் செய்திருக்கிறேன். 

தேவையானவை :- கத்திரிக்காய் - கால் கிலோ, பெரிய வெங்காயம் - 1, தக்காளி - 1, மஞ்சள் தூள் - 1 சிட்டிகை, தேங்காய் - 2 இன்ச் துண்டு, வரமிளகாய் - 6, மல்லி - 2 டீஸ்பூன், துவரம்பருப்பு, கடலைப்பருப்பு - தலா ஒரு டீஸ்பூன், சோம்பு - அரை டீஸ்பூன், சீரகம் - கால் டீஸ்பூன், பூண்டு - 1 பல், சின்ன வெங்காயம் - 1, உப்பு - ஒரு டீஸ்பூன், புளி - சிறிய நெல்லி அளவு, எண்ணெய் - ஒரு டேபிள் ஸ்பூன். தாளிக்க :- கடுகு, உளுந்தம்பருப்பு - தலா அரை டீஸ்பூன், பெருங்காயம் - 1 துண்டு. 

செய்முறை:- கத்திரிக்காயைத் துண்டங்களாக்கித் தண்ணீரில் போடவும். பெரிய வெங்காயத்தைப் பொடியாக நறுக்கவும். துவரம்பருப்பையும் கடலைப்பருப்பையும் ஒரு மணி நேரத்துக்கு முன்பு தண்ணீரில் ஊறப்போடவும். தேங்காயைத் துருவி அத்துடன் வரமிளகாய், மல்லி, சோம்பு, சீரகம், சின்ன வெங்காயம், தக்காளி, பூண்டு, ஊறிய பருப்புகள் சேர்த்து மைய அரைக்கவும்.  

கடாயில் எண்ணெயைக் காயவைத்துக் கடுகு உளுந்து பெருங்காயம் தாளித்து அதில் கத்திரிக்காயையும் வெங்காயத்தையும் போட்டு நன்கு வதக்கவும். உப்புப் புளியை ஒரு டம்ளர் நீரில் நன்கு கரைத்து ஊற்றி மஞ்சள் பொடி போட்டு வேகவிடவும். வெந்து கொதிக்கும் போது அரைத்த மசாலாவை ஒரு கப் தண்ணீரில் கரைத்து ஊற்றவும். மசாலா வாடை போக வெந்து குழம்பு நல்ல மணம் வரும்போது இறக்கவும். இது சாதத்தோடு சாப்பிட நன்றாக இருக்கும். இட்லி, தோசை, உப்புமா போன்றவற்றுக்கும் தொட்டுக் கொள்ளலாம். 

  

கத்திரிக்காய்ப் புளிக்குழம்பு.

கத்திரிக்காய்ப் புளிக்குழம்பு.

தேவையானவை. :-

பிஞ்சுக் கத்திரிக்காய் - கால் கிலோ, சின்ன வெங்காயம் - 10, வெள்ளைப்பூண்டு - 6, தக்காளி - 1, சாம்பார் தூள் - 2 டேபிள் ஸ்பூன், புளி - பெரிய நெல்லி அளவு, உப்பு - ஒன்றரை டீஸ்பூன், மஞ்சள் தூள் - கால் டீஸ்பூன், கருவேப்பிலை - 1 இணுக்கு, எண்ணெய் - 1 டேபிள் ஸ்பூன், கடுகு, உளுந்து சீரகம் வெந்தயம் தலா அரை டீஸ்பூன், பெருங்காயம் - ஒரு சின்ன துண்டு.

செய்முறை. :- கத்திரிக்காயைக் காம்பு வெட்டி நான்காகக் கீறிக் கொள்ளவும். வெங்காயம் தக்காளி பூண்டை உரித்து சின்னதாக வெட்டிக் கொள்ளவும். புளியை கப் தண்ணீரில் ஊறவைத்து சாறெடுத்து உப்பு சேர்த்து வைக்கவும். மஞ்சள்தூள், சாம்பார் தூள் கலந்து வைக்கவும்.

பானில் எண்ணெயைக் காயவைத்துக் கடுகு உளுந்து வெந்தயம் சீரகம் பெருங்காயம் போட்டுத் தாளித்து  கத்திரிக்காயைப் போட்டு நன்கு வதக்கவும்.அதில் வெங்காயம், தக்காளி, பூண்டு, கருவேப்பிலை போட்டு நன்கு பிரட்டி சாம்பார்பொடி மஞ்சள் பொடி போடவும்.நன்கு பிரட்டி புளிக்கரைசலை ஊற்றவும். நன்கு கொதித்ததும் மூடி போட்டு சிம்மில் பத்துநிமிடம் வைத்து ஒரு சிட்டிகை சீனி அல்லது வெல்லம் கலந்து இறக்கவும்.

சௌ சௌ கூட்டு அல்லது பீர்க்கங்காய்க் கூட்டு, புடலங்காய்க் கூட்டுடன் சூடான சாத்தோடு பரிமாறவும்.
  

கொண்டைக்கடலைக் கத்திரிக்காய்க் குழம்பு.

கொண்டைக்கடலை கத்திரிக்காய்க் குழம்பு.

தேவையானவை :- கறுப்புக் கொண்டைக்கடலை  - அரை கப், கத்திரிக்காய் - 2, சின்ன வெங்காயம் - 6, பூண்டு - 2 பல், தக்காளி - 1, சாம்பார் பொடி - 2 டீஸ்பூன், மஞ்சள் தூள் - 1 சிட்டிகை. புளி - 1 நெல்லி அளவு, உப்பு - 1 டீஸ்பூன். அரைக்க :- சோம்பு, சீரகம், கசகசா - தலா கால் டீஸ்பூன், தேங்காய் -  ரெண்டு இஞ்ச் துண்டு, தாளிக்க :- கடுகு, உளுந்து, சீரகம், வெந்தயம் - தலா அரை டீஸ்பூன், கருவேப்பிலை  - 1 இணுக்கு, கொத்துமல்லி - அலங்கரிக்க.

செய்முறை :- கறுப்புக் கொண்டைக்கடலையைக் கழுவி எட்டு மணி நேரம் ஊறவைக்கவும். குக்கரில் சிறிது உப்புப் போட்டு 3 விசில் வேகவிடவும். உப்புப் புளியைக் கரைத்து சாம்பார்தூளையும் மஞ்சள் தூளையும் போட்டு வைக்கவும்.  கத்திரிக்காய்  , வெங்காயம்,பூண்டு, தக்காளியை நறுக்கிக் கொள்ளவும். தேங்காய், கசகசா, சோம்பு , சீரகம் ஒரு பல் பூண்டு, ஒரு சின்னவெங்காயம் போட்டு அரைத்து வைக்கவும்.

பானில் எண்ணெய் ஊற்றி கடுகு, உளுந்து சீரகம், வெந்தயம் தாளித்து கருவேப்பிலை, கத்திரிக்காய் , வெங்காயம், தக்காளி, பூண்டு போட்டு வதக்கவும் வதங்கியதும் புளி கரைத்த சாம்பார்பொடிக் கலவையை ஊற்றி வேக விடவும். நன்கு கொதித்ததும் கொண்டைக்கடலையைச் சேர்க்கவும். இரண்டு கொதி வந்ததும் அரைத்த தேங்காய்க் கலவையைப் போட்டு ஒரு கொதி வந்ததும் இறக்கி கொத்துமல்லித்தழை தூவி சூடான சாதத்தோடு   பரிமாறவும். புடலங்காய்த்துவட்டல் இதற்கு தொட்டுக் கொள்ளலாம்.
 

AUBERGINE - POTATO AVIAL கத்திரிக்காய் உருளைக்கிழங்கு அவியல், குங்குமம் தோழியில்.

AUBERGINE - POTATO AVIAL..:-
NEEDED :-
POTATO LARGE - 1 NO
BRINJAL./ ( EGG PLANT ..)/( AUBERGINE) - 3 NOS.
BIG ONION - 1 NO
TOMATO - 1 NO
CURRY LEAVES - 1 ARK

TO GRIND :-
GREEN CHILLIES - 4 NOS
CRATED COCONUT - 1 CUP
FRIED CHANNA DHAL - 1 TBLSPN.
SOMPH - 1 TSP
JEERA - /2 TSP
PEPPERCORNS - 5 NOS.
SMALL ONION - 2 NOS
GARLIC - 2 PODS

SALT - 1 TSP
OIL - 3 TSP FOR FRYING.

METHOD:-
GRIND ALL THE INGREDIENTS. WASH PEEL AND DICE ONION., TOMATO., AUBERGINE AND POTATO. HEAT OIL IN A PAN . FRY ALL THE VEGETABLES AND CURRY LEAVES. SAUTE WELL ADD THE GROUND MASLA AND SAUTE FOR 1 MINUTE . ADD SALT AND 4 CUPS OF WATER. BRING TO BOIL AND SIMMER FOR 10 MINUTES . COOK TILL VEGETABLES ARE TENDER AND SERVE HOT WITH IDDLIES OR DOSAS..

ITS A CHETTINADU SPECIAL AND SERVED IT WITH MORNING TIFFINS.

கத்திரிக்காய் உருளைக்கிழங்கு அவியல்:-
தேவையானவை:-
பெரிய உருளைக்கிழங்கு - 1
கத்திரிக்காய் - 3
பெரிய வெங்காயம் - 1
தக்காளி - 1
கருவேப்பிலை - 1 இணுக்கு

அரைக்க:-
பச்சை மிளகாய் - 4
தேங்காய் துருவியது - 1 கப்
பொட்டுக்கடலை - 1 டேபிள்ஸ்பூன்
சோம்பு - 1 டீஸ்பூன்
சீரகம் - 1/2 டீஸ்பூன்
மிளகு - 5
சின்ன வெங்காயம் - 2
பூண்டு - 2 பல்

உப்பு - 1 டீஸ்பூன்
எண்ணெய் - 3 டீஸ்பூன்.

செய்முறை:-
அரைக்கக் கொடுத்துள்ளவைகளை நன்கு மைய அரைக்கவும். காய்கறிகளைத் தோல் சீவி சதுரங்களாக நறுக்கவும். பானில் எண்ணெயைக் காயவைத்து வெங்காயம்., தக்காளி., உருளை., கத்திரியை வதக்கவும் . கருவேப்பி்லை சேர்க்கவும். அரைத்த கலவையை ஊற்றி 1 நிமிடம் வதக்கவும். உப்பு சேர்க்கவும். 4 கப் தண்ணீர் ஊற்றி கொதித்தவுடன் 10 நிமிடம் சிம்மில் வைக்கவும். காய்கள் மென்மையாகும் வரை வேகவைத்து சூடாக இட்லியுடன்., தோசையுடன் பரிமாறவும்..

இது செட்டிநாட்டில் காலைப் பலகாரத்துக்கு தொட்டுக்கொள்ள செய்யப்படும் குருமா வகையைப் போன்றது.